Hemen zaude: Lehen orrialdea › Halaxe Izan Zen 2004 › Sariak › Altadis-Zuzendari Berriak Saria
 
 
 

Altadis-Zuzendari Berriak Saria

Donostiako 52. Nazioarteko Zinemaldiari dagokion ALTADIS-ZUZENDARI BERRIAK SARIAren epaimahaiak, ondoko kideek osatua:

AIPAMEN bat ematea erabaki du:

Zinemaren lengoaiari hurbiltzeko duen umore eta freskotasunagatik

eta aho batez erabaki dute ALTADIS-ZUZENDARI BERRIAK SARIA ondoko filmari ematea:

  • INNOCENCE, Lucile Hadzihalilovic (Frantzia)

Bere doitasun estetikoagatik eta unibertso kezkagarri eta originala sortu izanagatik.

Donostian, 2004ko irailaren 25ean

BABESLE:

AZKEN ORDUKOAK:





JORGE DE COMINGES
1945ean Bartzelonan jaioa, Bartzelonako Unibertsitatean Zuzenbidean lizentziatu eta zine-teknikari bezala lan egin zuen, 1968tik 1980ra. 1976. urteaz geroztik, “Destino”, “El Noticiero Universal” eta “El Periódico de Catalunya” agerkarietan zine kritikari gisa aritu da. 1981ean “Fotogramas” aldizkariko erredakzioan sartu zen eta, 1989tik 1996ra, hau da “Qué leer”-en zuzendaritza beregan hartu arte, erredaktore-buru izan zen. Era berean, gaur egun, “Fotogramas”, “Qué leer” eta “Clío” aldizkarien argitaletxea den Comunicación y Publicaciones S.A. enpresako argitalpen zuzendariordea da.
Idatzi dituen eleberrien artean, “Un clavel entre los dientes” (Seix Barral, 1989), “Tul ilusión” (Anagrama, 1993), “Las Adelfas” (Ediciones del Bronce, 1997) eta “Un curso muy movido” (Alba, 1999), azkena Clara alabarekin batera idatzia. ‘Mis años de cine (1976-1979) Entre el destape y la “qualité”’ (DVD, 2001) oroitzapen zinematografikoen liburua idatzi du, halaber. Datorren azaroan, “Memorias de un extraño (1945-1971)” (Seix Barral) bere oroitzapenen lehen liburukia argitaratuko da. 1971an ezkondu zen eta seme-alaba bana du.
Igo

 


 ROBERT DAUDELIN
1972tik 2002ra Québec-eko Zinematekako zuzendaria, aurretik “Objectif” (1960-67 artean Montrealen argitaratua) zine aldizkariko erredaktore izan zen, zuzendari albokoa Montrealgo Nazioarteko Zine Jaialdian (1963tik-1967ra) eta, era berean, Québec-eko Zinea Zabaltzeko Kontseiluko zuzendaria (1969-1972). Zinemateken mugimenduan oso gogotsu aritu zen. Ondorioz, Film Artxibategien Nazioarteko Federazioko Idazkari Nagusia izan zen, 1979tik 1985era, eta lehendakaria, 1989tik 1995era. Zinemari buruzko hainbat artikulu idatzi du eta, 1987an, Lee Konitz musikari estatubatuarrari buruzko dokumentala zuzendu zuen: Konitz, portrait de l’artiste en saxophoniste. Gaur egun, “Journal of Film Preservation” agerkariko erredaktore-burua da, Montrealgo “24 images” aldizkariko erredakzio-batzordeko kidea eta Beiruteko St-Joseph Unibertsitatean irakasle gonbidatua.
Igo

 


 NICK JAMES
Zine kritikaria eta “Sight & Sound Magazine” aldizkariko zuzendaria, hau da munduko zine-aldizkari zahar eta prestijiotsuetakoa (lehen alea 1933an kaleratu zen). Nick James, zine kritikariaz gain, rock musikaria da. Bere lehen idatziak gerora –1991an– berak zuzenduko zuen “City Limits” Londreseko aldizkari erradikaletakoan argitaratu ziren. 1995ean “Sight & Sound-eko” zuzendariorde bezala hasi zen, handik bi urtetara zuzendariaren ardura hartuz. 2002an, Klasiko Modernuen bilduman Michael Manni buruzko “Heat” liburua argitaratu zuen.
Igo

 


 SATU LAAKSONEN
Finlandiako Zinematekako programatzailea, 1985. urteaz geroztik. Zinematekako nazioarteko harremanen arduraduna da, zine frantziar eta frankofonoaren arduraduna, eta ondoko herrialdeetako zine programen arduraduna, halaber: Italia, Afrika Beltza, arabiar herrialdeak, Iran eta Hego Amerika. Aldi berean, zine finlandiarrari buruz Finlandiatik kanpo antolatu ohi diren programen arduraduna da. Itzultzaile bezala lan egiten du (zinean espezializatua) eta 70eko hamarkadatik hona, Finlandian, kultur-elkarte ezberdinen ekimenetan parte hartu du. 90eko hamarkadan, UNESCOk Finlandian burututako ekitaldiez arduratu zen. Elkarte frantziar-finlandiarren Federazioko Lehendakariordea da. 2003an, Frantziako Chevalier des Arts et des Lettres Ordena jaso zuen.
Igo

 


 MARIASUN LANDA
Filosofia eta Letra ikasketetan lizentziatua, gaur egun Literaturaren Didaktika irakasten du, Donostiako Irakaslegoaren Unibertsitate-Eskolan (EHU). Euskal Herriko aldizkari eta egunkari ugarietan kolaborazioak egin ditu, baina bere sormen lana, batik bat, haur eta gaztetxoentzako euskarazko literaturan egin du. 30 libururen egilea da eta bere lan ugari gaztelaniara, katalanera eta galizierara itzuli dituzte, bai eta, atzerrian, ingelerara, frantsesera, alemanera, grekora, arabierara..., eta horrexegatik, egungo Euskal Literaturako egileen artean nazioarteko mailan gehien ezagutzen den egilea da bera. Jaso dituen literatura sarien artean, nabarmentzekoa da Espainiako Kultur Ministerioak “Krokodiloa ohe azpian” lana zela eta 2003an emandako Haur eta Gaztetxoentzako Literatura Sari Nazionala.
Igo




ALAN PAULS
Colegialesen jaioa (Buenos Aires, Argentina), 1959an. Letretan lizentziatua, unibertsitate-irakasle da. Manuel Puig, Lucio V. Mansilla eta Roberto Arlt-en lanetan aditua, Argentinako literaturari buruzko entsegu ezberdinak idatzi ditu, azkena Jorge Luis Borgesi eskainitako “El factor Borges” izenekoa. Gaur egun, “Radar” aldizkariko editorea da, “Página/12” egunkariko igandetako gehigarriarena. Zine eta literatura-kritikari ere bada. Telebistarako gidoiak idatzi ditu (La era del ñandú, Carlos Sorín, 1987), baita zinerako ere (Los enemigos, 1982; Sinfín, 1988; Imposible, 1999; Arizona Sur, 2000). Lau eleberri idatzi ditu, baita kontakizun labur mordoska ere. Hain zuzen ere, Juan Fornen 1992ko “Buenos Aires” (Anagramak argitaratua) antologian argitaratu zuen ipuin bat izan zen Espainian ezagutu zen bere lehen lana. Ordea, Paulsek hamar urte zeramatzan Argentinan argitaratzen. “El pudor del pornógrafo” bere lehen nobela 1984koa da; 1990an, berriz, “El coloquio” argitaratu zuen. Hirugarrenak, “Wasabi”, 1994an argitaratuak, Frantziara, hain zuzen ere, Saint-Nazaire portu frantsesean dagoen ‘La Maison des écrivains étrangers et des traducteurs’ delakora gonbidatutako idazle argentinar baten ibilerak kontatzen ditu. “El pasado” (2003) bere laugarren liburuarekin 21. Herralde Nobela Saria irabazi du. Latinoamerikako narratiba berriko idazle garrantzitsuenetakoa ez ezik, Paulsek Enrique Vila-Matasen “El mal de Montano” eleberriko pertsonaia nagusietako bat izateko ohorea izan du.
Igo

 


 HÜLYA UÇANSU
Turkiako Bandirma hirian jaio zen, 1950ean. 21 urterekin Istanbulgo American College eskolan graduatu ondoren, Istanbulgo Unibertsitatean Hizkuntz eta Literatur Ingelesa ikasi zuen (1973-77). Ez zuen zinemarekin zerikusirik izan, 1975ean Turkiar Zinematekaren Zuzendaritza beregan hartu arte. Turkian zenbait zine-jaialdien antolakuntzan parte hartu ondoren, 1983an, International Istanbul Film Festival jaialdiko zuzendari izendatu zuten, eta horretan dihardu gaur egun ere. 1996an, jaialdi horretako zuzendari bezala, Pariseko Georges Pompidou gunean Turkiar Zinemari eskainitako atzerabegirako garrantzitsu baten arduraduna izan zen. Nazioarteko zenbait zinemaldi handitan epaimahaikidea izan da, Venezia, Montreal, Rotterdam, Montpellier, Valladolid eta Taormina, tartean.
Igo