Hemen zaude: Lehen orrialdea › Halaxe Izan Zen 2004 › Sariak › Horizontes Saria
 
 
 

Horizontes Saria

Donostiako 52. Nazioarteko Zinemaldiari dagokion HORIZONTES SARIAren epaimahaiak, ondoko kideek osatua:

Bi aipamen berezi ematea erabaki du:

  • FERNANDA MONTENEGRO eta DAMIAN ALCAZAR aktoreei, “O OUTRO LADO DA RUA ” (Brasil) eta “CRÓNICAS ” (Ekuador) pelikuletako beren antzezpen sentikorrengatik.

eta 18.000 euroz hornitutako HORIZONTES SARIA, ondoko film irabazlearen zuzendariari ematea:

Donostian, 2004ko irailaren 24an

Donostiako Nazioarteko Zinemaldiak “Horizontes” izeneko saria
sortu du, osorik edo zati batean Latinoamerikako herrialde batean ekoizturiko film luzeak, jatorri latinarreko zinegileek zuzenduak edo gai nagusitzat mundu zabaleko komunitate latinoen egoera hizpide duten film luzeen ezaguera eta hedapena bultzatzeko asmoz.

Donostiako Nazioarteko Zinemaldiko “Horizontes” hautaketan parte hartzeko hautatuak izanik, Espainiako beste edozein zinemaldian aurrez aurkeztu gabeak nahiz Espainian komertzialki estreinatu gabeak izan beharko dute saria eskuratzeko lehiakide izango diren filmak.

Sari hau 18.000 Euroz hornituta dago eta film sarituaren uzendariari emango zaio.

Arautegia (2004). Horizontes Saria




 RUY GUERRA
Epaimahai burua
1931. urtean Lourenço Marquesen (egungo Maputo) jaio zen, Mozambike Portugalgo kolonia zenean. Borroka politikoan gogotsu parte hartu zuen, arrazakeriaren aurka eta independentziaren aldeko mugimenduetan, 19 urterekin bere herrialdea utzi zuen arte. 1952-54 artean, Pariseko IDHEC-en zine ikasketak burutu zituen eta, hantxe, kamera eta zuzendari laguntzaile bezala lan egin zuen. Batik bat zuzendari bezala ezagutzen badugu ere, Ruy Guerra, era berean, muntatzailea, argazki zuzendaria, ekoizlea eta aktorea (Werner Herzogen Aguirre, der zorn Gottes, 1972) da. Estilo ezberdinak landu dituen arren, bere filmek zapalkuntza eta esplotazio sozio-ekonomikoa estetika berri batez adierazten dute. Toki askotan filmatu du, baina gehien bat zine brasildarrarekin erlazionatzen dugu, Cinema Novo deritzonaren aitzindarietakoa baita. Guerraren lehen film luzea, Os Cafajestes (1963), mugimendu horretan arrakasta komertzial bitxietako bat izan zen. Bere beste bi film, Os Fuzis (1964) eta Os Deuses e os Mortos (1970), zine brasildarraren sortzailetakotzat hartuak dira. 70eko hamarkadaren amaieran, Mozambikek independentzia lortu ondoren, bertara itzuli zen, Mozambiketar Zinemaren Institutu Nazionalaren sorreran parte hartzeko. 80ko hamarkadan, berriz, gai politikoen tratamendu erradikala baztertu eta oso estetika eder eta helburu komertziala zuten hiru film zuzendu zituen: Ópera do Malandro (1985), Chico Buarqueren lana egokitzen duen komedia musikala, A Fábula da Bela Palomera (1987), Gabriel García Márquez Nobel Sariaren lanean oinarritutako amodiozko istorioa biltzen duen film historikoa, eta Kuarup (1988), zine brasildarrak emandako ekoizpen erraldoi gutxietakoa, Antonio Calladoren eleberriaren egokitzapen txundigarria. Zineaz gain, Guerrak zenbait antzezlan idatzi eta zuzendu du, eta abesti herrikoien hitzak konposatu ere. Gaur egun Río de Janeiroko Gama Filho Unibertsitateko Zine Eskolako zuzendaria da. Bere egitasmo berriena Mala hora luzea da, aurtengo Donostiako Zinemaldian Zinema Eraikitzen 6 sailean aurkeztuko dena.
Igo

 


 JORGE SÁNCHEZ
Córdoba, Veracruz (Mexiko), 1950eko maiatzaren 31. Zinearekiko lehen harremana Politika eta Gizarte Zientzien Fakultateko zine-klubean izan zuen. Soziologia ikasketak utzi eta Zine Klub Transhumantea garatu zuen, besteak beste sindikatu edota nekazarien erakundeentzat emanaldiak antolatuz. Gaitasun Zinematografiko Zentroan Zuzendaritza ikasten hasi zen, baina laster utziko zuen, bereziki miresten duen bokazio horretarako balio ez zuelakoan. Lagun batzuekin batera, Zafra-Cine Difusión enpresa banatzailea sortu zuen. Jarraian, Zafra Video eta Cinematográfica Macondo sortuko zituen, oraindik badabiltzanak. Horien bitartez zine latinoamerikarra banatu du, bai eta artezko-zinea deritzona ere, hau da Patricio Guzmánen La Batalla de Chile-tik hasita Wong Kar Wairen In the Mood for Love arte. Zazpi film ekoiztu ditu, eta horietako seik Canneseko Jaialdiko sail ezberdinetan parte hartu dute: María Novaroren Danzón-etik (Errealizatzaileen Hamabostaldia, 1991) Arturo Ripsteinen Así es la Vida (Sail Ofizial, Cannes 2000) filmera. 2000. urteko Donostiako Zinemaldian Urrezko Maskorra jaso zuen Arturo Ripsteinen La perdición de los hombres, halaber, berak ekoiztua da. Era berean, Paul Leduc eta Tomás Gutiérrez Alea ahaztezinarekin lan egina da. Ekoizle Independenteen Mexikar Elkartea eta Zine eta Ikusentzunezkoen Ekoizleen Iberoamerikar Federazioa sortu zituen, bietan lehendakari izanik. Sundance, Toronto eta Habanako jaialdietan epaimahaikide izan da, eta 1994an, Donostiako Zinemaldiko Zuzendari Berrien Epaimahaian parte hartu zuen. Gabriel García Márquez lehendakari duen Latinoamerikar Zine Berriaren Fundazioko Zuzendaritza Kontseiluko kidea da, bai eta Cinemart – Rotterdam-eko Batzordeko kidea ere. Gaur egun, Río de Janeiron Mexikoko Kontsul Orokorra da.
Igo

 


 DENIS DE LA ROCA
El Salvadorren jaioa. Los Angelesen bizi da, Kalifornian. Informatika eta Latinoamerikako Zinemaren Historia ikasi ditu; kazetari, programatzaile, zinema sustatzaile eta argitalpen xumeen zuzendari gisa egiten du lan. 80ko hamarkadan, Los Angeles Film Exposition-eko Dokumentalen Hautaketa Batzordeko kide eta Programatzaile izan zen, baita Latinoamerikarako ordezkari ere. 80ko eta 90eko hamarkadatan, Habanako Zinema Latinoamerikar Berriko zine-jaialdiaren ordezkari izan da Estatu Batuetan. 1990ean ordezkari gisa dihardu Donostiako Nazioarteko Zinemaldiarentzat, eta 1993an Zinema Chicanoari buruzko atzera begirakoa taxutzeaz arduratu zen Donostiako Nazioarteko Zinemaldian. Duela hamar urtetik hona zinema latinoamerikarreko programazio-aholkulari dihardu hainbat filmategi eta zine- jaialdietarako: San Francisco Film Festival, Sundance Film Festival, Toronto International Film Festival, Guadalajarako Nazioarteko Zine Mexikarreko Mostra, University of California Berkeley Pacific Film Archives, Frantziako Filmategia, besteak beste. Gaur egun, Palm Springs International Film Festival, New Yorkeko Tribeca Film Festival, Seattle International Film Festival jaialditan ordezkari gisa dihardu, Biarritzeko Zinema Latinoamerikarreko zine-jaialdiko Hautaketa Batzordeko kide da eta Los Angeles Latino International Film Festival-eko Batzordeko Ohorezko Kide.
Igo