• Zinema Eraikitzen saria Industria Teknikoek emana: EXA Estudios Enpresak, Molinare, Technicolor Entertainment Services Spain, Kodak (Zine Profesionaleko atala), Titra Film eta No Problem Sonido:
  Jorge Duránen É prohibido prohibir (Brasil)
  
  
• Latinoamerikako Zinemaren Posprodukzioari laguntzeko Casa de América Saria 9.000 euroz hornitua, honakoari:
  Francisco Vargas Quevedoren El violín (Mexiko)
  
  
• CICAE Saria, arte eta entseguko zine-aretoen nazioarteko sariaren konpromiso eraginkorra, honakoari:
  El violín, Francisco Vargas Quevedorena (Mexiko)
  
  
• TVE Saria Espainian eta Andorran emisio-eskubideak erosteko, honakoari:
  Camila Guzmán Urzúaren El telón de azúcar.
  
  
• SIGNIS Saria (Komunikaziorako Mundu mailako Elkarte Katolikoa):
  • Fikziozko film luzearen Saria, bakoitza 25.000 estatubatuar dolarrez hornitua,
    honakoei:
    • É prohibido prohibir, Jorge Duránena (Brasil)
    • El violín, Francisco Vargas Quevedorena (Mexiko)
    • El borde del tiempo, Jorge Roccarena (Argentina)
  • Dokumental Saria, 5.000 dolarrez hornitua, honakoari:
    Sergio Iglesiasen Bialet Masse, un siglo después (Argentina)
  • Film laburraren Saria, 10.000 dolarrez hornitua, honakoari:
    Benjamín Ávilaren Veo veo (Argentina)
    

 

Zinema Eraikitzen ekimenaren 8. ekitaldiak, besteak beste, ondoko ekarpenak esleituko ditu:

Industria Teknikoen Zinema Eraikitzen Saria. Estudios Exa, Molinare, Technicolor Entertainment Services Spain, Kodak (Zinema Profesionaleko Atala), Titra Film eta No Problem Sonido enpresek beren gain hartuko dute hautatutako filmaren posprodukzioa. Izan ere, 2004 urtean saridun izandako “Iluminados por el fuego” pelikulari eginiko ekarpena 400.000 euro ingurukoa izan da fakturazio zehaztapenaren arabera.

Signis Saria. Komunikazioarako Munduko mailako Elkarte Katolikoak (Signis) 25.000 dolarreko sari bat edo bi banatuko ditu Latinoamerikarako Posprodukzio Zinematografikoko V. Txapelketara aurkezten diren film luzeen artean (www.signis.net).

Amerikako Etxearen Posprodukziorako Dirulaguntza, 9.000 euro gordinez hornitua.

CICAE Saria: Sari hau irabazten duen pelikulak Frantziako arte&entsegu sarearen promozio-laguntza izango du, zeinak 3.000 pantaila independente edukitzeaz gain, frantses banatzaileengan eragin handia duen. Zinema erakusketa-arduradunentzat proiekzioak izango dira eta ikusleei foiletoak banatuko zaizkie.

“É proibido proibir”, Jorge Duránen film brasildarrak Zinema Eraikitzen 8ko saria eskuratu du, industria tekniko kolaboratzaileen taldeak urtero izena ematen dion sailean aurkezturiko filmeetako bati ematen diona, honek bere post-produkzioa osatu ahal dezan.

Sari hau, zeina Donostiako Nazioarteko Zinemaldian laugarren aldiz ematen den, filmak bere post-produkzioa osatzeko behar dituen zerbitzu eta material guztiez dago hornituta. Exa, Kodak, Molinare, No Problem Sonido, Technicolor-Madrid Film Lab eta Titra Film dira sari hau ahalbidetzen duten enpresa kolaboratzaileak

Sari honek “É proibido prohibir” 35 mm.tan areto komertzialetan, zineman, bideoan, telebista-kate eta kultur zabalkundeko zirkuitutan ustiatzeko beharrezko irudi eta soinu-tratamenduko lan teknikoak berriro hartzen eta amaitzen lagunduko dio.

Latinoamerikako Zinemaren Posprodukzioari laguntzeko Casa de América Saria Zinema Eraikitzenen baitan
Donostiako Nazioarteko Zinemaldia
Rencontres Cinémas d’Amérique Latine - Toulouse

Donostiako Zinemaldiaren eta Toulouseko Rencontres Cinémas d’Amérique Latine- ren Zinema Eraikitzen proiektua burutzeko ekimena bat dator guztiz Casa de Américaren lanaren xede eta izaerarekin eta Nazioarteko Kooperazioaren Agentzia Espainiarrak finkatutako helburuekin.
Horrexegatik, Casa de Américak proiektu honetan aktiboki parte hartzea erabaki zuen aurkezturiko filmetako bati sari bat emanez eta zuzendariak beren proiektuekin bertan izan daitezen Zinemaldiari lagunduz. 2002az geroztik, gure Erakundeak Casa de América Saria / Latinoamerikako Zinemaren Posprodukzioari Laguntza banatu du. Sarituak izan dira, El juego de la silla (Argentina, 2002) Ana Katzena, La sombra del caminante (Kolonbia, 2004) eta Alma Mater (Uruguai, 2005) Álvaro Buelarena. Casa de Américak Zinema Eraikitzen atalean aurkezturiko pelikuletako bati laguntza ematen jarraitzeko asmoa du, proiektu hau zinema latinoamerikarraren garapenerako funtsezkotzat jotzen baitu. Aurten, Donostiako 53. Nazioarteko Zinemaldian, El violín (Francisco Vargas/México) filma sarituko du. Sariak 9,000 euroko (gordin) balioa du.

Casa de América
Ateneo Amerikarra
Madrilen, 2005eko irailean

CICAE SARIA

ARTE ETA ENTSEGUKO NAZIOARTEKO KONFEDERAZIOA

Zinema Eraikitzen 8ko CICAE Epaimahaiak, Silvia Balea, Albert Thomas Baumgartner, Mima Fleurent, Alain Coiffierrek osaturikoak, aho batez erabaki du CICAE saria (konfederazioko 3.000tik gora pantailatan pelikularen estreinaldirako laguntza bultzatuz) Francisco Vargas Quevedoren El Violín filmari ematea, era berean klasikoa eta unibertsala den lan baten duineko kalitate artistiko eta gizatiarrengatik, zoritxarrez oraindik egun-egunekoa den errealitate bat aipatuz.

TVEko SARIA

Donostiako Zinemaldiarekin eta bereziki, Zinema Eraikitzen sailarekin lankidetzan aritzeko xedeaz, TVEk sari bat ematea erabaki du, Espainiako lurralderako eta Andorrarako eskubideak erosteko hitzarmen batean datzana, telebistan emititzeko aukera jasotzen duena (edozein erako formatu edo emisio eta erreprodukzio sistema). Eskubide hauek film irabazleari dagokion jabetza egile den entitate edo pertsonarekin finkatu eta zehaztuko dira.

Aurten, 2005ean, TVEko sariaren irabazle Camila Guzmán Urzúaren “El telón de azúcar” pelikula suertatu da.

Donostian, 2005eko irailaren 21ean

PRENTSA-KOMUNIKATUA

SIGNIS Sariak Latinoamerikarako Posprodukziorako

Donostiako 53. Nazioarteko Zinemaldiaren baitan, SIGNISek, Komunikaziorako Mundu Mailako Elkarte Katolikoak antolaturiko Latinoamerikarako Posprodukzio Zinematografikoaren V. Lehiaketako sariak ezagutzera eman eta banatu dira.

Fikziozko film luzeen atalean sariak hiru izan dira, bakoitza 25.000 estatubatuar dolarrez hornitua, honako lanentzat:

Jorge DURÁNen (Brasil) “É PROIBIDO PROIBIR”

Brasilgo hirigune handietan dauden gizarte mailako ezberdintasunak ikus-entzunezko kontaketa zaindu baten bitartez erakusteagatik eta behartsuenen bizimodua ulertzeko belaunaldi berriei zabaltzen dien aukeragatik. Paulo, León eta Leticia, erdi-klaseko unibertsitate-ikasleak gizarte-aldaketa ez dela gauza erraza jabetzen dira, baina behar-beharrezkoa dela, guztien ongia erdietsiko bada.

Francisco VARGAS QUEVEDOren (Mexiko) “EL VIOLÍN”

Militarren eta gerrillarien arteko gatazka armatu bat bizi duen nekazari herriska batean bortizkeriak biztanleriaren ahulenak, haurrak eta zaharrak, ezinbestean harrapatzen dituela erakusteagatik. Don Plutarco Hidalgo, bere kasa ikasitako biolin-jole maingua, Latinoamerikako tradizioaren eta erro artistikoen ikur bilakatzen da. Modu estetiko original batez, zuzendariak sentiberatasun berezi batez erakusten du botereak askatasuna kontrolatzeko duen ahalegin zapuztua.

Jorge ROCCAren (Argentina) “EL BORDE DEL TIEMPO”

Indar sentikor, poetiko eta antzezpen-berotasun handiz Argentinako lau belaunaldien elkartzeak eta urruntzeak kontatzeagatik: abandonatutako bilobaren onarpena lortu eta berau babesteko bere bakardadea bazter uzten duen aitona eta bere identitatearen bila bere herrialdera itzultzen den desargertutako baten semea. Denbora joan da, loturak hautsi egin dira, baina oraindik bizitza eta harremanen istorioak berreraiki daitezke, azkenik maitasunean besteekin bat egiteko.

Lehiaketaren edizio honetara 23 film luze aurkeztu ziren, Latinoamerikako bost herrialdeetakoak: Argentina, Brasil, Ekuador, Mexiko eta Uruguai.

Documentalaren Saria, 15.000 estatubatuar dolarrez hornitua, Sergio Iglesiasen (Argentina) “BIALET MASSE, UN SIGLO DESPUÉS” lanarentzat izan zen.

1904ko Argentinako langile eta bertan jaiotakoen gizarte-egoera aztertzeagatik documental-road movie probokatzaile baten bitartez, zeinak garai hartan gertatu zenaren irakurketa bat eskaintzeaz gain, mundu-ikuskera bat ere aurkezten digun. Duela ehun urte, Bialet Massé mediku, abokatu eta injineru agronomoa Pampako geografian barrena ibili zen azterketa hau egin ahal izateko. Dokumentalistak gizon paregabe hau nor izan zen, eta haren heriotzaren ondorengo bere lanaren nondik norakoak kontatzen dizkigu. Kamerak Massék ezagututako lekutara bidaiatzen du eta egungo argentinar langile eta aborigenen mundua irudiztatzeko, haren azalpenak erabiltzen ditu. Hunkigarria da belaunaldi ezberdinak bidegabekeria egoera berdinetan bizi behar dutela ikustea, gaur egun kapitalismoaren eta globalizazioaren ondorio negatiboetan gorpuzten diren horiek.

Lehiaketaren bosgarren edizioan 16 dokumental aurkeztu ziren hiru herrialde latinoamerikarrekoak: Argentina, Brasil eta Uruguai.

Film laburraren Saria, 10.000 estatubatuar dolarrez hornitua, Benjamín ÁVILAren (Argentina) “VEO VEO” filmarentzat izan zen.

Film laburrak gerrillarien gaiari beren familiek bizi duten esperientziatik abiatuz ematen dion tratamenduagatik. Gobernu (militarrak) terroristatzat jotzen duen aita ondoan eduki gabe bizi behar duen 8 urteko mutiko baten gorabeherak arakatzen ditu. Juan, mutiko protagonistak ez du ulertzen bere amak aitaren identitatea zergatik ezkutatzen duen. Bere eskolako ikaskide guztiek aita badaukate, berak ez ordea. Eta haren argazkirik ere ezin du eduki gainera. Zuzendariak istorio honetan Juanek haurtzaroa utzi eta ulertzeko gauza den pertsona nola bihurtuko den kontatzen digu.

Atal honetan 9 film laburrek parte hartu zuten, honako herrialdetakoak: Argentina, Brasil eta Mexiko.

“É PROIBIDO PROIBIR” eta “EL VIOLÍN” filmak irailaren 21ean proiektatu dira Principe 9 aretoan Donostiako Zinema Eraikitzen sailaren barnean. “EL BORDE DEL TIEMPO” film sarituaren muntaketa-prozesuko bertsio bat Sales Officeren proiekzio-aretoan ikusi ahal izango da irailaren 23an, ostirala, eguerdiko 12etan. “VEO VEO” film laburra eta “BIALET MASSE, UN SIGLO DESPUÉS” dokumentala Sales Officeren proiekzio-aretoan programa bikoitz batean proiektatuko dira irailaren 23an, ostirala, goizeko 10etan.

Latinoamerikarako Posprodukzio Zinematografikoaren V. Lehiaketan 48 pelikulek parte hartu zuten, Argentina, Brasil, Ekuador, Mexiko eta Uruguaikoak. Nazioarteko Epaimahaia ondorengoek osatu zuten: José Tavares de Barros (OCIC-Brasilgo presidente orde eta Epaimahaiburu), Robert Molhant (Mundu mailako SIGNISeko Idazkari Nagusi), José María Riba (Donostiako Zinemaldiko eta Frantziako Tolosako Zinema Eraikitzen atalaren koodinatzaile), Carlos Ferraro (SIGNIS-Argentinako presidente), María Gabriela Alemán (SIGNIS-Ekuadoreko kide), Sergio Guzmán García sj aita (SIGNIS-Mexikoko kide) eta Nils Ernesto Helander Capalbo (OCIC-Uruguaiko presidente).

1998an izandako bere lehen ediziotik gaur amaitzen den honetara, SIGNISek antolaturiko Latinoamerikarako Posprodukzio Zinematografiko Lehiaketak milioi erdi dolarreko sariak banatu ditu.

Informazio gehiago nahi izanez gero: www.signis.net/postproduccion