Zertan Datza?
Zinema Eraikitzen Donostiako Nazioarteko Zinemaldiaren
eta Rencontres Cinémas d'Amérique Latine de Toulouse-ren
baterako ekimen bat da. Ekimen honek zorrozki aukeratutako fikziozko
film luze latinoamerikarren amaitzea erraztea du helburu, dagoeneko
filmatuta egonik, posprodukzio aldiari ekiteko zailtasunak dituzten
horiena. Hala, zine-profesional talde bati erakusten zaizkie,
nahi izanez gero film hauen finantziazioan parte har dezaten.
Horretarako, urtean bi ekitaldi eratu dira, zinemaldi hauetako
bakoitzaren inguruan (Toulouse - Martxoa eta Donostia –
Iraila).
Zinema Eraikitzen ekimena 2002. urtean sortu
zen eta honela Europako bi zinemaldi lehenengo aldiz elkartu
ziren zinema latinoamerikarrari irtenbide berriak eskaintzeko
asmoz, herrialde haietako segurtasun ekonomiko ezak izugarrizko
trabak jartzen baitizkie amaitzear dauden proiektuei.
Izenburu zerrenda luzeak parte-hartu du jadanik aurreko deialdietan,
zeinak behin amaiturik euren ibilbideari ekin dioten hainbat
zine-jaialdietan.
Aspaldi gabeko zenbait adibide aipatzekotan, iragan Cannesko
Zinemaldian Un Certain Regard sail ofizialak Zinema Eraikitzenen
eskutik sortutako hiru lehen film luzeak estreinatu zituen,
Francisco Vargasen El violín aurten,
eta Marcelo Gomesen Cinéma, Aspirina e Urubús
(Brasil) eta Amat Escalanteren Sangre, ihaz.
Toulouse eta Donostiako zinemaldiek, halaber, pelikula hauek
jaialdi hauetako sail desberdinetan ikusteko benetako aukera
eskaintzen dute. Adibide gisa, aipatu, 2002az gerotik Donostiako
Zinemaldiaren Sail Ofizialean lehiatu izan direla: Historias
mínimas, Ojos que no ven, Sumas y restas, El cielito,
O veneno da madrugada edo Iluminados
por el fuego, Zabaltegi eta Horizontes Latinos
sailetan aurkeztutako film-sorta ugaria ahaztu gabe. |
|
