Donostiako Nazioarteko Zinemaldiak Zinema Mugimenduan antolatzen du, hasiera batetik Magrebeko eta portugaleraz mintzo diren afrikar herrialdeetako zinegileei zuzendutako urteroko hitzordu profesionala. Ekimen hau Europako bi zine-jaialdirekin lankidetzan egiten da, Amiens (Frantzia) eta Friburgokoarekin (Suitza), azken urteotan herrialde hauetako zinegileei laguntza eraginkorra ematen eta euren proiektuei nazioarteko aukera berriak zabaltzen dizkietenak.

Halaber, Tarifako Afrikar Zinemaren Jaialdiak Zinema Mugimenduan ekimenarekin lankidetza hestuan dihardu urteroko egitarau ibiltari baten bitartez, Magrebeko eta portugaleraz mintzo diren Afrikar zinemagintzek Latinoamerikan eta Espainian zabalkunde iraunkorra izan dezaten.

Zinema Mugimenduan ekimenaren baitan euren proiektu berriak aurkeztu dituzten zuzendarien filmografiako pelikulek osatzen dute egitaraua.

Mexiko, Buenos Aires, Bogota eta Medellingo emanaldietara, hautaturiko afrikar zinegileak eta hiriburu bakoitzeko zine-profesionalak bertaratuko dira, kontaktuak erraztearren eta areto komertzialetan inoiz gutxitan ikus daitekeen zine hori herrialde horietan ezagutarazteko asmoz.

Honekin guztiarekin Zinema Mugimenduan-eko zuzendarien lana eta izenak zinezale, kritikari eta profesionalei ezagutzera eman nahi zaizkie proiektu berriak amaitu bitartean, hartara banatzaileek baldintzarik onenetan errelebua har dezaten bidea prestatuz.

Donostiako Nazioarteko Zinemaldiak eta Tarifako Afrikar Zinemaren Jaialdiak

aurkeztuta 

ZINEMA MUGIMENDUAN 2 Latinoamerikan 

Aljeria, Maroko, Mozambike eta Tunisiako hamaika zinemagile  

• Kalthoum Bornaz – KESWA – LE FIL PERDU (Tunisia - Maroko - Frantzia, 1997)
• Mourad Boucif – LA COULEUR DU SACRIFICE (Belgika - Maroko, 2006)
• Sol de Carvalho – O JARDIM DO OUTRO HOMEN (Mozambike, 2006)
• Julien Dubois eta Fodil Chabbi – CHOUÏA CINEMA (Frantzia, 2003)
• Hicham Falah eta Mohamed Chrif-Tribak – BALCON ATLANTICO (Maroko, 2004)
• Jean-Pierre Lledo – UN REVE ALGERIEN (Aljeria - Frantzia, 2003)
• Saïd Ould-Khelifa – LE THE D’ANIA (Aljeria - Frantzia, 2004)
• Jilani Saadi – TENDRESSE DU LOUP (Tunisia, 2006)
• Lyes Salem – COUSINES y JEAN FARES (Aljeria - Frantzia, 2003)

Pelikulak (pdf)

UNAMeko Filmoteka, Mexiko
2007ko ekainaren 1etik 7ra

Buenos Airesko Complejo Teatral
Cinemateca Argentina Fundazioa
San Martin Antzokiko Leopoldo Lugones Aretoa
2007ko ekainaren 14tik 19ra

Bogotako Cinemateca Distrital
eta
Antioquia Museoa, Medellin
2007ko ekainaren 25etik 30era

Kontaktuak:

• Donostiako Nazioarteko Zinemaldia
  salesoffice@sansebastianfestival.com
  www.sansebastianfestival.com
  
  
• Tarifako Afrikar Zinemaren Jaialdia
  mane@fcat.es
  www.fcat.es

Donostiako Nazioarteko Zinemaldiak, Amiensgo Nazioarteko Zinemaldiak eta Friburgoko Zinemaldiak 2005eko irailan abiarazi zuten Zinema Mugimenduan izeneko ekimena, Magrebeko eta portugaleraz mintzo diren afrikar herrialdeetako zinegileei zuzendutako urteroko hitzordu profesionala.

Zinema Mugimenduan 2 ekimenaren bidez, hiru zinemaldiok oraindik bukatu gabeko proiektuak eta pelikulak burutzeko bide berriak urratzen dihardute, orobat afrikar herrialde horietako, Europako eta Latinoamerikako profesional, enpresa eta erakundeen artean balizko zubiak eraikiz.

Proiektuak:

• Entre parenthèses, Hicham Falah eta Mohamed Chrif Tribak (Maroko). 80ko hamarkadako Marokon politizatutako ikasleen azken belaunaldiaren ikastaldi politiko eta sentimentala.
  
  
• Les larmes d’argent, Mourad Boucif (Maroko-Belgika). Marokoar nekazari baten bizimodua etenda geratu da 1940an frantses armadan indarrez erroldatu dutenean, Alemaniako soldaduek Belgika eta Holanda inbaditu eta gero.
  
  
• Mascarades, Lyes Salem (Frantzia-Aljeria). Loaren gaitzak erasandako neska gaztea ezkontzea benetako buruhaustea da bere anaia eta familiaburuarentzat.

Posprodukzioan dauden filmak:

• L’Autre moitié du ciel, Kalthoum Bornaz (Tunisia). Bi biki, neska eta mutil, hezur eta mami dira bere kasa dabilen aita alargunaren aurrean. Gizonaren aldeko gizarte-arauek, ordea, euren arteko konplizitatea hoztu egingo dute…
  
  
• Ne restent dans l’Oued que ses galets, Jean-Pierre Lledó (Aljeria-Frantzia). Musulman, judu eta kristauen arteko harremanei buruzko ezkutuko egia baten bila dabiltza bost pertsonaia, Aljeria kolonialeko azken sasoian.
  
  
• Vivantes, Saïd Ould-Khelifa (Aljeria-Frantzia). Garbiketaz arduratzen den emakume talde batek gizonen bortizkeria izugarria pairatuko du Saharako petrolio-eremu batean eta gero, etxerakoan, herrikideen arbuioak.

Proiektu eta pelikula hauek zinema-alor desberdinetako profesionalez osatutako ikusleei bakarrik aurkeztuko zaizkie irailaren 25ean. Zinema Mugimenduan 2 ekimenerako zenbait laguntza aurreikusi dira:

• Frantziako Centre National de la Cinématographie (CNC) saria (15.000 euro filma Frantzian posproduzitzeko), Mactari nahasketa auditorioa (15.000 euro zerbitzutan), Titra Film (frantses azpititulatzea) eta Mikros Images (hautatutako pelikularen behar zehatzei egokitutako posprodukzio-prestazioa). Amiensgo zinemaldiak pelikularen 35mm.-ko kopia bat eskainiko du.
• Swiss Effects eta Kodak Suisse saria (filma euskarri digitaletik 35 mm.-ko pelikulara bihurtzea, 30.000 euro inguruko balioaz) eta Titra Film (frantses azpititululatzea). Friburgoko zinemaldiak pelikularen 35mm.-ko kopia bat eskainiko du.
• Hautaturiko zinegile guztiek Donostiako Zinemaldiak eta Tarifako Afrikar Zinemaren Erakustaldiak antolaturiko Zinema Mugimenduan urteroko biran parte-hartzeko aukera izango dute, Argentina, Kolonbia eta Mexikon.
• Amiensgo zinemaldiak bere hurrengo ekitaldian aktore profesionalek eginiko gidoi-irakurketa bat eskainiko dio egitarauko proiektuetako bati.

Zinema Mugimenduan ekimenak eskerrak ematen dizkie aipatutako enpresa eta erakundeei, eta baita Institut Europeu de la Mediterrània (Bartzelona), Nazioarteko Kooperakuntzarako Espainiar Agentzia (AECI), Andaluziako Ikus-entzunezko Fundazioa; Ateliers du Cinéma Européen (ACE), Commission du Film d’Ile-de-France; Centre Cinématographique Marocain (CCM) eta Potugaleko Instituto do Cinema, Audiovisual e Multimédia (ICAM) erakundeei ere.

Egitaraua

Irailak 25, astelehena – Principe zinetokiak

• 10:00 L’autre moitié du ciel, Kalthoum Bornaz (Tunisia)
• 12:30 - Andaluziako Ikus-entzunezko Lanen Katalogoaren aurkezpena.
  Ne restent dans l’Oued que ses galets, Jean-Pierre Lledó (Aljeria - Frantzia)
• 15h30 Hiru proiektu:
  Les larmes d’argent, de Mourad Boucif (Maroko - Belgika)
  Mascarades, Lys Salem (Frantzia - Aljeria)
  Entre parenthèses, Hicham Falah eta Mohamed Chrif Tribak (Maroko)
• 16:45 Vivantes, Said Ould Khelifa (Aljeria - Frantzia)
• 18:30 Afrikar, europar eta latinoamerikar zinegile eta profesionalen arteko solasaldi gurutzatua: filmen zirkulazioa hobetzeko ekimen zehatzak.

Zinema Mugimenduan ekimeneko proiektuak Zinemaldiko webgunean zehaztuta daude (www.sansebastianfestival.com) eta profesional interesdunek Zinemaldiko Sales Officerekin harremanetan jar daitezke (salesoffice@sansebastianfestival.com), honetxek antolatzen baitu banakako hitzorduen agenda.

Donostiako Nazioarteko Zinemaldiko 54.edizioko Zinema Mugimenduan 2 dela eta, ekimen honetan partaide diren kolaboratzaileek ondorengo film eta proiektuak bultzatzea erabaki dute:

- Hicham Falah eta Mohamed Chrif-Tribaken “Entre parenthèses” proiektu marokoarrak Mikros Images-ek gainbegiraturiko adituen txosten tekniko bat erdietsi du, zuzendariei filmatze-euskarriaren aukeraketan laguntzeko xedeaz.

- Lyes Salemen “Mascarades” proiektu aljeriarrak aktore profesionalen esku izango den gidoi-irakurketa bat lortu du (zuzendariak zehaztu beharrekoa) datorren Amiensko Jaialdian (2006ko azaroaren 10etik 19ra).

· Swiss Effects eta Kodak Suitzak eskainitako 35mm.-tako handitze bat (euskarri digitaletik 35mm.-tako pelikularako transfer bat).
· 15 000 euroko zerbitzu ematea Parisko Mactari Nahasketen Auditorioak eskainia.
· Frantseseko azpitituluak jartzea Titra Film-en eskutik.

- Jean-Pierre Lledóren “Ne restent dans l’Oued que ses galets” film aljeriarrak honakoa eskuratu du:

· 35mm.-tako handitze bat (euskarri digitaletik 35 mm.-tako pelikularako transfer bat), Mikros Images-ek eskainia, CNC (Centre National de la Cinématographie) erakundeak emaniko 15 000 euroen laguntzaz. Bi sari hauek osagarriak izango dira, filmaren ohiz kanpoko iraupena dela medio.
· 35mm.-tako kopia bat, Amiens eta Friburgoko jaialdiek elkarrekin eskainia, eta oraingoan ere, pelikularen ohiz kanpoko iraupena kontuan hartuz.
· Posprodukziorako zerbitzu emate bat, CCM (Marokoar Zentro Zinematografikoa) delakoak eskainia, zuzendariaren eta CCMren arduradunen arteko adostasunez oraindik zehaztu beharrekoa.

Azkenik, hautaturiko zinegile guztiek izango dute Zinema Mugimenduan ekimeneko urteroko biran parte hartzeko aukera Argentinan, Kolonbian eta Mexikon, Donostiako Zinemaldiak eta Tarifako Afrikar Zinemako Erakusketak antolaturik.

Donostian, 2006ko irailaren 26an

Complejo Teatral de Buenos Aires – Fundación Cinemateca Argentina
2006ko uztailaren 5etik 13ra

Donostiako Nazioarteko Zinemaldiak iazko ekitaldian abiarazi zuen Zinema Mugimenduan ekimena, Magrebeko eta portugaleraz mintzo diren afrikar herrialdeetako zinegileei zuzendutako urteroko hitzordu profesionala.

Ekimen hau Europako bi zine-jaialdirekin lankidetzan egiten du, Amiens (Frantzia) eta Friburgokoarekin (Suitza), azken urteotan herrialde hauetako zinegileei laguntza eraginkorra ematen eta euren proiektuei nazioarteko aukera berriak zabaltzen dizkietenak.

Tarifako Afrikar Zinemaren Erakustaldi gazteak Zinema Mugimenduan ekimenarekin bat egingo du urteroko egitarau ibiltari baten bitartez, Magrebeko eta portugaleraz mintzo diren Afrikako zinemagintzek Latinoamerikan eta Espainian zabalkunde iraunkorra izan dezaten.

Donostiako Zinemaldiko Zinema Mugimenduan ekimenaren baitan aurkezten diren proiektuen zuzendarien pelikulek osatuko dute egitaraua.

Bogota, Mexiko eta Buenos Airesko filmoteketako emanaldietara, hautaturiko afrikar zinegileak eta hiriburu bakoitzeko zine-profesionalak bertaratuko dira, kontaktuak erraztearren eta areto komertzialetan inoiz gutxitan ikus daitekeen zine hori herrialde horietan ezagutarazteko asmoz.

Honekin guztiarekin Zinema Mugimenduan-eko zuzendarien lana eta izenak zinezale, kritikari eta profesionalei ezagutzera eman nahi zaizkie proiektu berriak amaitu bitartean, hartara banatzaileek baldintzarik onenetan errelebua har dezaten bidea prestatuz.

Afrikar Zinemaren Erakustaldia, halaber, afrikar zinemaren katalogo bat prestatzen ari da formatu digitalean gaztelaniaz azpititulaturik, filmok helburu komertzialik gabe Espainiako geografia osoan zabal daitezen.

Donostiako Nazioarteko Zinemaldiak eta
Tarifako Afrikar Zinemaren Erakustaldiak aurkeztuta

ZINEMA MUGIMENDUAN

Aljeria, Maroko, Mozambike eta Tunisiako zazpi zinemagile Latinoamerikan

• Daoud Aoulad-Syad - TARFAYA (Maroko – Frantzia, 2004)
• Yamina Bachir Chouikh – RACHIDA (Aljeria – Frantzia, 2002)
• Abdelkrim Bahloul - LE SOLEIL ASSASSINÉ (Aljeria - Frantzia – Belgika, 2003)
• Abdellatif Ben Ammar - LE CHANT DE LA NORIA (Tunisia – Frantzia, 2002)
• Faouzi Bensaidi - MILLE MOIS (Maroko - Frantzia – Belgika, 2003)
• Sol de Carvalho (Mozambike) - QUANDO O MAR BATE NA ROCHA (2002) – CONTOS TRADICIONAIS (2002) - A HERANÇA DA VIUVA (2000)
• Jilani Saadi - KHORMA LE CRIEUR DE NOUVELLES (Tunisia – Frantzia – Belgika, 2002)

Pelikulak (pdf)

Filmoteca de la UNAM, México
2006ko ekainaren 1etik 9ra
www.unam.mx/filmoteca/Revuel/revuel.htm

Cinemateca Distrital de Bogotá
2006ko ekainaren 21etik 24ra
www.cinematecadistrital.gov.co

Complejo Teatral de Buenos Aires
2006ko uztailaren 5etik 13ra
www.teatrosanmartin.com.ar

Kontaktuak:

• Donostiako Nazioarteko Zinemaldia
  salesoffice@sansebastianfestival.com
  www.sansebastianfestival.com
• Tarifako Afrikar Zinemaren Erakustaldia
  direccion@mca-t.org
  www.mca-t.org

Donostiako Nazioarteko Zinemaldiak Zinema Mugimenduan ekimena abiarazten du, Magrebeko eta portugaleraz mintzo diren afrikar herrialdeetako zinegileei zuzendutako urteroko hitzordu profesional berri bat, Europako bi zine-jaialdirekin lankidetzan, Amiensekoarekin (Frantzia) eta Friburgokoarekin (Suitza), eta hauek herrialde hauetako zinegileei laguntzeko duten ohitura dela medio, proiektu hauei nazioarteko aukera berriak zabalduko zaizkie.

Herrialde hauetako zinegile eta profesionalekin duela bi urte hasitako gogoetaren ondorioz, Zinemaldiak 2003an kritika eta ikusleen arrakastaz proposaturiko Ateak Magrebera Zabalik zikloari jarraipena ematen dio Zinema Mugimenduan ekimenak, eta era berean, duela lau urtetik hona Latinoamerikako zinema independentearen zerbitzura sorturiko tresnaren espirituaren lekukoa jasotzen du.

Afrikako herrialde latindarren zine-ekoizpenarekin konprometituta dauden eta dagoeneko Magrebarekin harreman artistiko eta industrial zuzenak dituzten Portugal eta Brasilgo profesionalen eta erakundeen sarrerak, aukera berri zehatzak irekiko dizkio hitzordu honi.

Zinema Mugimenduan ekimenaren bitartez, proiektuak eta burutu gabeko pelikulak amaitu daitezen, bide berriak esploratu nahi ditu zinemaldiak, Afrikako, Europako eta Latinoamerikako profesional, enpresa eta erakundeen topaleku eraginkorra bihurtarazteko.

Zinema Mugimenduan ekimenak Aljeria, Maroko, Mozambike Tunisia eta portugesez hitz egiten duten herrialde afrikarretako burutu gabeko filmak proposatzen dituzte pelikulak ikusleengana eramaten dituzten kate-maila desberdinetako profesionalei.

Zinema Mugimenduan ekimenak ondoko erakundeen laguntza estimagarria eskertzen du: Institut Europeu de la Mediterrània, Nazioarteko Kooperaziorako Agentzia Espainiarra (AECI), TV5, IledeFrance Film Commission, Swiss Effects, Kodak Suisse, Fundación Audiovisual de Andalucía, Ateliers du Cinéma Européen (ACE), Instituto do Cinema, Audiovisual e Multimédia (ICAM).

2005eko irailaren 19an, astelehena, Zinema Mugimenduan ekimenak Aljeria, Maroko, Mozambike eta Tunisiako zortzi proiektu eta burutu gabeko filmak proposatuko dizkie pelikulak ikusleengana eramaten dituzten kate-maila desberdinetako profesionalei.

Egitaraua

• 11:30 – Zinegile eta profesional afrikar, europar eta latinoamerikarren arteko elkarrizketa, arloko esperientzia jakinen gainean.
  
  
• 13:30 – Zinemaldiko zuzendariak eta IledeFranceFilm Commissionek eskainitako ongi etorri bazkaria.
  
  
• 15h30
  L’Andalou, Mohamed Chouikh (Aljeria) – Proiektua
  Mariage du loup, Jillani Saadi (Tunisia) – Posprodukzioa
  
  
• 16h30
  Fanon, Abdelkrim Bahloul (Aljeria) – Proiektua
  WWW – What a Wonderful World, Faouzi Bensaidi (Maroko) – Filmaketa/posprodukzioa
  
  
• 17h30
  Mabrouk s’en va t’en guerre, Abdellatif Ben Ammar (Tunisia) - Proiektua
  Jardim do outro homem, Sol de Carvalho (Mozambike) - Filmaketa/posprodukzioa
  
  
• 18h30
  Fi Intidar Pasolini, Daoud Aoulad Syad (Maroko) - Proiektua
  Kamikaze, Nouri Bouzid (Tunisia) – Posprodukzioa

Kontaktua:

• salesoffice@sansebastianfestival.com
• www.sansebastianfestival.com

• Swiss Eeffects, Kodak Suitza eta Friburgoko Nazioarteko Zinemaldiak Jilani Saadiren Mariage du loup (Tunisia) pelikula saritu dute.
  
  
• Frantziako Zinematografiaren Zentro Nazionalak, Amiensgo Nazioarteko Zinemaldiak eta Parisko Mactari enpresak Sol d’Almeidaren O jardim do otro homen (Mozambike) pelikula saritu dute.
  
  
• Marokoar Zinematografia Zentroa Mohamed Chouikhen L’Andalou (Aljeria) proiektuarekin engaiatu da.

Pozten naiz Donostian Zinema Eraikitzenen lehen edizioan SWISS EFFECTS posprodukzio-enpresaren, Kodak Suitzakoaren eta Friburgoko Nazioarteko Zinemaldiaren baterako saria aurkezteaz.

Saria honako film tunisiarrari ematea erabaki dugu:

• Jilani SAADIren “Mariage du Loup”.

Hunkitu gintuen gau bakar batean garatzen den argumentuaren dimentsio sinbolikoak, bere kalitate zinematografikoak eta bereziki muntaketaren eta irudi-lanaren egokitasunak.
Laguntza kineskopatu batean datza, Swiss Effectsek eskainia, Kodak Suitzakoaren Negatiboaz eta Friburgoko Nazioarteko Zinemaldiak ordaindutako kopia batez.

Donostian, 2005eko irailaren 20an

Jacqueline ADAk (CNC) eta Thierry LENOUVELek (Cine Sud Promotion) emandako Saria

Pelikula amaitzeko CNCren Laguntza:

Donostiako Nazioarteko Zinemaldiak Amiensko Nazioarteko Zine-jaialdiaren eta Friburgokoarekin lankidetzan antolaturiko “Zinema Mugimenduan” ekimenaren lehen edizioaren baitan, filma amaitu ahal izateko CNCren laguntza bat ematea erabaki du.

Frantziako Zinematografia Nazionaleko Zentroak emaniko laguntza, 15.000 euroz hornitua, honako pelikulari egokitu zaio:

• “O jardin do Outro Homen”, Sol de Carvalhorena (Mozambike)

Laguntza hau Frantzian egin beharreko posprodukzio-prozesuari zuzenduko zaio. Honez gain, Parisko Mactari elkarteak posprodukzioan erabili beharreko 15.000 eurotako kreditu bat emango dio film mozambiketarrari.

Azkenik, Amiensko Nazioarteko Zine-jaialdiak bere aldetik film berarentzat 35 mm.-tako ordaindutako kopia baten ekarpena egingo du.

Donostian, 2005eko irailaren 20an

Marokoar Zinematografia Zentroak, Donostian sustapen eta kooperakuntza barrutiko buru Mohamed Bakrimek ordezkatu zuenak, ofizialki jakinarazi du MZZk EL ANDALUZ proiektuan parte hartuko duela, aipatu proiektua Mohamed Choikh zine-zuzendari aljeliarrak aurkeztu zuen Zinema Mugimenduan ekimenean.

MZZk Mohamed Chouikhekin batera adostuko du ekarpen honen modalitatea (hasiera batean posprodukziorako bideratua).