Cristian Mungiuren 4 Luni, 3 Septimani si 2 Zile (4 hilabete, 3 aste eta 2 egun) Cannesko ezusteko irabazlea, Fipresci Sari Nagusia

Mungiuk Donostiako Zinemaldiko inaugurazio-ekitaldian jasoko du saria

2007/09/03

Cristian Mungiuren 4 Luni, 3 Saptamini si 2 Zile (4 hilabte, 3 aste eta 2 egun) filma, 2007ko Cannesko Zinemaldian Fipresci saria eta Urrezko Palma irabazitakoa, Urteko Film Onena aukeratu dute Fipresci Sari Nagusiaren bozketan. Zine-kritikarien Nazioarteko Federazioko 248 kidek parte-hartutako aukeraketa honetan, film errumaniarra argi eta garbi gailendu zen. Fipresci Sari Nagusia datorren irailaren 20ko Donostiako Zinemaldiaren inaugurazio-ekitaldian emango da. Informazio gehiagorako, esate baterako, boto-kopuru handiena lortu duten filmen zerrenda ikusteko: www.fipresci.org webgunean.

Urteko Film Onenaren Fipresci Saria, 1999az geroztik Donostiako Zinemaldian ematen dena, eta zinerik ausartena, originalena eta pertsonalena azpimarratzea helburu duena, unean uneko zinegilerik berritzaileenei egokitu zaie aurreko ekitaldietan, hala nola Pedro Almodóvar, Kim Ki-Duk edo Jean-Luc Godard-i, besteak beste.

4 Luni, 3 Saptamini si 2 Zile (4 hilabete, 3 aste eta 2 Egun) lanak Zabaltegi-Bitxiak atala abiaraziko du datorren irailaren 20an eta Publikoaren TCM saria eskuratzeko aukera izango du.

 ZABALTEGI- PERLAK

4 LUNI, 3 SAPTAMINI SI 2 ZILE (4 HILABETE, 3 ASTE ETA 2 EGUN) Errumania Zuzendaria: Cristian Mungiu Antzezleak: Anamaria Marinca, Vlad Ivanov, Laura Vasiliu, Luminita, Gheorghiu