DONOSTIAK BULTZATURIKO FILMAK CANNESKO ZINEMA JAIALDIAN

2008/05/14

Zinema eraikitzen eta Zinema mugimenduan ataletan saritutako edo hautaturiko bost filmek hartuko dute parte Cannesko 61. zinema jaialdiaren hainbat sailetan.

Zinema eraikitzen ekimenaren sustatzaileak Donostia Zinemaldia eta Tolosako (Frantzia) Rencontres Cinémas d’Amérique Latine dira.

Zinema mugimenduan, berriz, Donostia Zinemaldiak Amiens-eko (Frantzia) eta Friburgo-ko (Suitza) zinema jaialdiekin lankidetzan eginiko laguntza-programa da.

Zinema eraikitzen:

Acné, Federico Veiroj zuzendariarena (Uruguai). Cannesko errealizadoreen hamabostaldian parte hartuko du. Donostian Televisión Españolaren saria jaso zuen 2007an.

A festa da menina morta, Mattheus Nachtergaele zuzendariarena (Brasil). Cannesko Un Certain Regard atalean parte hartuko du. Donostiako Zinema eraikitzen 12. edizioan hautatu zuten, 2007an.

Tony Manero, Pablo Larrain zuzendariarena (Txile).Cannesko errealizadoreen hamabostaldian parte hartuko du. Zinema eraikitzen 13. edizioko saria jaso zuen, Tolosan (Frantzia), 2008an.

Zinema mugimenduan:

Je veux voir, Joana Hadjithomas eta Khalil Joreige zuzendariena (Frantzia). Cannesko Un Certain Regard atalean parte hartuko du. Donostiako Zinema mugimenduan 3. edizioan hautatu zuten (2007).

Milh Hadha Al-Bahr (Itsaso honetako gatza), Annemarie Jacir zuzendariarena (Palestina-Frantzia-Espainia). Cannesko Un Certain Regard atalean parte hartuko du. Donostiako Zinema mugimenduan 3. edizioan postprodukzio laguntza jaso zuen CCMren eskutik (Centre Cinematographique Marocain), Parisko MACTARI nahasketa auditoriumak eskainitako 15.000 euroko postprodukzio laguntza (www.mactari.fr) eta Amienseko zinema jaialdiak eskainitako 35mm-tan eginiko kopia bat.