Zinemaldiaren aurtengo edizioa gaur goizean aurkeztu dute, Maria Cristina hotelean. José Luis Rebordinos Zinemaldiaren zuzendariak, eta Maialen Beloki eta Joxean Fernández Zuzendaritza Batzordeko kideek ezagutzera eman ditu egitaraua, aurten aurrikusitako jarduerak eta epaimahaikide batzuen izenak; horrez gain, Donostian aurtengo edizioan egongo diren izen nabarmenak ezagutzera eman ditu.

Epaimahai Ofizialaren osaketa laister jakinaraziko da.

Donostia Zinemaldiaren 62. edizioan, nazioarteko zinema-munduko pertsona ospetsu ugari ibiliko dira Zinemaldiaren alfonbra gorrietan zein egoitzetan.

Denzel Washington aktoreak –Donostia saria jasoko du– eta Antoine Fuqua zuzendariak emango diote hasiera Zinemaldiari, irailaren 19an, The Equalizer filmarekin. Irailaren 27ko amaierako ekitaldiko gonbidatuak, berriz, Charlotte Gainsbourg eta Omar Sy aktoreak zein Olivier Nakache eta Eric Toledano zuzendariak izango dira Samba filmarekin.

Aktore eta zuzendari bikainak izango dira Sail Ofizialean, beren lanak aurkezten: Susanne Bier, Nikolaj Coster-Waldau eta Ulrich Thomsen (En chance til / Second Chance), John Malkovich, Veronika Ferres aktoreak eta Michael Sturminger zuzendaria (Casanova Variations), Antonio Banderas eta Gabe Ibañez (Autómata), Alberto Rodriguez, Raúl Arévalo, Javier Gutiérrez eta Antonio de la Torre (La isla mínima), François Ozon eta Romain Duris (Une nouvelle amie / The New Girlfriend), Cédric Kahn (Vie sauvage / Wild Life), Isaki Lacuesta zuzendaria eta Imanol Arias, José Coronado, Albert Pla, Emma Suárez zein Carmen Machi aktoreak (Murieron por encima de sus posibilidades), Carlos Vermut zuzendaria eta José Sacristán, Bárbara Lennie zein Luis Bermejo aktoreak (Magical Girl), Noomi Rapace, Matthias Schoenaerts aktoreak eta Michaël R. Roskam zuzendaria (The Drop), Anahí Berneri zinemagilea eta Leonardo Sbaraglia aktorea (Aire libre), Bille August eta Paprika Steen (Stille Hjerte / Silent Heart), Pablo Malo zuzendaria Unax Ugalde, Jon Anza eta Francesc Orella aktoreekin (Lasa eta Zabala) edo Christian Petzold (Phoenix) eta Danis Tanovic (Tigers) zuzendariak.

Jessica Chastain aktoreak The Disappearance of Eleanor Rigby filma aurkeztuko du Perlak sailean, eta Relatos salvajes filmarekin, bestalde, Pedro Almodóvar (ekoizlea), Damián Szifrón (zuzendaria) eta Ricardo Darín (protagonista) izango dira.

Willem Dafoe aktoreak ere aurkeztuko du protagonista duen filma Perlak sailean, Abel Ferrararen Pasolini filma alegia, baita Laurent Cantet zuzendariak eta Jorge Perugorría aktoreak ere (Retour à Ithaque / Return to Ithaca). Sail honen emanaldietara bestelako zinemagile batzuk ere joango dira, hala nola Naomi Kawase (Futatsume no mado / Still Water), Diego Luna (Chávez), Mathieu Amalric (La chambre bleue / The Blue Room, Ira Sachs (Love Is Strange) eta Céline Sciamma (Bande de filles / Girlhood).

Perlak sailari amaiera bikaina emango dio Benicio del Toro Donostia saridunak, irailaren 26an, Josh Hutcherson, Claudia Traisac eta Carlos Bardem aktoreekin zein Andrea di Stefano zuzendariarekin batera, klausurako Escobar: Paradise Lost filma aurkeztuz.

Viggo Mortensenek Jauja filma aurkeztuko du Horizontes Latinos sailean Lisandro Alonso zuzendariarekin batera. P'tit Quinquin telesailaren Espainiako premierean, halaber, bere zuzendari Bruno Dumontek hartuko du parte Zabaltegi sailaren barruan. Sail horretan estreinatuko da Negociador (Negoziatzaile) filma ere; Borja Cobeaga zuzendariak zein Ramón Barea, Josean Bengoetxea eta Carlos Areces protagonistek aurkeztuko dute irailaren 22ko Zinemira galan.

Hainbat gonbidatu izango ditu aurten Culinary Zinema sailak: Lasse Hallström (The Hundred-Foot Journey) edota Wayne Wang (Soul of a Banquet) zuzendariak.

Concha Velasco ere izango da Zinemaldiaren 62. edizioan Pedro Olea zinemagileari Zinemira Saria emateko.

Maribel Verdú aktoreak eta Paco Plaza zuzendariak Ultravioleta film laburra ekarriko dute Zinemaldira. Halaber, Donostian aurkeztuko duten Gas Natural Fenosaren Zinergia proiektuaren barruan egin dute film labur hori.

• Conxita Casanovas (Presidentea)
• Susana Soto

Dagoeneko Zinemaldiko webgunean 62. edizioan hautatutako filmen sustapenerako materiala eskura dago.
Kutxatilategi birtualean film parte-hartzaileek erregistratutako erabiltzaileen eskura jarri nahi dituzten argazki, bideo, audio, pressbook eta bestelako sustapenerako dokumentu guztiak aurkitu daitezke.