Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Karra Elejalde aktoreak eta Edurne Ormazabal kazetariak aurkeztuko dute Donostia Zinemaldiaren 62. edizioa inauguratzeko gala. Irailaren 19an izango da, 21:00etan, Kursaal auditoriumean.
Edizio honetako edukiak aurkezteko, Espainiako zinemako beste figura garrantzitsu batzuk izango dituzte ondoan: Maribel Verdú, Unax Ugalde, Cayetana Guillén Cuervo, Mireia Gabilondo, Eduard Fernández eta Imanol Arias.
Galan, Denzel Washington aktoreak Donostia Saria jasoko du Antoine Fuqua zuzendariaren eskutik, eta bien artean Zinemaldiari hasiera emango dion The Equalizer filma aurkeztuko dute, aktorearen eta zuzendariaren kolaborazio berria, aurrez Training Day (2002) filmean elkarlanean aritu ostean.
Zinemaldiari amaiera emateko galan, irailaren 27an, 20:30ean, Edurne Ormazabalek José Coronado izango du ondoan Kursaal auditoriumeko oholtzan, sariak emateko ekitaldian.
Patxi Barcok zuzenduko ditu bi galak, joan den edizioan bezalaxe.
Patxi Barcok ibilbide luzea egin du ikuskizunen munduan; zineman, antzerkian eta telebistan aritua da. Gidoilari eta zuzendari izan da bai euskal telebistan (Kaixo 87, La traka, Kaixo 89, Bertan Zoro), bai beste kate batzuetan (La bola de cristal –TVE–). Gainera, errealizadore aritu da Ciudadanos eta beste programa batzuetan eta Jaun ta Jabe, Kilker Dema, Metropolis edo Bi eta Bat umorezko telesailetan. Halaber, hiru film labur egin ditu, bai eta film luzeak ere, hala nola Gauaren amaiera (2003) –Donostia Zinemaldirako hautatua– eta El cazador de dragones (2010), bai eta Sabin (2011) tv moviea ere. Ekoizle eta antzerki-zuzendari gisa, hamalau ikuskizun ekoitzi ditu aretoetarako; besteak beste, Estás ahí, El apagón, Todo Shakespeare o casi, Club de caballeros, Cueva de ladrones eta Por los pelos. Golden Apple Quartet taldearen Los Golden en blanco y negro eta Los Golden en serio ikuskizunak idatzi eta zuzendu ditu, bai eta Galipotx, Karabas eta Goibel musikalak ere. Athletic Cluben mendeurrenaren galako zuzendari eta errealizadore ere izan da, eta Fun & Serious 2012 galaren gidoilari eta zuzendari, Bilboko Campos Eliseos antzokian. Gaur egun, Demode Quartet ahots-konpainiaren ikuskizunak zuzentzen eta idazten ditu.
Astelehenetik ostegunera: 09:00 - 15:00.
Ostiraletan: 10:00 - 14:00