Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Irailaren 2an jarri zen abian FOR A THOUSAND LIVES: BE HUMAN kanpaina, Europara iristen ari diren errefuxiatuen eskubideen alde.
Guztira, zinemaren munduko 5.000 profesionalek baino gehiagok egin dute bat harekin.
José Luis Rebordinos, Zinemaldiko zuzendaria, eta Donostiako Nazioarteko Zinemaldiaren Zuzendaritza Batzordeko kide guztiak batu zaizkio deialdi horri klausura-ekitaldi honetan, eta kanpainari babes guztia eskainita honako hauek eskatu dizkiete Europako agintariei:
- Europar Batasunak legezko bideak eskaini behar dizkie gerratik, terroretik edo jazarpen politikotik ihesian diren eta EBn babesa bilatzen duten pertsonei; eta hala, azpiegiturak jarri behar ditu haien jatorrizko herrialdeetan edo hirugarren herrialdeetan, asiloa eska ahal izan dezaten. Hori eginda pertsona horiek legez kanpoko bideetara jotzea eta beren bizitzak arriskuan jartzea galaraziko du.
- Europako herrialdeek solidario behar dute izan, Bigarren Mundu Gerratik izan den errefuxiatu-krisirik handienaren aurrean baikaude. Dublingo Akordioek oztopo zentzugabe eta bidegabeak jarri dizkiete EBko herrialde mugakideei. Eta, beraz, ezinbestekoa da akordio hori baliogabetzea eta errefuxiatuen banaketa egokiago bat egitea EBko estatu-kideen barruan.
- Europako herrialdeek bizi-baldintza duinak eskaini behar dizkiete errefuxiatuei, haien giza eskubideak, askatasun pertsonalak eta osotasun fisikoa errespetatuko dituzten baldintzak, inolako mugarik gabe, eta eskura dituzten baliabide guztiak jarri behar dituzte pertsona horiek legearen barruan lan egin dezaten, eta hezkuntzarako sarbidea izan dezaten, baita bizitza berri bat eraikitzeko aukera izan dezaten ere.
Astelehenetik ostegunera: 09:00 - 15:00.
Ostiraletan: 10:00 - 14:00