Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Parisko auzo latinoan izan zen ekitaldia, otsailaren 7tik 11ra bitartean.
Frantziako AFC elkarteko kide diren Pascal Ridao eta Philippe Van Leeuw argazki-zuzendariek sei film labur hautatu zituzten Donostia Zinemaldiaren azken edizioan, bertan gonbidatuta izan zirenean. Cameflex-AFC ekimenean, ondoko obra hauek programatu zituzten, errealizadoreak eta argazki-zuzendariak bertan zirela: After Rave, Kamile Milasiuté zuzendariarena, irudien arduraduna Vytautas Katkus izanik (Lithuanian Academy of Music and Theatre-Lituania), Don’t hit the ground, Mia Spengler zuzendariarena, irudien arduraduna Jan-Marcello Kahl izanik (Filmakademie Baden-Württemberg GmbH-Alemania), Checkpoint, Adam Felix zuzendariarena, irudien arduraduna Peter Duzek izanik (The Academy of Performing Arts Bratislava-Eslovakia), Después de la Z, Rodrigo Cervantes zuzendariarena, irudien arduraduna Vincent Weiler izanik (The London Film School-Erresuma Batua), Greenland, Oren Gerner zuzendariarena, irudien arduraduna Adi Mozes izanik (Minshar for Art-Israel) eta Los resentidos, Pablo Álvarez zuzendariarena, irudien arduraduna Roberto Ormazábal izanik (Instituto Profesional Arcos-Txile).
Horiek guztiek Cameflex-AFC ekimeneko topaketetan eta programan hartu zuten parte. Hirugarren edizioa izandako honetan, Luciano Tovoli argazki-zuzendari handiari omenaldia egin zioten, haren eskuetatik igarotako hainbat film eskainiz. Besteak beste, zuzendari hauekin aritu da lankidetzan Tovoli: Maurice Pialat, Barbet Schroeder, Ettore Scola, Dario Argento, Michelangelo Antonioni eta Marco Ferreri. Era berean, Frantziako hiriburuan izandako egonaldian, bertaratutako beste argazki-zuzendari batzuekin solasean aritzeko aukera izan zuten parte-hartzaileek, hala nola Gérard de Battista, Jimmy Glasberg, Vincent Mathias, Philippe Van Leeuw eta Dominique Gentil argazki-zuzendariekin. Horrez gain, Luciano Tovolik emandako eskola magistralean izan ziren; osteko mahai-inguruan, Dominique Maillet aritu zen moderatzaile, eta bertan parte hartu zuten Jacques Perrin aktore eta produktoreak, Yves Agostini bigarren operadoreak eta Jacob Berger errealizadoreak.
Astelehenetik ostegunera: 09:00 - 15:00.
Ostiraletan: 10:00 - 14:00