Mother and Child hiru emakumeren eta haien maitasun istorio nagusien kontakizuna da: beren gizonekin, alabekin eta amekin. Amak behin eta berriz eskatu ondoren, azkenean Karenek abandonatu egingo du 14 urterekin izan zuen alaba. Orain, 36 urte geroago, alaba galdu izanaren atsekabeak jarraitzen duen bitartean, familia bat eta bizi-poz pixka bat emateko prest dagoen gizona aurkituko du. Elizabeth, neskatila hura, bere familiako arazoekin, sexualitatearekin eta boterearekin borrokan ari da. Berak ere badu maitatzeko gaitasuna, baina haurdun geratu beharko du beste pertsona bat gurtzen ikasteko. Lucyk ama izateko prest dagoela uste du. Haren ama ezinbestekoa izango da Lucyk beti eduki nahi izan duen alaba zaintzen ikasten duen bitartean. Mother and Child filmak bizitzan egiten ditugun aukeraketez hitz egingo digu, galtzen ditugun aukerez eta amaren eta seme-alaben arteko lotura hautsiezinaren indarrari buruz.

Kolonbian jaio zen eta Mexikon hazi. Honako lan hauek egin ditu: Things You Can Tell Just By Looking At Her (2000), Canneseko Un Certain Regard saria jaso zuena; Ten Tiny Love Stories (2001), Nine Lives (2005), Locarnoko zinema jaialdiaren irabazlea, eta Passengers (2009); baita Fathers and Sons telebistarako filma ere. Horrez gain The Sopranos, In Treatment eta Six Feet Under telesailen kapitulu batzuk ere zuzendu ditu. Tired of Being Funny film laburra egin berri du.