Haizek bi urte bete baino lehen GAL taldeak haren aita hil zuen, Mikel Goikoetxea "Txapela" errefuxiatua. Aitaren oroitzapenik txikiena ez badu ere, 25 urte geroago neska galdezka hasiko da. Itsasoaren alaba memoria ariketa baten lekukotza da. Goikoetxea ezagutu zutenen testigantzak lotuta, Haizek aita eta garai hartako egoera nolakoak ziren jakingo du pixkanaka, mundu eta sentsazio ezberdinak nahastuta, eta ikuslea sustraietarako bidaia errepikaezin horren lekuko bilakatuta.

Bilbo, 1986. EHUn eta San Antonio de los Bañosen (Kuba) ikus-entzunezko ikasketak egin ondoren, hau da bere lehenengo dokumentala. Gidoilari eta aktore gisa egin du lan ETBko Martin telesailean, eta astero Euskadi Irratiko Arratsaldekoa programan parte hartzen du, duela sei urtetik. Horrez gain, 2007an euskarazko kazetaritzako Rikardo Arregi sari berezia irabazi zuen. Txaber Larreategirekin batera Looking for Mister X film laburra zuzendu du, eta laster ikusgai izango ditugun eta gizarte gaiak lantzen dituzten bi dokumental egiten ari.