Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Zinema Kritikarien Nazioarteko Federazioko (FIPRESCI) kideek Toivon tuolla puolen / The Other Side of Hope izendatu dute 2017ko film onena. Botazioan mundu osoko 576 kritikarik hartu dute parte, eta 2016ko uztailaren 1a eta gero estreinatu diren film guztien artean aukeratu dute Finlandiako ekoizpen hau. Honako hauek izan dira beste bi finalistak: Oscar® sariaren irabazlea, Barry Jenkins-en Moonlight, eta Ildikó Enyedi-ren Testről és lélekről / On Body and Soul, Berlineko Urrezko Hartza, Perlak sailean programatua.
Aki Kaurismäki (Orimattila, Finlandia, 1957) zinema garaikideko europar zuzendari garrantzitsuenetakotzat hartzen da. Bere filmografiako funtsezko hainbat lan klasiko moderno bihurtu dira: adibidez, Ariel (1988), Tulitikkutehtaan tyttö / The Match Factory Girl, 1990), Kauas pilvet karkaavat / Drifting Clouds, 1996), Mies vailla menneisyyttä / The Man Without a Past, 2002, Epaimahaiaren Sari Nagusia Cannesen), eta Le Havre (2011, FIPRESCI saria Cannesen). Toivon tuolla puolen / Other Side of Hope filmarekin zuzendari onenaren Zilarrezko Hartza irabazi zuen Kaurismäkik Berlineko azken zinema-jaialdian.
1999an sortu zenetik, maila handiko zinemagileak izan dira Fipresci Sari Nagusiaren irabazle: besteak beste, Pedro Almodóvar, Michael Haneke, Cristian Mungiu, Paul Thomas Anderson, Jean-Luc Godard, Richard Linklater, Roman Polanski, George Miller eta Maren Ade.
Aki Kaurismäkik Zinemaldiaren hasiera-galan jasoko du FIPRESCI Sari Nagusia; gala irailaren 22an (ostirala) egingo da, Kursaal auditorumean.
Helsinki. Khaled, siriar etorkin gazte bat, ezkutuan iritsi da Poloniatik datorren zamaontzi batean. Bitartean, Wikström izeneko saltzaile gatzgabe batek bere ezkontzari amaiera eman, negozioz aldatu, eta gutxitan bisitatutako jatetxe bat irekitzeko erabakia hartuko du. Bien bideak elkar gurutzatuko dira, eta Wikströmek aterpea, jana eta lana eskainiko dio Khaledi. Baina mutilaren ametsa bere arreba aurkitzea da, hura ere Siriatik alde egina baita.
Astelehenetik ostegunera: 09:00 - 15:00.
Ostiraletan: 10:00 - 14:00