tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Jarraitu zuzenean Zinemaldia, gure Webgunearen, App-aren eta Sare Sozialen bitartez
Jarraitu zuzenean Zinemaldia, gure Webgunearen, App-aren eta Sare Sozialen bitartez
Sail guztietako film guztien ordutegiak irailaren 13an, osteguna, kontsultatu ahal izango dira, Zinemaldiaren webgunean eta App-an
Asteazkena, 2018(e)ko irailaren 12

Beste urtebetez, Zinemaldiaren albiste guztiak gure webgunearenaren, App-aren eta sare sozialen bitartez jarraitzeko gonbita luzatzen dizuegu.

Informazio guztia eta emankizunak webgunean

Webgune ofizialean, zuen eskura jartzen ditugu filmei buruzko informazio guztia, programazio eguneratua eta saio guztietarako txartelen salmenta; horrez gain, gure egunerokotasunaren berri emango dizuegu: zuzeneko emankizunak, bideoak, argazki-galeriak eta gertatzen den ororen azken orduko albisteak.

Gogoan izan gure telebistaren bitartez (TV) zuzenean ikus ditzakezuela prentsaurrekoak, inaugurazio- eta klausura-galak, eta Donostia Saria gala; beste edukiez ere gozatu dezakezue, nahieran: photocallak, alfonbra gorriak, filmetako lantaldeei elkarrizketak, gonbidatuen etorrerak, eguneko laburpenak, sailetan parte hartzen duten film guztien trailerrak eta edizio honetako lan bereziak.

Webgunean gainera, Zinemaldiko telebistaren 24 orduko seinalea aurkituko duzue zuen smarttv-an konektatu ahal izateko eta emanaldi, bideo eta jarraipenezko saio guztietaz gozatu ahal izateko.

Jarrai iezaguzu sare-sozialetan eta partekatu zure Zinemaldia

Beti bezala, oso aktibo ibiliko gara sare-sozialetan; ez galdu gure inolako jarduerarik eta eduki esklusiborik. Twitter, Facebook, Instagram eta Youtube -n gaude.

Facebook eta Twitterren bidez, jakinarazpenen berri eman, eta berritasunak, bideoak, argazkiak eta eguneko informazio nabarmenena aurreratuko dizkizuegu. Gure gonbidatuen momentu dibertigarri eta berezienak erakutsiko dizkizuegu, eta, streaming-ari esker, Zinemaldiko hitzordu garrantzitsuenak zuzenean jarraitu ahal izango dituzue. Gustura partekatuko ditugu zuen elkarrizketak, aipamenak eta iruzkinak, hortaz, ez ahaztu zuen iruzkinetan gure traola ofiziala erabiltzea, #66SSIFF inolako elkarrizketarik gal ez dezagun.

Instagramen oihartzun hori zabalduko dugu eta Zinemaldiaren aurpegi ausart eta informalenaren timeline-a eskainiko dizuegu. Gure argazki-lehiaketa ere proposatuko dizuegu: parte hartzeko zuen argazkietan #Moment66SSIFF traola erabiltzea besterik ez duzue egin beharko.

Eta beste hainbat sorpresa datozen egunotan kontatuko dizkizuegu, eta zuen gustuko izatea espero dugu; beraz, ahaztu gabe, jarrai iezaguzu eta partekatu #66SSIFF traolan.

Jaitsi doan App ofiziala eta ez galdu ezertxo ere

Gainera, zure smartphone-aren bitartez Zinemaldiaren egunerakotasun guztiak jarrai ditzakezu, jarraituko dituzun filmak planifikatu eta hiriari buruzko informazio interesgarria kontsultatu. Gure aplikazio ofizialaren bidez, gainera, jakinarazpen-zerbitzua izango duzu eskura.

Izan ere, bertan dituzu Zinemaldiko albisteak eta gaurkotasun osoa, minututik minutura: eguneko bideoak (photocallak, prentsaurrekoak, galak...), azken orduko albisteen eta filmetako lantaldeen etorreraren berri ematen duten argazki-galeriak, trailerrak eta promozio-klipak, programazioa eta edizio honetako film guztiei buruzko informazio osoa eta xehea (sinopsiak, biografiak, fitxa artistikoa eta teknikoa, irudiak, sariak, aretoak eta ordutegiak).

Gogoratu, ikusi nahi dituzun filmen ordutegiak egokitzen lagunduko dizun programazioa planifikatzeko tresna daukazula. Programazioan gogokoenak markatu, eta timeline pertsonalizatu batean agertuko zaizkizu. Aurten aplikazioak alerta-sistema bat ere izango du. Horri esker, aukeratu dituzun saioak baino lehen abisu bat jasoko duzu.

Aplikazioan sare sozialetan partekatzeko aukera ere izango duzu, zure gustuak zabaltzea errazagoa izan dadin.

Aplikazioa hiru hizkuntzatan eskura daiteke (euskaraz, gaztelaniaz eta ingelesez), App Store-n, eta Google Play-en.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea