tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Donostia Zinemaldiak umorea aldarrikatuko du 66. edizioaren inaugurazio-galan
Donostia Zinemaldiak umorea aldarrikatuko du 66. edizioaren inaugurazio-galan
Borja Cobeagak, Diego San Josék eta Borja Echevarríak idatzi eta zuzenduko dute gala
Osteguna, 2018(e)ko irailaren 20

Nagore Aranburu eta Belén Cuesta aktoreek aurkeztuko dute Donostia Zinemaldiaren 66. edizioaren inaugurazio-gala. Bihar, ostirala (hilak 21), izango da, 21:00etan, Kursaal Auditoriumean.

Borja Cobeagak, Diego San Josék eta Borja Echevarríak idatzi eta zuzenduko dute gala. Gidoilariek umorez jorratuko dituzte zinema-jaialdien berezitasunak, batik bat Donostia Zinemaldiarenak, eta hiriaren «toki paregabearen izaera».

«Garai txarrak bizi ditu umoreak. Ematen du erasota sentitzen garela norbaitek gure usteei buruz ironiaz edo barrez hitz egiten duenean. Funtsezkoa izan da umorea beti adierazpen artistikoan, eta bultzagarri izatez gain, norbera eta behin eta berriro errepikatzen diren topikoak zalantzan jartzeko balio du. Kasu honetan, gure hiriaren eta jaialdiaren harira aipatu ohi diren toki guztiei irri egin nahi diegu», Donostia Zinemaldiko zuzendari José Luis Rebordinosek azaldu duenez.

Cobeagaren ustez, «berria, desafiatzailea eta ausarta» izan da Zinemaldiaren enkargua. «Guztiz ezarrita zegoen galak egiteko modua; lurralde birjina zen, eta ez zen umorea egin horri buruz», azaldu duenez. «Gu geu izatea eskatu digute», jakinarazi duenez.

Ondorioz, galan, umorea izango da nagusi. «Zinemaldiak batez ere bere buruaz egingo du barre», adierazi duenez. Inork lana ez galtzea espero du Fe de etarras filmaren zuzendariak, eta «berritasuna nagusituko delakoan eta gelditzeko etorriko delakoan» dago.

Gala umorezko bakarrizketa batekin irekiko da, eta bideo komikoak tartekatuko dira. Gainera, Zinemaldiko gonbidatuek sailen edukiak eta jarduerak aurreratuko dituzte; FIPRESCI Sari Nagusia emango da; Versión Española programaren hogeigarren urteurrena ospatuko da; epaimahai ofiziala eszenatokira igoko da eta, presidentea, Alexander Payne zinemagilea, labur mintzatuko da; eta, azkenik, El amor menos pensado inaugurazioko filmaren taldeak –Juan Vera zuzendaria eta Ricardo Darín eta Mercedes Morán aktore protagonistetako bi– filma aurkeztuko du.

Inaugurazio-gala La 2 eta ETB1 kateek, eitb.eus atariak eta Zinemaldiko webguneak emango dute zuzenean.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea