Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko


Ikusmira Berriak
Ikusmira Berriak
Hautatutako proiektuak
Hautatutako proiektuak
Zer proiektu aurkez daitezke?
Zer proiektu aurkez daitezke?
Saria
Saria
Proiektuen izen – ematea: 2021ko uztailak 1 – irailak 1, 2022ko egonaldirako 

Ikusmira Berriak proiektuak garatzeko egonaldi-programa bat da, eta indar hartzen ari den talentua eta ikus-entzunezko sorkuntza babestu eta bultzatzeko xedea du. Egonaldion bidez, lekua, testuingurua, denbora eta baliabideak eskaintzen dira, eta bi ardatzen inguruan antolatzen da programa: prestakuntza eta garapena.

Ikusmira Berriak programa 2015. urtean jaio zen, Donostia Zinemaldiak, Tabakalera Kultura Garaikidearen Nazioarteko Zentroak eta Donostia 2016 Europako Kultura Hiriburuak elkarlanean antolatuta, Euskadiko Filmategiaren lankidetzarekin. 2018az geroztik, EQZE Elías Querejeta Zine Eskolarekin –prestakuntza, pentsamendu eta ikerketarako nazioarteko zentroarekin– batera antolatzen da. Gaur egun, programak bost egoitza eskaintzen ditu honako atalotan: nazioarteko zinemagileak, Espainiakoak, EAEkoak, EQZEkoak eta Nest atalekoak.

Aliantza naturala da, egonaldia Tabakaleraren eraikinean bertan gauzatzen baita. Tabakalera egitasmo bakarra da munduan; izan ere, eraikin bakarrean biltzen ditu kultura garaikidearen nazioarteko zentro bat, nazioarteko zinema-jaialdi bat, zinema-eskola bat eta filmoteka nazional bat. Erakunde guztiek hiru bultzada estrategiko hauetan parte hartzen dute: zinemari buruzko prestakuntza ematea eta ezagutzak transmititzea; talentu berriak bilatzea, horiei lagun egitea eta horiek garatzea; eta zinemagintzaren gainean ikertzea eta hausnartzea, hurbilketa teoriko-akademikoa eta profesionala baliatuz.

Ikuspegi estrategiko komun horretatik sortzen eta elikatzen da Ikusmira Berriak proiektua. Zortzi asteko egonaldia aurreikusten du, bi fasetan banatuta; halaber, zazpi hilabeteko laguntza-programa jasotzen du –martxotik irailera bitartean–. Lehenbiziko fasean, egoiliarrek sei astez garatzen dituzte beren proiektuak (martxotik eta apirilera), eta adituen batzordeko kideen aholkularitza jasotzen dute. Kideok tutoretza-lanak egiten dituzte proiektuotan, eta, horretaz gainera, garapen-prozesuaren faseak premien arabera lantzen dituzte.  Irailean, Donostia Zinemaldiarekin batera, itzuli egiten dira egonaldiaren azken bi asteak betetzeko. Denbora horretan, egoiliarren egitasmoetan parte hartu nahi duten profesionalekin lankidetzan aritzeko aukerak lantzen eta sustatzen dira. Egonaldiko bi faseen artean, tutoreek eta erakundeek aholkularitza eta laguntza ematen diete proiektuen garapenari.

Programan parte hartzen duten erakundeek talentu zinematografikoari laguntzeko sistema bat eratu dute. Halere, sistema hori proiektu bat sortu eta ikusaraztetik haratago doa; izan ere, talentuari luzaroko laguntza eta babesa eskaintzeko jomuga ere badu.

Parte hartzen duten profesionalen kalitateagatik eta zinemagileen eskura jarritako testuinguruagatik, denboragatik eta baliabideengatik, Ikusmira Berriak zinema-eremuko egoitza oso eta asmo handienetako bat bihurtu da mundu mailan. Hori horrela, Zinemaldiaren, Tabakaleraren eta EQZEren ekimen garrantzitsuenen artean sendotu da, talentu berrien mintegi gisa. Zazpi edizioren ostean, programak interes handia piztu du zinema-jaialdi garrantzitsuenetako batzuen artean, eta horren erakusgarri da dagoeneko bederatzi proiektu estreinatu izana Zinemaldian bertan eta nazioarteko beste zirkuitu batzuetan, hala nola Cannes, Locarno, Festival Internacional de Cine de Mar del Plata, Viennale, Visions du Réel edo Toronton:  El extraño, Pablo Álvarez (IB 2015); Calipatria, Leo Calice eta Gerhard Treml (IB 2015); Gwendolyn Green, Tamyka Smith (IB 2015); Trote, Xacio Baño (IB 2015); Muga deitzen da pausoa, Maider Oleaga (IB 2015); Las letras de Jordi, Maider Fernández (IB 2017); Stephanie, Leonardo Van Dijl (IB 2017); Chupacabra, Grigory Kolomytsev (IB 2018); eta Jo ta Ke, Aitziber Olaskoaga (IB 2019).

 

SQLSTATE[42S22]: Column not found: 1054 Unknown column 't_6486' in 'order clause', FILE: /var/www/vhosts/sansebastianfestival.com/httpdocs/publica/templates/mod_pagina_logo.php, LINE: 28

SQLSTATE[42S22]: Column not found: 1054 Unknown column 't_6486' in 'order clause', FILE: /var/www/vhosts/sansebastianfestival.com/httpdocs/publica/templates/mod_pagina_logo_derecha.php, LINE: 21


Abian da Ikusmira Berriak egonaldien zortzigarren deialdia
Arautegia irakurtzeko eta proiektu bat inskribatzeko, klikatu hemen.

IZENA EMATEKO EPEMUGA: IRAILA 1


Aurreko edizioak IKUSMIRA BERIAK
2020
2019
2018
2017
2016
2015

SQLSTATE[42S22]: Column not found: 1054 Unknown column 't_6486' in 'order clause', FILE: /var/www/vhosts/sansebastianfestival.com/httpdocs/publica/templates/mod_pagina_logo_derecha_abajo.php, LINE: 21
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea