66. edizioko Donostia Zinemaldian parte hartu nahi duten filmek, lehen hautaketarako onlineko izen-emate epea jadanik irekita dute. Zinemaldiko programazioa osatzen duten sail guztietarako eman ahal izango da izena, Zinema Eraikitzen, Glocal in Progress eta Zinema Ikasleen Nazioarteko Topaketarako ezik. Zinema Eraikitzen, Glocal in Progress eta Zinema Ikasleen Nazioarteko Topaketek berezko deialdia izango dute apirilean eta ekainean hurrenez hurren, beraz orain EZ dute izenik eman behar.
Lehen hautaketarako filma luzeen onarpena 2018ko ekainaren 29an amaituko da.
Parte hartzeko arauen inguruko informazio guztia, sail ezberdinetako arautegiak eta izen-emateko online formularioa Donostia Zinemaldiko webgunean eskuragarri daude: www.sansebastianfestival.com atarian.
Sar gaitzazu zure kontaktuen edo helbide zerrendatan, gure informazioa sarrera bandejan sartuko zaizula ziurtatzeko.
