Sail hau Zinemaldiaren industria-eremuaren barrukoa da, eta profesionalei mugatuta dago.

The Industry Club-ek Donostia Zinemaldian akreditatutako Espainiako eta nazioarteko profesionalei aurkeztuko die film hauen aukeraketa.

Donostia Zinemaldiak Amienseko (Frantzia) eta Friburgoko (Suitza) nazioarteko zinemaldien laguntzarekin antolatutako programa hau, amaitzear edo posprodukzio fasean dauden film luzeez soilik osatuko da eta aurkeztutako filmeak amaitzen laguntzea izango du helburu.

Ekimen honetara, Afrika kontinente osoko zein Magreb-eko zuzendariek aurkeztu ahal izango dituzte proiektuak, baita garabidean dauden herrialde arabiarretakoek ere; Irakekoek, Jordaniakoek, Libanokoek, Palestinakoek eta Siriakoek.

Hautatutako zuzendariek edota ekoizleek Donostia Zinemaldiaren Industry Club-ean akreditatutako sektore orotako profesionalen aurrean euren filma defendatzeko aukera izango dute.

Zinema Mugimenduan ekimenerako aurreikusitako laguntzen artean honakoak daude:

• Mactari nahasketa auditorioak: 15.000€ soinu-nahaste zerbitzuetan.
• CNC (Centre National du Cinéma et de l’Image Animée): 10.000 €-ko laguntza Frantzian postprodukzio lanak egiteko.
• Dubai International Film Festival: 5.000 euro filme arabiar baten postprodukzio gastuetarako.
• Amienseko Zinemaldiak: 35 mm-ko kopia bat azpititulurik gabe.
• Friburgoko Zinemaldiak: 35 mm-ko kopia bat azpititulurik gabe.
• Titra Film: 2.500 euro azpitituluak frantsesez edota ingelesez egiteko.
  

Zinema Mugimenduan ekimenak ondoko enpresa eta erakundeek emandako laguntza eskertzen du:

• Arabiar Emirerri Batuak: Dubai International Film Festival
• Espainia: Casa Arabe-IEAM, Andaluziako Ikus Entzunezko Fundazioa
• Frantzia: Centre National du Cinéma et de l’Image Animée (CNC), Mactari (nahasketen auditorioa), Titra Film
• Portugal: Instituto do Cinema e do Audiovisual (ICA)

Zinema Mugimenduan Sariak

Zinema Mugimenduan saileko 8. edizioko parte-hartzaileek erabaki dute honako bi film hauek saritzea:

LE VEAU D’OR (THE GOLDEN CALF), Hassan Legzouli, Frantzia – Maroko

Sariak honakoak dira:

• 15.000 €-ko ekarpena Parisko Mac’Tari estudioan soinu nahasketa egiteko.
• Filmaren ale bat 35 mm-tan, azpititulurik gabe, edo kopia digitalaren kostuaren zati bat, Amienseko nazioarteko zinema-jaialdiaren eskutik.
• Filmaren ale bat 35 mm-tan, azpititulurik gabe, edo kopia digitalaren kostuaren zati bat, Fribourgeko nazioarteko zinema-jaialdiaren eskutik.
• 2.500 €, Titra TVSren eskutik, frantsesezko edo ingelesezko azpitituluak ipintzeko, edo kopia digitalaren kostuaren zati bat.

MOUG (WAVES), Ahmed Nour, Egipto – Maroko

Sariak honakoak dira:

• 10.000 €-ko laguntza postprodukzio lanetarako CNC (Centre National du Cinéma et de l’Image Animée) etxearen eskutik eta hark erabakitako helburuetarako.
• 5.000 €-ko laguntza postprodukzio kostuetarako, Dubaiko nazioarteko zinema-jaialdiaren eskutik.
• 10.000 €-ko aparteko ekarpena Parisko Mactari estudioan soinu nahasketa egiteko.

Harremanetarako:

• Donostia Zinemaldia
  industryclub@sansebastianfestival.com – www.sansebastianfestival.com
• Amienseko Nazioarteko Zinemaldia
  thierry@cinesudpromotion.com - www.filmfestamiens.org
• Friburgoko Nazioarteko Zinemaldia
  info@fiff.ch - www.fiff.ch

Berriak

• 2012 / 08 / 21
  Egiptoko, Tunisiako eta Marokoko lau film aukeratu dituzte zinema mugimenduan sailean parte hartzeko
  Zinema Mugimenduan ekimena Amienseko eta Friburgoko nazioarteko zinema-jaialdiekin batera antolatzen da, eta aurten, lau film eskainiko ditu irailaren 24an, astelehena, Donostia Zinemaldiaren 60. edizioaren barruan

• 2012 / 05 / 15
  Zinema Mugimenduan 8 ekimenean izena emateko epea ireki da
  Izena eman eta materiala jasotzeko epea 2012ko ekainaren 30ean itxiko da.