Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Jardunaldi honetan telesailen fenomenoa landu nahi dugu. Saio bikoitz honen xedea da nola ari diren serieak espazio garrantzitsu bat hartzen ikus-entzunezko sorkuntzan eta merkatuan, prozesu sortzaileak eta ekoizpen-, banaketa- eta kontsumo-ereduak irauliz.
Jardunaldiaren lehen mahai-inguruaren gaia narrazioak telesail bihurtzeko prozesu sortzaileei buruzkoa izango da, hala fikzioan nola ez-fikzioan, zinemaren hizkuntzari eta ikus-entzunezkoari dagokionez, bai eta telesailen fenomeno honek sortutako kontsumo-eredu berriei dagokienez.
- Moderatzailea: Desireé de Fez (Espainia)
Hizlariak:
- Mar Coll | Matar al padre - Movistar+ (Espainia)
- Bruno Dumont | Coincoin, et les Z'Inhumains – ARTE (Frantzia)
- Aitor Gabilondo | Vivir sin permiso - Mediaset, Patria – HBO (Espainia)
- Elías León Siminiani | El crimen de Alcasser - Netflix (Espainia)
Jardunaldiaren bigarren mahai-inguruak industriaren eta merkatuaren alorrak izango ditu hizpide. Honako hauek aztertu nahi dira: telesailen edukiaren ekoizpen- eta promozio-egiturak eta -dinamikak, batik bat plataformak merkatu globalean agertu direnetik; ekoiztetxeek, plataformek eta telebista-etxeek talentua antzematearen garrantzia; telesailak sustatzeko eta erabiltzailea fidelizatzeko mekanismoak; formatu berrietarako esperimentazioa; eduki lokalen produkzioaren alde egitea, helburu globalekin. Hori guztia askotariko eduki indibidualizatuen kontsumoen testuinguru batean, non zinemaren industria seriearen formatura zabaltzen ari den.
- Moderatzailea: Elena Neira | La otra Pantalla (Espainia)
Hizlariak:
- Ramón Campos | Bambú Producciones (Espainia)
- Agnes Johansen | RVK Studios (Islandia)
- Fernando López Puig | TVE (Espainia)
- Nuria Massa | Movistar+ (Espainia)
- Koldo Zuazua | Kowalski Films (Espainia)
Lekua / Eguna / Ordua
Kursaal zentroaren 8. eta 9. aretoak / Irailak 22, larunbata / 16:00-19:00
Astelehenetik ostiralera: 09:00etatik 14:00etara eta 16:00etatik 20:00tara