Donostia Zinemaldiak aurrez aurreko formatua eta online formatua uztartuko ditu aurten, industria-jarduerak gauzatzeko, irailaren 17tik 25era  egingo den 69. edizio honetan.

AGENDA PROFESIONALA

Europa-Latinoamerika Koprodukzio Foroak eta Ikusmira Berriak sailak San Telmo Museoaren egoitza Kursaaleko Industry Club gunera lekualdatuko dute aurten.

Irailaren 20an, 21ean eta 22an, industria akreditaziodunak aukera izango du hautatutako proiektuekin aurrez aurre hitzordua izateko. Irailaren 22an, Donostiara joaterik izan ez duten profesionalei aukera eskainiko zaie online hitzorduak finkatzeko.

Gainera, San Telmo Museoko Ekitaldi Aretoa mantenduko da. Mahai-inguru eta aurkezpenen bidez gaur egungo industriari buruz hausnartzeko gune honek, Pentsamendua eta Eztabaida arloaren barruan, ikus-entzunezkoen inklusioa eta aniztasuna jorratuko ditu, besteak beste, eta European Film Forum  plataforma ere (Europa Creativa MEDIArekin koantulatua) hartuko du, sektorearen erronkei eta arazoei buruzko hausnarketa bultzatzen duena, hain zuzen.

WIP Latam eta WIP Europa egun berdinetan egingo dira (20an, 21ean eta 22an) Príncipe zinema-aretoetan. Aretoko emanaldiez gain, aukeratutako filmak streaming bidez ikusteko aukera izango da Zinemaldiaren Bideotekan (Cinando plataformaren bidez kudeatua), aretoko emanalditik aurrera eta hilaren 25era arte. Aurten, berrikuntza gisa, WIP Latam eta WIP Europako sarrerak erreserbatu egin beharko dira sarrerak erreserbatzeko prozesu orokorraren bidez, eta ezinbestekoa izango da, halaber, industriako akreditazioa erakustea aretora sartzeko.

Bestalde, Zinemaldia & Technology aurrez aurre egingo da ostegun goizean, hilaren 23an, Tabakalera-Kultura Garaikidearen Nazioarteko Zentroko Z Aretoan, eta streaming bidez jarraitu ahalko da Zinemaldiaren webgunearen bidez.

Lau Haizetara dokumentalen foroak pitching-saioa izango du hilaren 22an, goizean, San Telmo Museoko Ekitaldi Aretoan.

Industria Sailak Kursaalen izango du egoitza aurten ere. The Industry Club industria akreditaziodunaren topaketa eta lanerako gunea irailaren 17tik 25era egongo da zabalik, goizeko 9etatik arratsaldeko 20etara.

ZERBITZUAK

Gaurtik aurrera, industria akreditazioduna Industria Online gunera sartu ahalko da Zinemaldiaren webgunearen bidez, honako hauetarako: 

• WIP Latam eta WIP Europa sailetan hautatutako filmak ezagutzeko; hautaketa horiek Zinemaldiaren Bideotekaren bidez online ikusteko aukera egongo da, edo, bestela, Donostian bertan, aurrez aurre, sarrerak erreserbatu ondoren, sarrerak erreserbatzeko prozesu orokorraren bidez.

• Europa-Latinoamerika Koprodukzio Foroan eta Ikusmira Berriak programan hautatutako proiektuekin one-to-one hitzorduak hitzartzea.

* Sarbiderik ez baduzu, jarri harremanetan: industria@sansebastianfestival.com -rekin 

• Industriarekin lotutako jarduera guztietako agenda profesionala eta horietarako sarbidea ezagutzea.

• Orain arte konfirmatutako gainerako industria akreditazioduna ezagutzea eta bilaketa aurreratuak egitea egonaldi-egunen, jardueraren edo herrialdearen araber. Gainera, Focus on –aurten Georgiari buruzkoa–  eta Meet Them! ekimenetako akreditatuak ezagutzeko aukera.

• Zinemaldian hautatutako filmen kontaktuak ikustea eta, horien artean, Espainian salmenta-agenterik edo banaketarik ez dutenak.

• Pentsamendua eta Eztabaida ekimeneko jardueretara (European Film Forum, Elkarrizketak, masterclassak, etab.) eta Industriako jardueretan hautatutako proiektuen pitchingetara sartzea, bai eta Pitching Korner gune berrira ere, non 2deo serieak, Noka mentoring eta (H)emen proiektuetan hautatutako proiektuen aurkezpenak baitaude; Zinemaldia ekimena horien laguntzailea da.

** Ordu-eremuak: jardueren agendan eta "nire hitzorduak" eremuan adierazitako jarduera eta ekitaldi guztiak Madrilgo ordutegiaren araberakoak izango dira (UTC +2)

Ondorengoen babesarekin