Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
GEHITU Euskal Herriko gay, lesbiana, transexual eta bisexualen elkarteko kideez osatutako epaimahaiak bost film latinoamerikar izendatu ditu finalista, Donostia Zinemaldiaren 69. edizioan emango den IX. Sebastiane Latino saria irabazteko. Hauek dira sarirako hautatutako filmak:A primeira morte de Joana, El baile de los 41, Madalena, Medusa eta Nudo mixteco.
Lesbianen, gayen, transexualen eta bisexualen aldarrien eta balioen defentsa ondoen jasotzen duen Latinoamerikako film luzeari emango zaio saria. 2021ean bost zinemagilek kontinente osoan egiten den defentsa hori sinbolizatuko dute bi herrialdetatik datozen bi filmekin: bi Mexikotik eta beste hiru Brasildik.
"Bi herrialde horiek munduko abangoardian daude LGTBI kolektiboko pertsonen aldeko eskubideak lortzeari dagokionez, baina, aldi berean, gizarte zibiletik aurrerapen horiek iraultzeko ideien eta ekintzen laborategi bat ere badira, kolektibo horren aurkako indarkeria gauzatzen baita eta emakumeak segurtasunez bizitzeko otzanak izatera bultzatzen baitira lurralde horietan", adierazi du GEHITUk. Kolektiboak nabarmendu duenez, aurtengo hautaketan "emakume latinoek, jatorrizko herriek eta LGTBI kolektiboak elkarrekin erreakzionatzen dutelako islak daude, ikuskarazi egiten baitira nola LGTBI pertsonen memoria historikoa hala LGBTI pertsonek jatorrizko komunitateetan bizi duten errealitatea, eta, gainera, feminizidioak salatzen baitira, bereziki, emakume transen feminizidioak". Hori dela eta, GEHITUk eskerrak eman ditu "herrialde latinoak adibide nabarmengarria direlako gure aurkako indarkeria-boladari aurre egiteko emakumeek emandako erantzun bateratuari eta aniztasunari dagokienez".
2020an Sebastiane Latino Saria Clarisa Navasen Las Mil y una ekoizpen argentinarrak irabazi zuen, LGTBIQ+ akronimoaren errealitatea oso ondo islatzen baitu film horrek, maitasun lesbikoko istorio baten bidez. Filma Gipuzkoako hainbat herritan emango da Donostiako Zinemaldiaren aurreko egunetan, zuzendaria bertan dela.
Sariaren bederatzigarren edizioa izango da, eta abuztuan jakinaraziko da irabazlea. Deialdiaren bidez, GEHITUk Latinoamerikako LGTB+ zinema babesten jarraitzen du Donostia Zinemaldiaren esparruan. Zinemaldiaren 69. edizioan Sebastiane Latino saria ere emango da, eta haren arduradunek Iberoamerikako LGTBI Zinema Jaialdien VII. Topaketa antolatuko dute.
Joanak (13 urte) jakin nahi du zergatik hil zen izeba zaharra 70 urte zituela inorekin ibili gabe. Brasilgo hegoaldean duen komunitatearen balioei aurre egitean, Joana ohartuko da bere familiako emakume guztiek sekretu bat dutela, eta bere barnean ezkutatutako zerbait ere argitzen ari dela.
XIX. mendearen amaieran, Ignacio de la Torre Porfirio Díaz Mexikoko presidentearen alabarekin ezkondu da. Ignaziok bizitza bikoitza darama: politikaren mundu tradizionalean gora egin du, gay elkarte klandestino bateko kide den bitartean.
Luzianek, Cristianok eta Biancak ez dute ia elkarren antzik, denak soja zelaiez inguratutako Brasilgo mendebaldeko hiri berean bizi direla alde batera utzita. Elkar ezagutzen ez duten arren, hirurak minduta daude Madalenaren desagerpena dela-eta. Hiriko leku ezberdinetan, bakoitzak bere erara erreakzionatuko du bere absentziaren aurrean.
Tentazioari aurre egiteko, Marianak eta bere andregaiek ahal duten guztia egiten dute bere inguruan dauden gertaerak eta jendeak kontrolpean edukitzeko. Hala ere, iritsiko da oihu egiteko gogoa inoiz baino indartsuagoa izango den eguna.
Chabela, Maria eta Toña Mixteka euskualdeko hiri batean bizi dira, eta han beren sexualitateari aurre egin behar diote.
Astelehenetik ostiralera: 09:00 - 15:30