Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiko Bestelako Jarduerak sailean Verano Trippin film argentinarraren eta As the Water Flows eta Ashima film luze txinatarren emanaldiak izango dira, besteak beste. 1964ko azken film honen zaharberritzea Donostian proiektatuko da mundu-estreinaldi gisa.
OrcaFilmsek Verano Trippin aurkeztuko du, Morena Fernández Quinteros zinemagile argentinarraren lehen lana. Miranda de la Serna eta Zoe Hochbaum dira protagonistak, Lali Espósitoren partaidetza bereziarekin. Filmak Toni eta Lenaren istorioa kontatzen du, Patagoniako herriaren monotoniatik ihes egin eta mundua esploratzeko ametsa duten bi lagun banaezinen istorioa, hain zuzen. Bi emanalditan emango da Príncipe zinema-aretoetako 9.ean irailaren 25ean 14:30ean eta 26an 17:00etan.
Príncipe zinema-areto hartan bertan, hilaren 21ean (12:30ean), beste lehen lan bat emango da, As the Water Flows Bian Zhuo zuzendari txinatarrarena. Lan honekin lehen lan onenaren saria irabazi zuen egileak Shanghaiko Zinema-jaialdian, zehazki, Asiako talentu berrien sailean. Emaztea bat-batean hil ondoren lehengoratu nahi duen gizon bat da Shanghaiko Zinema-jaialdiarekin elkarlanean programatutako film luze honen protagonista. Donostia Zinemaldiak akordio bat sinatuko du Shanghaiko Zinema-jaialdiarekin aurtengo edizioan.
Azkenik, Donostia Zinemaldiak Ashimaren zaharberritzearen mundu-estreinaldia hartuko du. Qiong Liuk 1964an zuzendua, bi maitaleren istorio tragikoa kontatzen digu filmak. Pelikula –formatu panoramikoz eta soinu estereoz filmatutako koloretako lehen musikal txinatartzat jotzen dena– hilaren 26an (12:30ean) emango da Príncipe zinema-aretoetako 9.ean, Shanghai Film Technology Plant Co. Lt. eta L'Immagine Ritrovata taldeek zaharberritutako kopia batean.
Toni eta Lena lagun minak dira, eta Patagoniako herriaren monotoniatik ihes egin eta mundua esploratzea dute amets. Dirua biltzeko, marihuana saltzen hasiko dira. Abentura zirudiena arrisku- eta traizio-espiral bihurtuko da.
Emaztea bat-batean hil zitzaionean, Shu Wenek arazoak izan zituen lehengoratzeko. Urtebete geroago, harreman sentimental berri bati ekiteko aukera aztertu zuen, baina alabak ez zeuden ados. Horrek komunikatzeko aukera eman zion, eta Shu Wen iraganean familiatik kanpo egon zela konturatu zen.
2025ean, Shanghai Film Technology Plant Co., Ltd. talde L'Immagine Ritrovatarekin elkartu da Ashima (1964) zaharberritzeko. Yunnango sani herriaren (yi etniako azpitalde bat) poema narratibo herrikoi baten egokitzapena da film hau, eta bi maitaleren istorio tragikoa kontatzen du. Ashima Txinako Herri Errepublikaren sorreraren ondoren ekoitzitako koloretako eta pantaila panoramikoko lehen film musikala da.
Astelehenetik ostiralera: 09:00etatik 14:00etara eta 16:00etatik 19:00etara