Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
EITBren galak egoitza aldatu zuen aurten eta, lehen aldiz, atzo ospatu zen Belodromoan. Espazio pribilegiatu bihurtu zen Gipuzkoa Hegan proiektatzeko, Euskal Herria Hegan dokumental-sailaren lehen kapitulua, laster Euskal Telebistaren programazioan ikusi ahal izango dena. Ekoizpenak lurraldea airetik ezagutzeko gonbita egiten du, ikuspegi paisajistiko ikusgarriak erreferentzia historiko, geologiko eta kulturalekin uztartuz, kontakizuna aberastuz.
Aurkezpena esperientzia murgiltzaile bihurtu zen Fernando Velázquez konpositorearen jatorrizko musikaren zuzeneko interpretazioari esker. Nafarroako Orkestra Sinfonikoak, konpositore bera zuzendari zela, Arrasateko Goikobalu abesbatzak eta Olatz Salvador kantariak irudiei musikaren indarra gehitu zieten, zinema, telebista eta kontzertua ekitaldi bakarrean fusionatu zituen ikuskizuna sortuz.
EITBren eta Festibalaren arteko lankidetza ez da estreinaldi horretara mugatzen. Astean zehar, Belodromoak Go!azen telesailaren saio bikoitza ere hartuko du; bere hamabigarren denboraldiarekin itzuliko da, eta berriro ere bere ikusle leialenak bilduko ditu.
Edizio honetan, EITBk programatutako hogeita hemezortzi euskal ekoizpenetatik hogeita bostetan parte hartzen du, eta horrek agerian uzten du lurraldeko sorkuntza audiobisualaren eragile nagusi gisa duen papera. Zinemaldiaren esparruan, gainera, Euskal Herriko irrati-telebista publikoak bi hitzordu nabarmen izango ditu: irailaren 22an ospatuko den jardunaldi profesionala, “Telebistak eta plataformak gure zinemaren eragile”, eta irailaren 23an Victoria Eugenia antzokian egingo den Euskal Zinemaren Gala Handia.
P.D.
Astelehenetik ostegunera: 09:00etatik 15:30era
Ostiraletan, 10:00etatik 14:00etara