PROHIBIDO RECORDAR / DEBEKATUTA DAGO OROITZEA
Zuzendaria: Txaber Larreategi, Josu Martínez
ESTRENALDIAK
Urte asko igaro dira 1944an Saturrarango emakumeen kartzela itxi zutenetik. Memoria historikoa berreskuratzeko lan egiten ari den jendeari esker, pixkanaka, argitzen ari dira Gerra Zibileko puntu ilun asko. Hala ere, isiltasuna da nagusi oraindik. Artean, ahantzitako jende asko dago eta gauza ugari gogoratzeko...
AMERIKANUAK
Zuzendaria: Nacho Reig
ESTRENALDIAK
Amerikanuak dokumentalak Nevadako (AEB) Elko herrira joandako zenbait immigrante euskaldunen historia kontatuko digu. Funtsean, nostalgiari buruz hitz egingo digu, herrialde arrotz batean bizitza duina eramateko borrokari eta komunitate bateko kide sentitzeari buruz.
LA PLAZA DE LA MÚSICA (MUSIKA PLAZA)
Zuzendaria: Juan Miguel Gutiérrez
ESTRENALDIAK
“Duela gutxi halabeharrez jakin nuen gure ama amianto hautsa arnasteagatik hil zela. Hautsa egiten zuen fabrika bizi ginen etxetik hurbil zegoen. Aurkikuntza kolpe handia izan zen niretzat, eta ondorioz, nire bihotzaren barru-barrutik Indiako hondartzetarainoko bidaia egitera eraman ninduen; hantxe desegiten dituzte gaur egun barruan duten amiantoaren beldurragatik Europan inork desegin nahi ez dituen ontziak”. (Juan Miguel Gutiérrez). Juan Miguel Gutiérrezek bosgarren aldiz parte hartuko du Zinemaldian.
SAGARREN DENBORA. 25 URTE DESERRITIK ITZULTZEN
Zuzendaria: Josu Martínez eta Txaber Larreategi
ESTRENALDIAK
Kristiane Etxaluz zuberotarra eta Alfonso Etxegarai bizkaitarra ez dira bikote arrunta. Gaztetatik euskal independentismoarekiko konpromisoa izan dute, eta beren maitasuna 7.000 km-ko distantziarekin bizi behar izan dute ondorioz, Alfonso Afrikako irla txiki batean erbesteratuta baitago. Nolanahi ere, erbestea gorabehera, beren begiradak Bidasoako herrialdean jarrita dituzte, eta beren bihotzak sagarren denboran; oraindik iristear dagoen sagarren denboran.
TTAUP, TTAUP! Arraun kolpeka
Zuzendaria: Eneko Dorronsoro
ESTRENALDIAK
Zumaia, kostaldeko herria. 2007ko negua arraun elkartean. Traineru denboraldia udan jokatzen da, baina prestaketak hasiak dira dagoeneko. Entrenamendu gogorrak, konpetentzia, deskarteak. Guztiak traineru berean. Hamahiru arraunlari, bakoitza bere itxaropenekin, bere kezkekin eta bere ilusioarekin. Denboraren distantziatik atzera begira, traineruak itsasoan utzitako arrastoa da dokumental hau. 2007ko denboraldi hartan Zumaiako arraunlariekin bizitakoa. Entrenamenduz entrenamendu, estropadaz estropada... TTAUP, TTAUP! Arraun kolpeka.
80 EGUNEAN
Zuzendaria: Jon Garaño, Jose Mari Goenaga
URTEKO EKOIZPENAK
Axunek 70 urte ditu eta ospitalean dago bere alabaren senar ohia zaintzeko. Sorpresa handia hartuko du aldameneko gaixoa zaintzen ari den emakumea gazte denborako lagun Maite dela konturatzean. Laster ikusiko dute bien arteko kimika ez dela aldatu, duela 50 urte bezalaxe jarraitzen duela. Biak dibertituko dira eta berriz elkar aurkitu izanaz gozatuko dute, Axunek Maite lesbiana dela jakiten duen arte. Axunek kontrajarritako bi sentimenduri egin beharko die aurre: Nori entzun? Bihotzari ala buruari?
MUGALDEKOAK
Zuzendaria: Fernando Bernués eta Mireia Gabilondo
URTEKO EKOIZPENAK
Mugaldekoak 40ko hamarkadako lehenengo urteetan dago girotua, mugaren alde honetan Gerra Zibilaren zauriak oraindik irekita zeuden eta bestaldean Alemaniako armadaren okupaziopean bizi ziren garaian. Comète Sarea da ardatz nagusia, Bigarren Mundu Gerran Nafarroako mugan kokaturiko fenomenoa: etsaiaren lurraldean eroritako hegazkinlari ingelesen ebakuazio klandestinoa. Hegazkinlariak Alemaniako armadaren lerroetatik Ingalaterraraino eramaten zituzten, Frantziaren eta Espainiaren arteko pasabide arriskutsua zeharkatuz, kontrabandoaren ohiko bideetatik. Sareak nazioarteko partaideak zituen: ingelesak, frantsesak, belgikarrak eta, batez ere, euskaldunak. Gerraondo giro horretan, herri baten eta bertako familien bizitza pribatuen historiak ere ezagutuko ditugu: maitasuna, gorrotoa, leialtasuna, traizioa, sekretuak, gezurrak, aitorpenak, aurkikuntzak, eta abar... Zuzendariek 2006an Zabaltegi–Zuzendari Berriak sailean parte hartu zuten Kutsidazu bidea, Ixabel filmearekin.
SIMPLEMENTE
Zuzendaria: Jon Andueza
URTEKO EKOIZPENAK
“Despertar los sentidos” dantza-taldeko artistek ideia oso berezia izan dute: Oriñóngo hondartzan ikuskizun bat antolatzea. Ez da erronka erraza, aurretik ez baitituzte inoiz beren koreografiak aire zabalean egin. Hitzordu garrantzitsua baino egun batzuk lehenago, taldekideak herrira iritsiko dira. Alde batetik, gogor entseatuko dute hondartzan bertan. Eta beharrezko baimenak kudeatuko dituzte. Eta bidean aurkitutako zailtasun teknikoak konponduko dituzte. Eta, bestetik, beren lagunekin kostaldean oporrez gozatzeko aprobetxatuko dute. Bi kamera izango dira egonaldi osoaren lekuko, taldearen bizikidetza filmatuko dute, haien artean gertatzen den guztia eta inguruko pertsonekin gertatzen den guztia... Eta kamera horiek bertan izango dira ikuskizunaren egunean, ekimen bitxi honen arrakastaren edo porrotaren berri emateko.
Liu Hao zuzendariaren ''Addicted to Love'', KIM JEE-WOON zuzendariaren ''Akma-reul Bo-at-da / I Saw the Devil'', eta Sophie Heldman zuzendariaren opera prima, ''Satte Farben vor Schwarz'', ere Sail Ofizialean izango dira.
Holy Night! (Holy Night! Noche de ¿paz?) eta Despicable Me (Gru, mi villano favorito) dira Belodromoko pantaila erraldoian proiektatuko diren 3D-ko animaziozko bi film luzeak.
90.000 euroko Kutxa-Zuzendari Berriak saria irabazteko lehiatuko dira
Elena Trapé zuzendariaren 'Blog' eta Mikel Ruedaren 'Izarren Argia' dira sailean parte hartuko duten film espainiarrak
Urrezko Maskorra jasotzeko José María de Orbe (Aita), Judith Colell eta Jordi Cadena (Elisa K), Oscar Aibar (El Gran Vázquez) eta Agustí Villaronga (Pa Negre) zuzendarien film berriak lehiatuko dira.
Zinemaldiaren hornitzaile bazara eta web ofizialean ere agertu nahi baduzu hemen klikatu ezazu.
