"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Orlando Bloom aktoreak Donostia Zinemaldian izango dela baieztatu du, Savage Cinema saileko filmetako bat mundu osorako estreinaldia aurkezteko: Arthur De Kersauson eta Clément Beauvaisek zuzendutako The Greasy Hands Preachers filma irailaren 26an aurkeztuko dute, 24:00etan, Kursaaleko ganbera-aretoan (K2). Aktorea filmeko ekoizle exekutiboa da.
Bloomekin batera izango dira filmeko protagonistak ere, beren moto ikusgarri eta guzti: El Solitario, Julian Heppekausen de Deus, Roland Sands, Fred Jouden eta Hugo Hezegabel, Blitz Motorcyles-ekoa.
Filma Antzoki Nagusian ere emango dute bigarrenez, larunbatean, 18:30ean.