72 Donostia Zinemaldia - 2024ko irailak 20/28
71SSIFF - 2023ko irailak 22/30
Babesle
Ofiziala
Ofiziala
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Horizontes Latinos
Filmak
Filmak
Horizontes Latinos
Horizontes Latinos
Fellipe Barbosa
Brasil
112 min.
Rio de Janeiroko elite sozialaren munduan girotutako istorio bat da, gehiegi babesten duten gurasoengandik ihes egin nahian dabilen nerabe bati eta bitartean sosik gabe gelditzen den familiari buruzkoa. Fellipe Barbosa brasildarraren bigarren pelikula hau Rotterdameko zinema-jaialdiko Sail Ofizialean lehiatu zen.
Matías Lucchesi
Argentina - Frantzia
71 min.
Berlingo zinema-jaialdiko Generation sailean aurkeztu zuten filma, Matías Lucchesiren lehenengo pelikula, eta Guadalajarako zinema-jaialdian Iberoamerikako pelikula onenaren saria irabazi zuen. Emakume bihurtzear dagoela benetako nortasuna ezagutzeko beharra sentituko duen neska bat da protagonista. Ez daki nor den bere aita, baina aurkitzeko asmoa dauka.
Martín Rejtman
Argentina - Txile - Herbehereak - Alemania
104 min.
Martín Rejtman zinemagile argentinarra Locarnoko zinema-jaialdian lehiatu zen bere pelikula berriarekin. Goizalde batean, 16 urteko nerabe batek, Marianok, etxean errebolber bat aurkituko du, eta pentsatu gabe, bere buruari bi tiro botako dizkio. Bizirik irtengo da. Marianok eta bere familiak egoera horren aurrean izango duten erreakzioari buruzko istorioa da Dos disparos.
Franco Lolli
Frantzia - Kolonbia
86 min.
Franco Lollik, bere film laburrek nazioarteko zinema-jaialdi batzuetan sariak jaso ondoren, egin duen lehenengo film luzea da. Canneseko Kritikaren Astean aurkeztu zuen. Hamar urteko Eric haurra, gauetik goizera, ozta-ozta ezagutzen duen Gabriel aitarekin bizitzera joango da. María Isabelek, Gabriel arotz gisa kontratatuta daukan emakumeak, laguntzea erabakiko du eta bere landetxera gonbidatuko ditu, Gabonak berarekin pasatzera. Baina ez ditu haurra bere zaintzapean izatearen ondorioak igarriko.
Alonso Ruizpalacios
Mexiko
106 min.
Zinema-ibilbidearen hasierako road movie-a eta komedia da, Frantziako Uhin Berriaren omenezkoa. Berlingo zinema-jaialdiko Panorama sailean opera prima onenaren saria irabazi zuen; Tribecako zinema-jaialdian, aldiz, argazki onenaren saria eta epaimahaiaren aipamen bat. Tomás nerabearekin moldatzea zaila bihurtu denez, amak Mexiko Hirian ikasten ari den anaia nagusiarekin bizitzera bidaliko du. Tomásek Epigmenio Cruzen kasete bat eraman du, aitarengandik oinordetzan hartua. Hirukoteak bere idoloa ospitale batean hilzorian eta bakarrik dagoela jakitean, auto herdoildua hartzea eta rock izar zaharrari begirunea adieraztera joatea erabakiko du.
Benjamín Naishtat
Argentina - Frantzia - Alemania - Uruguai - Qatar
79 min.
Donostia Zinemaldiko Zinema Eraikitzen saileko iazko edizioan parte hartu ondoren, Benjamín Naishtaten lehenengo filma Berlingo zinema-jaialdian lehiatu zen eta Jeonjuko zinema-jaialdian pelikula onenaren saria eman zioten. Beroaldi batek auzo pobre bat estutzean, itzalaldien eta kutsadura-boladen eraginez, gizarte-ordena hausteko zorian egongo da eta biztanleak beren zergatiei, senei eta beldurrei aurre egitera behartuko ditu egoera horrek.
Zinema Eraikitzen 24
Lisandro Alonso
Argentina - AEB - Mexiko - Herbehereak - Frantzia - Danimarka - Alemania
108 min.
Viggo Mortensen da Lisandro Alonsoren film honetako protagonista. Filma Canneseko zinema-jaialdiko Un Certain Regard sailean lehiatu zen eta FIPRESCI saria irabazi zuen. 1882an, Dinesen kapitaina Danimarkatik Patagoniara iritsiko da, hamabost urteko Ingeborg alabarekin batera, Argentinako armadarentzat ingeniaritzako lan bat egiteko. Ingeborgek soldadu gazte batez maitemindu eta harekin ihes egin ondoren, kapitaina etsaien lurraldera joango da, bikotea bilatzera. Bakarkako bilaketa izango da, denboratik haratagokoa.
Alejandro Fernández Almendras
Txile - Frantzia
82 min.
Alejandro Fernández Almendras txiletarraren hirugarren pelikula honek Zinema Eraikitzen saileko iazko edizioan parte hartu zuen, eta ondoren, nazioarteko hainbat zinema-jaialditan saritu dute, besteak beste, Sundancekoan eta Rotterdamekoan. Jorge langile xumearen istorioa kontatzen du. Bizilagun gaizkile batek, Kalulek, lapurreta egingo dio. Kalulek Jorgeren semeari tiro egingo dio, aita defendatu nahian dabilela, eta espetxe-zigorra ezarriko diote. Baina aske geratzean, gauza bakarra bilatuko du Kalulek: mendekua.
Zinema Eraikitzen 24
Karim Aïnouz
Brasil - Alemania
107 min.
Karim Aïnouzek zuzendutako maitasunezko istorio hau Berlingo zinema-jaialdiko Sail Ofizialean lehiatu zen. Donatok sorosle gisa lan egiten du, Praia do Futuro ikusgarria –eta aldi berean, arriskutsua– patruilatzen. Itsasora korronteak harrapatutako bi gizon salbatzera sartzean, Brasilen oporretan dagoen Konrad alemaniarra erreskatatzea lortuko du, baina haren bidaidea ito egingo da. Gorpua azalera ateratzearen zain dauden bitartean, Donatoren eta Konraden artean lotura estu bat sortuko da eta lehenengo sexu-kontuek lotura sakonago eta emozionalago bati bidea emango diote. Sebastiane Latinoa saria irabazi zuen.
Matías Piñeiro
Argentina
70 min.
Matías Piñeirok berriz ere antzerkiaren munduari buruzko gogoeta egin du film honetan eta Locarnoko zinema-jaialdiko Sail Ofizialean lehiatu da. Aita Mexikon hil eta urte batera, Victor Buenos Airesera itzuliko da, bere antzerki-talde ohiarentzako lan batekin: irratirako antzezlan sorta bat egitea, Latinoamerikarako, elkarrekin egin zuten azken laneko atal pilotua grabatuta.
Diego Lerman
Argentina - Kolonbia - Frantzia - Polonia - Alemania
93 min.
Diego Lermanen film berria Canneseko Errealizadoreen Hamabostaldian aurkeztu zuten. Matías zazpi urteko haurrak, urtebetetze jai batetik etxera bueltatzean, ama, Laura, lurrean konorterik gabe aurkitzean hasten da istorioa. Laurak kordea berreskuratutakoan, semearekin batera tratu txarrak jaso dituzten emakumeentzako aterpe batera ihes egitea erabakiko du. Matíasen begien bitartez, ihesaldia ikusiko dugu eta berak ezagutzen zuen guztia arriskutsu bihurtzen, Laurak bizitoki seguru bat bilatzen duen bitartean.
Juan Martín Hsu
Argentina - Espainia
88 min.
Iazko Zinemaldian, Zinema Eraikitzen saileko Industriaren Saria irabazi zuen film honek. Argentinan etorkin berriek bizi duten esperientziaren inguruko mosaiko bat da. Bakardadearen eta deserrotzearen aurka borrokatzen diren hainbat arrazatako pertsonaiei buruzko hiru istorio dira, «La Salada» azokaren inguruan kokatuak.
Zinema Eraikitzen 24
Celina Murga
Argentina - Alemania - Herbehereak
92 min.
Celina Murga zuzendari argentinarra Berlingo zinema-jaialdiko Sail Ofizialean lehiatu zen pelikula honekin. Protagonista Nicolás da, probintzia-hiri txiki batean amarekin eta anaia txikiekin bizi den hamazazpi urteko gaztetxoa. Beste familia bat osatu duen aita berriz ere bere bizitzan agertzean, bien artean tirabirak sortuko dira. Nicolás etorkizunera begirako muturreko erabakiak hartu behar dituela konturatuko da.
Gabriel Mascaro
Brasil
77 min.
Brasilgo kostaldeko herrixka batera alisio haizeak erregistratu nahi dituen ikertzaile bat iristearen eta aurkikuntza harrigarri baten ondorioz, Shirleyk eta Jeisonek bizitzaren eta heriotzaren, memoriaren eta ahanzturaren, haizearen eta itsasoaren arteko duelu bati aurre egitera bultzatuko dituen bidaia bat egingo dute. Gabriel Mascaróren lehenengo pelikula da. Locarnoko zinema-jaialdian aipamen berezi bat jaso zuen.
Babesle Ofiziala 
Media Partner 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostegunera: 09:00 - 15:00.
Ostiraletan: 10:00 - 14:00
Astelehenetik ostegunera: 09:00 - 15:00.
Ostiraletan: 10:00 - 14:00
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.