72 Donostia Zinemaldia - 2024ko irailak 20/28
71SSIFF - 2023ko irailak 22/30
Babesle
Ofiziala
Ofiziala
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Japoniako zinema independente berria 2000-2015
Filmak
Filmak
Japoniako zinema independente berria 2000-2015
Japoniako zinema independente berria 2000-2015
Nobuhiro Suwa
Japonia
2001
111 min.
Zinemagile japoniar garaikideen artean, Nobuhiro Suwa Europako kultura gehien miresten dutenetakoa da. Iragana berreskuratzeko ahalmen(ez)ari buruzko saiakera-film bat proposatzen du, dokumentalaren eta fikzioaren arteko erdibidean, Frantziako zinemako klasiko baten remake zail baten bitartez: Hiroshima mon amour.
Pia Corporation / Flamingo Inc. / Beam Entertainment Corporation
© Pia Corporation / Flamingo Inc. / Beam Entertainment Corporation
Kazuyoshi Kumakiri
Japonia
2001
127 min.
Kazuyoshi Kumakiri zinemagilearen bigarren filma Berlineko zinema-jaialdiaren Forum sailean aurkeztu zuten, 2001ean. Kontakizun fina da, munduarekin apenas harremana izan duen gazte bakarti baten eta dagoeneko gehiegi ikusi duen neska baten artean ezarriko den ustekabeko harremanari buruzkoa.
PFF Partners
© PFF Partners
Lee Sang-il
Japonia
2002
118 min.
Jatorri korearreko Sang-il Lee errealizadore japoniarraren lehen filma gaur egungo Japoniari buruzko fresko bat da, hiru pertsonaiaren bizipen gurutzatuen bitartez marraztua; adin desberdinekoak dira hirurak, baina denak etsi eginak daude, bakardadeak eta zori gaiztoak markatuak.
Shinya Tsukamoto
Japonia
2002
77 min.
Tetsuo (1989) film zirraragarriari esker nazioartean ospetsu bihurtu ondoren, Shinya Tsukamoto berriz murgildu zen bere atmosfera klaustrofobiko eta obsesiboan, erotismoz, erruz eta pasioz betetako fabula bat kontatzeko: gizon misteriotsu bat ezkondutako emakume bati jazartzen hasiko da.
Kiyoshi Kurosawa
Japonia
2003
92 min.
Kiyoshi Kurosawa zinemagile ospetsua bere alegiazko filmek ezagutarazi badute ere, Canneseko zinema-jaialdian film errealista honekin lehiatu zen. Kronika sotil bat da, gazte japoniarren nahasmenduari eta erreferentzia-puntuak galdu dituen gizarte baten nora ezari buruzkoa.
No One's Ark 2002 Midnight Child Theater/PLANET studyo+1 *studyo is not an error.
© No One's Ark 2002 Midnight Child Theater/PLANET studyo+1 *studyo is not an error.
Nobuhiro Yamashita
Japonia
2003
111 min.
Japoniako «burbuila ekonomikoa»ren satira garratza, komedia minimalista baten moldean. Daisuke eta Hisako zorrez lepo geratu dira zorigaiztoko negozio baten ondorioz eta urrutiko irla batean bizitza berri bat hastea erabakiko dute. Baina komunitate horretan, bizitza ez da haiek uste bezain idilikoa izango. 2003ko Rotterdameko zinema-jaialdirako hautatutako pelikula.
Ryuichi Hiroki
Japonia
2003
95 min.
Emakume baten erretratu hunkibera da: mundutik isolatuta dagoen emakume bat du protagonista, inoiz erantzuten ez duen telefono mugikor baten bibrazioa besterik sentitu ezin duena. Hala ere, ezezagun batekin halabeharrez aurkitu, eta bere emozioak eta sexualitatea aurkitzeko bidaia bati ekingo dio.
'Canary' Film Partners
© 'Canary' Film Partners
Akihiko Shiota
Japonia
2004
132 min.
Aum sektak 1995ean Tokioko metroan egindako atentatua harturik oinarri, Akihiko Shiota erlijio-kultuen gizarte-fenomenoa ikertzen saiatzen da, parabola baten bitartez. Efektismoak bazterturik, trebezia bereziarekin kontatzen du haurtzaro osoa sekta batean eman, eta orain munduari aurre egin beharko dion haur baten istorioa.
Go Shibata
Japonia
2004
83 min.
Sumida Masakiyo aktore desgaitua da kontakizun honetako protagonista; kontakizun ankerra, komikoa eta ironikoa, baina betiere izugarri gizatiarra: Sumida, funtzio motorra mugatua duen gazte bat, zaintza-lanetarako bere burua boluntario eskaini duen ikasle batekin maitemindu da; neskari, ordea, Sumidaren lagunik onena gustatzen zaio. Rotterdameko zinema-jaialdian aurkeztua, 2005ean.
Izumi Takahashi
Japonia
2005
90 min.
Film onenaren sariaren irabazlea Pia zinema-jaialdian (Japoniako zinema independentearen paradisuan), Izumi Takahashiren lehen filma bikote baten harremanaren desegitearen kronika klaustrofobikoa da. Modu enpatiko bezain errukigabean filmatua, zorroztasunez eta sentikortasunez.
Masahiro Kobayashi
Japonia
2005
82 min.
Masahiro Kobayashi gertakari erreal batean oinarritu zen Canneseko zinema-jaialdian lehiatutako film hau egiteko: terrorista islamiarrek Nahoko Takato aktibista bahitu zutenekoa. Hala ere, benetan, Japoniako gizartearen intrantsigentzia da filmaren gaia, bai eta nola epaitu zuten Takato bahiketatik onik ateratze hutsagatik ere.
PFF Partners
© PFF Partners
Kenji Uchida
Japonia
2005
98 min.
Kenji Uchidak Gazte Kritikaren Saria irabazi zuen Canneseko zinema-jaialdian, pertsonaia desberdinen ikuspuntutik kontatutako komedia erromantiko burutsu honi esker. Maitasun-istorio bat, gero eta gehiago konplikatzen dena, bizitza ez delako inoiz filmak bezain erraza.
Naomi Kawase
Japonia - Frantzia
2006
40 min.
Film ertaina
Dokumental autobiografiko gordin eta zinezkoa; Japoniako zuzendari ospetsuenetako bat den Naomi Kawasek bizitzaren eta heriotzaren zikloei buruzko gogoeta bat egiten du, bere amona zaharraren eta bere seme jaioberriaren bitartez.
Nami Iguchi
Japonia
2007
137 min.
Matsuyama Kenichi Japoniako zinema-izar gaztea da kontakizun honen protagonista: bera baino hogei urte zaharragoa den irakaslearekin harreman bat hasten duen ikasle baten sexu-grinari eta nahasketa sentimentalari buruzko kontaketa bat da. Nami Iguchi zuzendariak urruntasun klinikoz begiratzen du amodio-istorioa, zehazkiago jasotzeko istorioaren ñabardura ugariak.
Koji Wakamatsu
Japonia
2007
190 min.
Japoniako Armada Gorria 70eko hamarkadako talde terrorista aktibo eta beldurgarrienetako bat izan zen. Koji Wakamatsu zinemagile beteranoak, 72 urte zituenean, berak ondo ezagututako talde armatu horren historia kontatzeko lanari heldu zion. Artxiboko metrajea eta aktoreen antzezpenak elkartuz egin zuen Japoniako historia garaikidearen pasarte horri buruzko kronika zorrotz hau.
PFF Partners
© PFF Partners
Hiromasa Hirosue
Japonia
2007
114 min.
Eskoletako eta institutuetako bullying-a gaur egungo gizarte japoniarrean kezka sortzen duten puri-puriko gaietako bat da. Hiromasa Hirosue aktore eta zuzendaria Rotterdameko zinema-jaialdian lehiatu zen film honekin: efektismotik ihesi heltzen dio gaiari, gizarte-fenomeno gaitzesgarri honetako biktimengana umiltasunez eta begirunez hurbildurik.
SAD VACATION (c)2007 SAD VACATION Film Partners
© SAD VACATION (c)2007 SAD VACATION Film Partners
Shinji Aoyama
Japonia
2007
136 min.
Veneziako zinema-jaialdian aurkeztutako film honetan, Shinji Aoyamak, 90eko hamarkadako zinemagile japoniarren mugimendu berriaren ordezkari nabarmenetakoak, familia-harremanen izaeraren inguruan hausnartzen du. Protagonistak, Kenji gazteak, familia sortu du bere aldetik, baina haurtzaroan bertan behera utzi zuen amarekin topo egiteak auzitan jarriko dio guztia.
Sion Sono
Japonia
2008
237 min.
Ziur aski, Sion Sono gaur egungo zuzendari japoniar muturrekoena da, eta aurretik zer egingo duen jakiteko zailenetakoa. Askoren ustez, haren maisu-lana da Berlineko zinema-jaialdian saritutako film hau: ñabardura epikoak dituen amodio-istorio bat, berebiziko metraje baten bidez garatua, non denetarik sartzen baita: artea, erlijioa, sexua, familia eta xelebrekeria-katalogo oso bat.
Ryusuke Hamaguchi
Japonia
2008
115 min.
Ryusuke Hamaguchi Donostia Zinemaldiko Zuzendari Berriak sailean lehiatu zen, 2008an, bere lehen filmarekin. Zinema independentearen joera garbienean egindako filma da: harremanen gaineko azterketa zorrotza, desleialtasunak ilunduta ezkontzear dagoen bikote bati buruzko kontakizun baten bitartez.
Mental 2008 Laboratory X, Inc
© Mental 2008 Laboratory X, Inc
Kazuhiro Soda
Japonia
2008
135 min.
Film honekin, Kazuhiro Soda dokumentalgile entzutetsuak Japoniako gizarteko tabu garrantzitsu bat hausten du: buru-gaixotasunen arazoaren inguruan hitz egiteko duten errezeloa. Hilabete batean Okayamako ospitale psikiatrikoan filmatua, Berlineko zinema-jaialdian aurkeztutako dokumental honek xeheki behatzen du joera suiziden eta gizartearekiko beldurraren biktima den paziente-talde baten egunerokotasuna.
Isao Yukisada
Japonia
2009
118 min.
Berlineko zinema-jaialdian aurkeztutako film hau lau pisukideri buruzko azterketa zorrotz bat da. Haien bizitzak errutinazkoa eta lasaia dirudi, harik eta bosgarren bat iritsi, eta bizi diren sistemaren hauskortasuna agerian uzten duen arte. Nor da etxeko bosgarren pisukidea? Bera ote da auzoan dabilen serie-hiltzailea?
Mariko Tetsuya
Japonia
2009
106 min.
«Yellow Kid» Amerikako komiki pertsonaia ospetsu bat izan zen. XXI. mendean, manga artista japoniar batek bizi berria emango dio: kaleko mutil bat boxeolari bihurtuko da, eta, horrekin batera, gizarteak baztertutakoen heroi. Baina, gazte batek bere ametsak betetzeko pertsonaia hori hartzen duenean inspirazio gisa, errealitatearen eta itxaropenaren arteko aldea oso mingarria gerta daiteke. Rotterdameko 2010eko zinema-jaialdirako hautatutako pelikula.
Nobuteru Uchida
Japonia
2010
92 min.
Lau pertsonaren arteko harreman sentimental konplexuei buruzko ganbera-pieza, hainbat asteburutan zehar filmatua, bigarren eskuko auto baten prezioaren pareko aurrekontuarekin eta aktoreek beren elkarrizketak inprobisatuz. Film harrigarria da, mugatua badirudi ere, eta 2011ko Rotterdameko zinema-jaialdian lehiatu zen.
Takahisa Zeze
Japonia
2010
278 min.
Takahisa Zeze kultuko zuzendari bihurtu da Japoniako zinema independentean. Ziur aski, hau da haren film handinahiena; Berlineko zinema-jaialdian aurkeztu zuten, 2011n. Gaur egungo gizarte japoniarraren fresko zorrotza, non mendekuak, adulterioak, zekenkeriak, maitasunak eta libre geratzeko beharrak mindu dituen pertsonaia batzuen istorioak gurutzatzen baitira.
PFF Partners
© PFF Partners
Yuya Ishii
Japonia
2010
112 min.
Sawako bai lanean bai maitasunean krisian dagoen emakume bat da. Sorterrira itzuliko da, familiaren negozioaren ardura hartzeko. Emakume baten erretratu zoragarria, samurtasunez eta umorez josia, eta Hikari Mitsushima aktore protagonistaren lan bikainean bermatua. Film hau Tokioko Pia film-jaialdian aurkeztu zuten, 2009an.
Katsuya Tomita
Japonia
2011
162 min.
Izaera oso desberdineko bi gizonen arteko laguntasun-istorio baten bitartez, etorkin brasildar-japoniarren komunitatean murgilduko gara: haien sentimendu kontraesankorretan, hip hop-aren bitartez adierazteko moduan. Baina, horrez gainera, Japoniako zineman gutxitan erakusten den proletarioen munduan barneratuko gara. Locarnoko 2011ko zinema-jaialdian lehiatutako pelikula.
Yuki Tanada
Japonia
2012
141 min.
Yuki Tanadaren film hau Japoniako literatura erotiko berriaren errebelazio handietako baten, Misumi Kuboren, best-sellerraren egokitzapen bat da. Hainbat pertsonaiak aspertze, frustrazio, bakardade eta etsipenari aurre egin nahian sexuarekin eta sentimenduekin dituzten harremanak aztertzen ditu filmak.
The Kirishima Thing ©2012 "Kirishima" Film Club ©Ryo Asai / SHUEISHA
© The Kirishima Thing ©2012 "Kirishima" Film Club ©Ryo Asai / SHUEISHA
Daihachi Yoshida
Japonia
2012
103 min.
Beti irudimentsua den Daihachi Yoshidaren film honek gertakari bat kontatzen du, ikuspuntu desberdinetatik, Rashomon filmaren high school estiloko bertsio bat balitz bezala: Kirishima, boleibol klubeko izarra, desagertu egin da eta institutuko hierarkia-egitura kolokan dago. Freak komediaren eta nerabe-pentsamoldearen labirintoetan murgiltzearen artean dabilen enigma.
Toshi Fujiwara
Japonia
2012
103 min.
Toshi Fujiwara zinemagilea Fukushimako instalazio nuklearraren inguruko 20 kilometroko segurtasun-eremuan sartuko da. Inguruak ebakuatzeko agindua noiz gauzatuko zain dauden biztanleekin hitz egin eta haien lekukotasunak jasoko ditu: atzean uzten duten iraganari eginiko eskaintza eta etorkizunari buruzko zalantzak. Berlineko zinema-jaialdirako hautatutako dokumentala.
Atsushi Funahashi
Japonia
2012
120 min.
Proletario japoniarren munduan girotutako drama iluna. Mundu gogorra, beti baitago industria-guneen atzeko botere ekonomikoen azpijokoen mende. Berlineko zinema-jaialdian aurkeztutako film honen oinarria lan-istripu batean senarra galduko duen emakume baten kontakizuna da. Filmak Japoniako 50eko eta 60ko hamarkadetako zinemako klasiko handien arrastoari jarraitzen dio.
Koji Fukada
Japonia
2013
125 min.
Koji Fukadak Eric Rohmer-en zinemari omenaldi bat egiten dio ipuin honekin. Leuntasun zoragarriz, gazte baten suspertzeari jarraituko dio; unibertsitatean sartu aurretik, neska bat kostaldeko hiri lasai batera joango da, uda izebarekin igarotzera. Zentzumenen plazerari eskainitako film bat, batetik, baina baita bizitzaren bidean zain ditugun desilusio eta oinazeei buruzko gogoeta bat ere, bestetik.
Tetsuichiro Tsuta
Japonia
2013
169 min.
Japonia hegoaldeko Iya eskualdean, paisaia ikusgarri artean filmatua, alegia poetiko bat da film hau: gizon bat hiri handiko mugimendutik ihesi doa, baina konturatuko da gaur egungo bizimoduak natura mehatxatzen duela. Tetsuichiro Tsutak 28 urterekin filmatu zuen lan jakintsu eta heldu hau, eta Japoniako zinemako maisu handien lanarekin alderatu dute filma.
Sabu
Japonia
2013
85 min.
Japoniako 90eko hamarkadako errebelazio handietako batek, Sabuk, bere omenaldi berezia egiten die izu-zinemako klasikoei, zuri-beltzeko fantasia honekin. Etorkizuneko Japonia bati buruzkoa da: zonbiak otzandu dituzte, eta mirabe gisa zerbitzatzen dute. Baina, izu-zinema hutsetik harago, Sabuk gizarte-satira makabro eta aztoratzaile bat egin du.
Mipo Oh
Japonia
2014
120 min.
Mipo Oh Japoniako zinema garaikideko gidoilari eta errealizadore aipagarrienetako bat da. Bigarren pelikula du hau, eta aparteko sotiltasunez kontatzen du maitasun-istorio eder eta mingarri bat, gizarte baten hondakinen artean, itxaropen oro ezinezkoa dirudien toki batean.
Makoto Shinozaki
Japonia
2014
94 min.
Fukushimako hondamendiak dokumental ugari eman ditu azken urteotan. Ikuspuntu desberdinetatik heltzen diote gaiari. Baina Makoto Shinozakik nahiago izan du fikzioa erabili fantasiazko elementuak dituen fabula honetan, non bi emakume, psikologia irakasle bat eta haren ikaslea, gaur egungo gizarte japoniarraren trauma handienari aurre egiten saiatzen baitira.
Babesle Ofiziala 
Media Partner 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostegunera: 09:00 - 15:00.
Ostiraletan: 10:00 - 14:00
Astelehenetik ostegunera: 09:00 - 15:00.
Ostiraletan: 10:00 - 14:00
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.