Deskonektatu 
Ofizialak
ZINEMALDIA STARTUP CHALLENGE enpresa-proiektuen lehiaketa bat da. Ikus-entzunezkoen esparruan teknologia berriak ezartzean oinarritutako ekintzailetza-proiektu berriak sortzearen eta horiek Euskadin garatzearen aldeko apustua egiten duen ekimen publiko-pribatu bat.
Zinemaldia Startup Challenge Zinemaldia & Technologyren bigarren edizioko jarduera nagusia da. Ekimena bera Donostia Zinemaldiak, Tecnaliak, Tabakalerak eta Petronorrek antolatu dute, Europa Creativa MEDIAren eta Vicomtech ikerketa aplikatuko zentroaren laguntzaz.
Zinemaldia & Technology Donostia Zinemaldiak ikus-entzunezko teknologiaz eta industriaz hausnartzeko erreferentziazko gune bihurtzeko asmoz egindako apustu estrategikoa da.
KONTAKTUA:
startupchallenge@sansebastianfestival.com
FAQ - Zinemaldia Startup Challenge
Zinemaldia Startup Challenge
Teknologia berrietan oinarritutako ikus-entzunezko enpresa-proiektu berriak proposatzen dituzten ekintzaileei eta startup sortu berriei zuzenduta dago lehiaketa.
Startupek honako baldintza hauek bete behar dituzte:
- Ikus-entzunezkoen esparruan teknologia berriak aplikatzean oinarritutako irtenbideak izatea.
- 2016/12/31ren ondoren eratua izatea, Europako herrialderen batean.
- Proiektua Euskadin garatu eta martxan jartzeko asmoa izatea.
Ekintzaileek honako baldintza hauek bete behar dituzte:
- 2018/12/31n 18 urte edo gehiago izatea.
- Europako herrialderen batean legezko bizilekua izatea.
- Euskal Autonomia Erkidegoan enpresa-proiektu bat garatu eta martxan jartzeko asmoa izatea.
- Startupek online formulario baten bidez eman behar dute izena. Formulario hori Zinemaldiaren webgunean dago
- Horrez gain, talde bakoitzari bideo bat bidaltzeko eskatuko zaio (gehienez 2 minutukoa). Bideo horretan, sustatzaileek proiektua aurkeztu beharko dute. Era berean, informazio osagarria biltzen duten beste eranskin batzuk aurkeztu ahal izango dira (aurkezpenak, demoak, etab.).
- Proiektuak banaka edo taldeka aurkeztu ahal izango dira, gaztelaniaz, euskaraz edo ingelesez.
Enpresa-proiektu irabazleak 10.000 euro jasoko ditu eskudirutan sari gisa. Gainera, 5 proiektu finalistek honako sari hauek jasoko dituzte:
- Zinemaldiko jardueretarako eta ekitaldietarako sarbidea.
- Bi gaueko ostatua eta bidaia (klase ekonomikoan), proiektu bakoitzeko gehienez ere bi ordezkarirentzat.
- Lehenengo egonaldi-urtean Euskadiko Teknologia Parkeen Sarean kokatutako BICetako bateko inkubagailu batean doako sarbidea izateko aukera.
- Proiektua garatzeko 500.000 euro arteko finantzazioa eskuratzeko aukera (*)
(*) Finantzazioa babesteko eta laguntzeko programa batzuetan, parte-hartzaileek Euskal Autonomia Erkidegoan erroldatuta egotea eta/edo Euskal Autonomia Erkidegoan egoitza soziala izatea ziurtatu behar dute.
Proiektuen helburua enpresa berri bat sortzea edo enpresa sortu berri bat garatzea izan behar du.
Proposamenak honelakoak izan daitezke:
- Ikus-entzunezko industriako balio-kateko mailaren batean teknologia berriak aplikatzea planteatzen duten enpresa-proiektuak, pertsona fisikoek aurkeztuak.
- Ikus-entzunezko industriako balio-kateko mailaren batean teknologia berriak aplikatzea planteatzen duten enpresa-proiektuak, startup sortu berriek aurkeztuak.
Ez dira hautagai gisa onartuko ikus-entzunezko edukiak ekoizteko proposamenak (adibidez: film laburren, gidoien, dokumentalen eta abarren proposamenak).
Ez dira onartuko lehiaketa honen aurreko edizioetan saritutako proiektuak.
Ez da nahitaezkoa proiektua Euskadin garatzea. Hala ere, parte hartzeko baldintza gisa planteatuta dago, izan ere, proiektuak baloratzeko erabiliko den irizpideetako bat taldeek proiektua Euskadiko ekosisteman garatzeko duten motibazioa, konpromisoa eta ahalmena da.
5 proiektu finalistek beren proiektuak Euskadiko ekintzailetza-ekosisteman garatzeko laguntza-zerbitzu handiak eskuratzeko aukera izango dute. Asko poztuko ginateke hala balitz, eta behar duzun laguntza guztia emango genizuke, aukera hori aztertzea erabakiko bazenu.
Proiektuak ebaluatu eta irabazlea aukeratzeko prozesua hiru fasetan banatuta dago:
-
1. FASEA - Hasierako bahetzea eta proiektuen lehen hautaketa
Lehiaketaren koordinazio taldeak jasotako hautagaitza guztiak aztertuko ditu eta hurrengo fasera pasatzeko baldintzak betetzen dituztenak balioztatuko ditu. -
2. FASEA - Ebaluazioa eta proiektu finalistak aukeratzea
Aditu Batzordeak ebaluatuko ditu proiektu aurrehautatuak, oinarrietan definitutako irizpideen arabera. BIC-Euskadiko Enpresa eta Berrikuntza Zentroetako, Tecnaliako eta Vicomtecheko profesionalek osatuko dute batzorde hori. Aditu Batzordeak zehaztuko du zein diren 5 hautagaitza onenak. Horiek finalistatzat joko dira eta hurrengo fasera igaroko dira. -
3. FASEA - Ebaluazioa eta proiektu irabazlea aukeratzea
EPAIMAHAI batek ebaluatuko ditu 5 proiektu finalistak, «pitching» moduko aurkezpenen bidez, eta oinarrietan definitutako irizpideen arabera. Epaimahaia ikus-entzunezkoen, teknologiaren eta enpresen esparruko itzal handiko profesionalez osatuta egongo da.
Aurkezpenak aurrez aurrekoak izango dira eta Zinemaldia & Technology 2019 jardunaldiaren esparruan egingo dira. Proiektuak gaztelaniaz, euskaraz edo ingelesez aurkeztu ahal izango dira.
Balorazio handiena lortzen duen proiektuak irabaziko du lehiaketa.
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostiralera:
9:00 – 14:00 / 16:30 – 18:00
