Industriaren akreditazioa zinema-industriako profesionalentzat da, eta Zinemaldiak antolatzen dituen industria-jarduera guztietarako sarbidea ematen du.

ESKAERAK

Eskaera akreditatu beharreko pertsonen izen-deiturekin egin behar da, eta honekin batera, enpresaren datu guztiak eta zinemaldira bertaratu izanaren beharrak edo interesak (erosten/banatzen dituzun pelikula-motak, zein konpainiekin interesatzen zaizun harremanetan jartzea...) barne dituen txosten informatiboa.

Eskaerak e-mail bidez abuztuaren 25a baino lehen bidali behar dira. Data horretatik aurrera jasotzen diren eskaerei ahalbideen arabera erantzungo zaie:

• Gonbidatuen Kudeaketa Departamentua 
  invitados@sansebastianfestival.com   

IZAPIDEAK

Akreditazioen izapide prozesua online egingo da.

Aurreko atalean eskatzen den dokumentazioa bidali ondoren, zure eskaera onartua bada, e-mail bat jasoko duzu gure webgunearen bitartez, formularioa betetzeko azalpenekin.

Nork eska dezake industriaren akreditazioa?

Industria akreditazioa, profesional-karguaren arabera, ikus-entzunezkoen eremu hauetan lan egiten duten profesionalei ematen zaie: ekoizpena, banaketa, erakusketa, filmen sal-erosketa, finantzaketa, inbertsioa, ikus-entzunezko legeria eta aholkularitza, programazioa eta zinemaldien merkatuak, zabalkunde- eta sustapen-erakundeak, marketin-agentziak, aholkulariak eta enpresa teknikoak, postprodukziokoak eta laborategiak.

Sarbideak

Akreditazio hori duten pertsonek agenda profesionalean aipatutako industria-jardueretara sarbide izango dute irailetik aurrera, baita sail horrek eskura jartzen dituen bestelako zerbitzu eta espazioetara: kontaktu profesionalak, bideoteka, jarduera-gida, eduki digitalak, etab.
 

--Online akreditazioa--

Akreditazioak sarbidea ematen du, webguneko industria atalean, ondoren zerrendatutako edukietara, baina inola ere ez Zinemaldiaren programaziora (aurrez aurrekoa baino ez da izango). Alabaina, Zinemaldiaren Bideotekan sartzea onartu duten filmak ikusi ahalko dira.

• WIP Latam eta WIP Europan aukeratutako filmak bideotekan egongo dira ikusgai, aretoko lehen emanaldiaren ostean eta irailaren amaiera arte.
• Zinemaldia & Technology jardunaldia, mahai-inguruak eta hizketaldiak ere egongo dira eskuragarri.
• Halaber, ohiko erremintak ere eskuragarri egongo dira, besteak beste, Zinemaldiaren Bideoteka (Cinando plataformarekin lankidetzan), Industriako akreditaziodunen zerrenda (guztien kontaktu-datuekin) eta Zinemaldian hautatutako filmen kontaktuak.

IZEN-EMATE KUOTA

OROKORRA: 130,00€
ONLINE AKREDITAZIOA: 60,00€

KONTAKTUA

Informazio gehiagorako ez izan zalantzarik gurekin harremanetan jartzeko. Datorren Donostia Zinemaldian gure artean izango zarelakoan.

• Gonbidatuen Kudeaketa Departamentua - Donostia Zinemaldia
  invitados@sansebastianfestival.com
  +34 943 481 212