Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Donostia Zinemaldiaren enpresa babesle edo kolaboratzaile bihurtuta, zure marka korporatiboa prestigio handia batu duen ekitaldi batekin lotuko duzu; Espainian zein nazioartean 70 urteko ibilbide bikaina duen ekitaldi batekin, alegia. Munduko zinema-jaialdirik garrantzitsuenetakoa da Donostia Zinemaldia: FIAPFen kide kategoria gorenean, «lehiazko zinema-jaialdi ez espezializatu» bezala sailkatuta. Azken finean, aukera paregabea Espainian promozioa egiteko, Zinemaldiaren identitatearen ezaugarriekin: dotorezia, profesionaltasuna, fidagarritasuna eta kalitatea.
Zinemaldia euskal gizartean guztiz errotua dagoen ekitaldi bat da. Diru-laguntza publikoen programa garden bat du, eta tokiko zein kanpoko ikusleen kontzientziaren sakonean ezarrita dago. Izan ere, urtero lehiazko zein lehiaketaz kanpoko filmen saio guztiak erabat betetzen dira. Hala eta guztiz ere, laguntza publikoez gain, Zinemaldiak babesle pribatuak behar ditu bere finantzaketa osatzeko eta, hala, kalitate gorenaren estandarrari eutsi ahal izateko.
Zinemaldiaren eta laguntzaileen arteko harreman sendoei esker, bi aldeek lortzen dituzte onurak. Urtero laguntzen gaituzten marken irudia hobetu egiten da eta, haiek emandako laguntzari esker, Zinemaldiaren abentura zirraragarri honetako bikaintasunari euts diezaiokegu.
Aurtengo irailean beste edizio bat egingo dugu, ospe handia eta irudi bikaina ditugun une honetan. Donostiak ahalegin guztiak egiten ditu bere izena daraman zinema-jaialdiaren alde eta, bederatzi egunez, milaka bisitari, kazetari eta zinemagintzako profesional iristen dira zinema-industriaren munduko hiriburu honetara, Gipuzkoako hiriburuak dituen erakargarri turistiko eta gastronomikoek ere erakarrita, noski.
Bette Davis, Anthony Hopkins, Vanessa Redgrave, Luis Buñuel, Alfred Hitchcock, Michael Caine, Stephen Frears, Bertrand Tavernier, Bernardo Bertolucci, Michael Douglas, Robert de Niro, Al Pacino, Susan Sarandon, Catherine Deneuve, Sean Penn, Jeanne Moreau, Pedro Almodóvar, Jeremy Irons, Kevin Costner, Francis Ford Coppola, Woody Allen, Denzel Washington, Glenn Close, Dustin Hoffman edo Antonio Banderas, horra hor Donostian izan diren zinemako izarretako batzuk, Zinemaldiaren garrantziaren erakusle.
Urtero, 40 herrialdetako baino gehiagotako 1.000tik gora kazetarik ematen dute Zinemaldiaren berri eta, hala, babesleen, kolaboratzaileen eta laguntzaileen irudia mundu zabaleko milaka plataforma eta komunikabidetan ikusten da. Erakusleiho sozial eta mediatiko honek ez du parerik munduan, eta, horren ondorioz, gero eta korporazio eta marka gehiagok erabiltzen dute Zinemaldia beren komunikazio-estrategiak gauzatzeko edo beren bezero, banaketa-enpresa eta prentsari zuzendutako ekitaldiak egiteko.
- 5.556 akreditatu
- 1078 kazetari
- 618 hedabide
- 2.411 industriako profesionalak (66 online parte hartu zuten)
- 2.067 besteako gonbidatu
- 806.300 bisita zinemaldaren webgunean
- 733.000 bisitari bakar
- 3.910.222 orrialde ikusita
- 94.900 jarraitzaile Xren
- 139.000 jarraitzaile instagramen
- 63.000 jarraitzaile facebooken
- 15.400 jarraitzaile TikToken
- Jardueren memoria 2025
- Jardueren memoria 2024
- Jardueren memoria 2023
- Jardueren memoria 2022
- Jardueren memoria 2021
- Jardueren memoria 2020
- Jardueren memoria 2019
- Jardueren memoria 2018
INFORMAZIO GEHIAGO:
- Zinemaldiko babesleen kudeaketa
Kris Barco
Tel.: 943 481 212
marketing@sansebastianfestival.com
Bideoak
Astelehenetik ostegunera: 09:00etatik 15:30era
Ostiraletan, 10:00etatik 14:00etara