Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Donostian estreinatutako zortzi filmek, guztira, hogeita bi sari jaso dituzte 2022ko Goyatan
Donostia Zinemaldian estreinatu ziren zortzi filmek hogeita bi kategoriatan lortu dituzte sariak, Espainiako Arte eta Zientzia Zinematografikoen Akademiaren Goya sarien 36. edizioan.
El buen patrón, Sail Ofizialerako hautatutako filma, sei sariren irabazle izan da: film onena, zuzendari onena (Fernando León de Aranoa), gizonezko aktore protagonista (Javier Bardem), jatorrizko gidoi onena (Fernando León de Aranoa), muntaketa onena (Vanessa Marimbert) eta jatorrizko musika onena (Zeltia Montes).
Bestalde, Maixabel-ek, euskal zinemaren Irizar saria irabazi zuen filmak, Goya sari hauek irabazi ditu: emakumezko aktore onena (Blanca Portillo), taldeko gizonezko aktore onena (Urko Olazabal) eta emakumezko aktore berri onena (María Cerezuela).
Quién lo impide, Jonás Trueba zuzendariaren filma, Donostian ikusi zen estreinakoz munduan, eta aktore talde osoak taldeko antzezpen onenaren Zilarrezko Maskorra jaso zuen. Film dokumental onenaren Goya saria jaso du.
Las leyes de la frontera, (Daniel Monzón) filmarekin itxi zen Sail Ofiziala, lehiaz kanpoko emanaldian, eta bost garaikur eskuratu ditu: gidoi egokitu onena (Daniel Monzón eta Jorge Guerricaechevarría), gizonezko aktore berri onena (Chechu Salgado), jantzi-diseinu onena (Vinyet Escobar), arte-zuzendari onena (Balter Gallart), makillaje eta ile-apainketa onena (Sarai Rodríguez, Benjamín Pérez, Nacho Diaz).
Gainera, Mediterráneo, Marcel Barrenak zuzendua eta RTVEren galan estreinatua, hiru garaikurrekin saritu dute: argazki-zuzendari onena (Kiko de la Rica) produkzio-zuzendari onena (Albert Espel eta Kostas Sfakianakis) eta jatorrizko abesti onena (María José Llergo).
Druk / Another Round, Thomas Vinterberg zuzendariarena, 2020ko Sail Ofizialean lehiatu zen eta Zilarrezko Maskorra jaso zuen laukote protagonistaren lanagatik, eta Europako film onenaren Goya saria irabazi du. Bestalde, Patricio Guzmán zuzendari den La cordillera de los sueños filmak (2019ko Horizontes Latinosen parte hartu zuen) Iberoamerikako film onenaren Goya saria jaso du
Azkenik, Libertad filmak, Clara Roquet zuzendariarenak, Europa-Latinoamerika Koprodukzio Foroan hautatu zutenak eta Cannesko Kritikaren Astean estreinatu zenak 2021ean, zuzendari berri onenaren eta taldeko emakumezko aktore onenaren (Nora Navas) Goya sariak lortu ditu.
Astelehenetik ostegunera: 09:00 - 15:00.
Ostiraletan: 10:00 - 14:00