1. ARTIKULUA

Nest-en 24. edizioaren helburua nazioarteko zinema talentu gazteak bultzatzea da, haien lanak erakutsiaz Donostia Zinemaldian. 

2. ARTIKULUA

Nest irailean izango da, Donostia Zinemaldiko 73. edizioan.

3. ARTIKULUA

Saila honetan munduko edozer herrialdetako erdi edo goi mailako zinema eskoletako edo prestakuntza-programa ofizialetako ikasleen lanak hartu ahal izango dute parte.

4. ARTIKULUA

Eskola bakoitzak Zinemaldia hasi aurreko 12 hilabeteetan amaitutako hiru lan aurkeztu ahal izango ditu gehienez (iraila 2024 – iraila 2025). Ez da estreinaldirik eskatzen.

Ikasleek ezin izango dute euren izenean euren film laburrak aurkeztu. Film laburrak eskolak aurkeztu beharko ditu.  

5. ARTIKULUA

Lan horietako bakoitzaren iraupena ez da 30 minututik gorakoa izango. Jatorrizko hizkuntzan aurkeztuko dira, ingelesezko azpitituluekin.

6. ARTIKULUA

Izena Internet bidez eman ahal izango da 2025ko ekainaren 2tik 2025ko uztailaren 2ra, www.sansebastianfestival.com webgunean.

7. ARTIKULUA

Laburmetraiak Zinemaldira iritsi arazi egingo dira honela:

• Lotura: Web gune baten lotura emateko aukera egongo da. Horretarako, web gunearen helbidea eta hontara sartzeko pasahitza zehaztu beharko dira izen-emate orrialdean. Murriztutako sarbidea duten plataformak onartuko dira soilik.

8. ARTIKULUA

Nest-eko Hautaketa Batzordeak abuztuko lehen hamabostaldian emango du hautatuaren berri posta elektronikoz.

9. ARTIKULUA

Hautaturiko lanak Donostia Zinemaldiari helarazi beharko zaizkio irailaren 1a baino lehen DCP euskarrian.

Lan guztiek ingelesezko azpitituluak izango dituzte. Ingelesezko jatorrizko bertsioan daudenak izan ezik. Hauek gaztelerazko azpitituluak izan beharko dituzte.

Zinemaldiak, bere kargura, gaztelaniazko azpititulu elektroniko osagarria egingo du ingelesezko jatorrizko bertsioa ez duten filmentzat. Horretarako, ingelesezko azpitituluak dituen filmaren behin betiko jatorrizko bertsioaren MP4 bat eta ingelesezko azpitituluen zerrenda eman beharko zaizkio (Zinemaldiaren barne erabilerarako eta dokumentu konfidentziala izango dena).

Azpititulu elektronikoak Zinemaldiaren zerbitzura lan egiten duen enpresak jarriko ditu.

10. ARTIKULUA

Hautatutako eskola bakoitzak ikasle kopuru jakin batentzako ostatua eta akreditazioa hartzen duen gonbidapena jasoko du.

Zuzendaria agertzea ezinbestekoa izango da, baita filmarekin zerikusirik ez duen ikasle bat ere (urtekoa edo azken bi urteetan graduatua), epaimahai lanak egiteko; ezinbestez, ingelesez dakitenak.

11. ARTIKULUA

Hautaturiko eskolek hautaketa batzordeari proposaturiko lanak adituen esku jarriko dira Zinemaldiaren bideotekan eta Zinemaldiaren katalogo ofizialeko zati izango dira.

12. ARTIKULUA

Hautatutako film laburrak Tabakalerako Medialab artxibora pasatuko dira. Medialab 2008tik sail honetatik igaro diren film laburren katalogazioan ari da lanean.

13. ARTIKULUA

Hautatutako film labur guztiak sari hauetarako hautagai izango dira:

• Nest The Mediapro Studio saria

Saria emango duen epaimahaia hautatutako eskoletako ikasleek osatuko dute, zinemako profesional bat buru dutela. Bada, Nest The Mediapro Studio saria 10.000 euro gordinekoa izango da, eta hautatutako proiektuaren zuzendariarentzako izango da.

• Film labur onenaren Movistar Plus+ saria

Movistar Plus+ saria film labur onenarentzako izango da, eta filma Espainian, plataformaren bidez, emateko eskubideak erostean datza.

14. ARTIKULUA

Online formularioaren 8. puntua onartzen duten film labur guztiak sari honetarako hautagai izango dira:

• Tabakalera saria

Tabakaleraren Zinemaren eta Ikus-entzunezkoen Laborategiak emango duen sari hau hautatutako proiektuko zuzendariarentzat izango da, hiru asteko egonaldi batean datza (2026an egin beharko du).

15. ARTIKULUA

Araudi honen interpretazioari buruzko zalantzez Donostia Zinemaldiaren Zuzendaritzak ebatziko du.