Ofiziala
Partner
Donostia Zinemaldiaren hurrengo edizioan Mexikoko, Costa Ricako, Txileko, Uruguaiko eta Argentinako sei film aurkeztuko dituzte, datorren irailaren 22 eta 23an izango den Zinema Eraikitzen jardunaldietan.
A tiro de piedra (Mexiko), Sebastián Hiriart zuzendariarena; Agua fría de mar (Costa Rica-Frantzia), Paz Fábregarena; Lucía (Txile) Niles Jamil Atallah zuzendari duena; Norberto apenas tarte (Uruguai), Daniel Helndler-ena; Rompecabezas (Argentina-Frantzia), Natalia Smirnoff-ena eta La vida útil (Uruguai), Federico Veiroj zuzendariarena. Horiek dira Zinema Eraikitzen ekimenaren 16. ediziorako hautatutako sei filmak. Ekimena Donostia Zinemaldiak eta Tolosako (Frantzia) Rencontres Cinémas d'Amérique Latine jaialdiak antolatzen dute bi urtean behin, Latinoamerikako zinemari laguntzeko.
Donostian iaz izandako partaidetza bikoiztu egin da aurten; 115 proiektu jaso dira 21 herrialdetatik. 2008an, berriz, 64 jaso ziren 20 herrialdetatik bidalita. Jasotako proiektuetatik sei film hautatu dira, eta horiek izango dira ekoizpenak burutzeko laguntzak eskuratzeko hautagai.
Zinema Eraikitzen 16 ekimenean ondorengo sariak emango dira:
-
Industriaren Zinema Eraikitzen Saria: Best Digital, Kodak (división de cine profesional), Mediapro, Molinare Madrid, No Problem Sonido, Technicolor Entertainment Services Spain eta Titra Film enpresak elkarrekin arduratuko dira aukeratutako filmaren postprodukzioaz, 35 mm-ko kopia ingelesez azpititulatua burutu arte.
-
TVE Saria, 60.000 euro gordinez hornitutakoa, hautaturiko filmetako baten emisio-eskubideen erosketan datzana.
-
Zinema Latinoamerikarraren Postprodukziorako Laguntzan datzan Casa de América Saria, 10.000 euro gordinez hornitutakoa.
Aurrekoaz gain:
-
Zinema Eraikitzen ekimeneko filmak nazioartean zabaltzen dira Instituto Cervantesen mundu mailako sarearen bitartez.
Zinema eraikitzen Donostia Zinemaldiaren eta Tolosako (Frantzia) Rencontres Cinémas d'Amérique Latine ekitaldiaren arteko ekimena da. Filmatuta egon arren, postprodukzioan arazoak dituzten Hegoamerikako fikziozko film luzeak bukatzea du helburu. Horretarako, nazioarteko profesional talde baten aurrean aurkeztuko dituzte, filmak haien laguntzarekin amaitu ahal izateko.
Urtean bi data zehazten dira, hain zuzen ere bi zinema jaialdi horien inguruan (Tolosan martxoan eta Donostian irailean). Horrela, postprodukzio garaian bertan behera geratutako fikziozko film luze bitxi eta independenteei aukera ematen zaie zinemaldietan presente egoteko; hots, elkarren osagarri diren Europako bi herrialde horietan zinemako profesionalengandik hurbil.
Filmak estreina daitezen eman beharreko urrats guztien ordezkariek baldintza ezin hobeetan ezagutu ahal izango dituzte filmak, proiektuek beren helburua lor dezaten ezinbesteko bultzada emateko. Profesionalekin eta erakundeekin trukean aritzeko gunea proposatzen dugu, ikusleengana heltzeko ezinbesteko pausoa baita hori.
Filmen postprodukzioan parte har dezaketen zinemako profesionalak inplikatuz, enpresa banatzaile eta zabaltzaileak eskaintza zabaltzera bultzatuz, eta oraindik baztertuta dauden kontinente zinematografikoei lekua eginez, Donostiako eta Tolosako zinema jaialdiek kultura aniztasuna elkartasun eta lankidetza kutsuz, pragmatismoz eta eraginkortasunez bultzatzea dute helburu.
Berriak
-
2009/08/25
Mexikoko, Costa Ricako, Txileko, Uruguaiko eta Argentinako sei film aurkeztuko dira Zinema Eraikitzen atalean
-
2009/05/05
16. Zinema Eraikitzen sailean izena emateko epea, zabalik
-
2009/03/13
''Perpetuum Mobile'' film mexikarrak irabazi du Tolosako (Frantzia) Zinema eraikitzen saria
-
2009/03/23
Argentina, Txile, Mexiko, Peru eta Uruguaiko zortzi filmek hartuko dute parte Zinema Eraikitzen sailaren XV. edizioan
Harremanetarako:
-
Donostia Zinemaldia
Okendo plaza, 120004 Donostia (Espainia)
T: 34 943 48 12 12 – F: 34 943 48 12 18
enconstruccion@sansebastianfestival.com
www.sansebastianfestival.com
COORDINADORA PREMIO CINE EN CONSTRUCCIÓN
Marichu F.-Corugedo
ESPACIO COMPARTIDO
Antonio Zapata, 8
28002 MADRID
Móvil: 649 39 81 83
marichu.fcorugedo@yahoo.es
-
Rencontres Cinémas d’Amérique Latine de Toulouse (ARCALT)
34 rue de La Fonderie - 31 000 Toulouse
T: 33 561 32 98 83 - F: 33 561 32 68 31
arcalt31@wanadoo.fr
www.cinelatino.com.fr
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostegunera:
09:00 - 15:30
Ostirala:
16:00 - 14:00
