Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Zinemaldiaren bideotekak izena emandako filmak streaming bidez ikusteko aukera jarriko du industriako profesional akreditatuen eskura. Akreditatu hauek Zinemaldia amaitu eta hilabetera arte ikusi ahalko dituzte aipatutako filmak.
Bideoteka CinandoVLek, Marché du Film - Festival de Cannes ekimenak sortutako industriako profesionalei zuzendutako plataformak, ematen duen zerbitzua da.
Honako film hauek ikusi ahalko dira (60 minutuko iraupena izango dute gutxienez):
- Ikusgai egoteko baimena ematen duten Zinemaldiko sail guztietako film hautatuak. (Bideotekan izena ematea doakoa)
- Plataforman izena emandako film hautatu bakoitzeko, salmenta-eragilearen katalogoko beste film bat, azken urtean ekoiztua. (Bideotekan izena ematea doakoa)
- Industria jardueretan hautaturiko proiektu eta filmen zuzendarien aurretiko luzemetraiak. Batik bat, Ikusmira Berriak egonaldi-programan eta Europa-Latinoamerika Koprodukzio Foroan hautatutako proiekturen bat edo WIP Latam nahiz WIP Europa ataletan hautatutako filmen bat dutenak. (Bideotekan izena ematea doakoa)
Zinemaldiaren bideotekan urteko Espainiako eta Latinoamerikako filmen panorama bat egongo da ikusgai ere bai. Enpresa bakoitzak hiru film erregistratu ahal izango ditu gehienez.
Film luze horiek baldintza hauek bete beharko dituzte:
- Gutxienez 60 minutuko iraupena izatea.
- Mundu mailako estreinaldia 2024ko urriaren eta 2025eko irailaren artean izatea.
- Espainian edo Latinoamerikako herrialde batean ekoiztuak izatea.
Zinemaldiaren bideotekan izena emateko filme bakoitzaren tasa hurrengo da:
- 75 € (BEZa barne) Espainian edo Latinoamerikako herrialde batean ekoitzia izan den film bakoitzeko.
- 40 € (BEZa barne) Euskal Autonomia Erkidegoan ekoitzia izan den film bakoitzeko (ekoizlearentzako doako akreditazio bat emango da).
Izena emateko epea irailaren 15era arte dago zabalik.
Informazio gehiago jasotzeko: videoteca@sansebastianfestival.com / (+34) 943 481 217
Astelehenetik ostiralera: 09:00 - 15:30