tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Donostia Zinemaldiak jarraipen informatibo handia izango du EiTBn
Donostia Zinemaldiak jarraipen informatibo handia izango du EiTBn
Jose Luis Rebordinos Donostia Zinemaldiko zuzendariak eta Maite Iturbe EiTBko zuzendari nagusiak lankidetza hitzarmena izenpetu dute

Vitoria, 3 de marzo filma aurkeztuko du EiTBk, irailaren 26an, Victoria Eugenia antzokian izango den EiTB Galan

Inoiz baino euskal ekoizpen gehiago hartuko ditu aurtengo edizioak: guztira 20 film. Horietako hamabik ETBren babesa izan dute
Ostirala, 2018(e)ko irailaren 14

EiTBk eta Donostia Zinemaldiak lankidetza hitzarmena berritu dute ostiral honetan, irailak 14, Donostiako Tabakaleran. Jose Luis Rebordinos Donostia Zinemaldiko zuzendariak eta Maite Iturbe EiTBko zuzendari nagusiak sinatu dute ituna. Horren ildotik, aurten ere EiTBk Zinemaldiaren berri eman eta jarraipen handia egingo dio Taldearen hedabide guztietan.

Irailaren 21etik 29ra bitartean izango den Donostia Zinemaldiaren inguruan xehetasunez informatzeko ahalegin berezia egingo dute ETBn, Euskadi Irratian, Radio Euskadin, Gaztean eta eitb.eus-en. Halaber, ETB1en, zuzenean eskainiko dira irekiera eta itxiera galak eta, ETB4n, Euskal Zinemaren Gala eta hiru Donostia Sariak (Hirokazu Kore-Eda, Danny Devito eta Judi Dench). Emanaldi guztiak streaming bidez jarraitu ahal izango dira eitb.eus-en.

ETBko albistegietan tartea izango du egunero Zinemaldiak: zuzenekoak, erreportajeak, elkarrizketak eta aurkeztuko diren filmen kronikak eskainiko dituzte. Kazetari eta teknikari lantalde zabalak informatuko du bederatzi egunetan. '¡Que Me Estás Contando!', 'Está Pasando' eta 'Ahoz Ahoz' saioek ere Zinemaldiari erreparatuko diote eta 'EiTB Kulturak' aurtengo edizioan aurkeztuko diren zenbait euskal filmeri buruzko erreportajeak eskainiko ditu datozen asteetan.

eitb.eus-ek gune berezia eskainiko dio eta streaming-ez emango ditu ekitaldi berezienak. Berebat, Euskadi Irratiak, Radio Euskadik eta Gazteak ardatz nagusi izango dute Zinemaldia programazioan. Elkarrizketak, erreportajeak, filmen analisiak, eta ekitaldi eta jai guztien kronikak bilduko dituzte albistegi eta eguneroko saioetan.

Vitoria, 3 de marzo filmaren estreinaldia, EiTB Galan

Zinemaldiaren 66. edizioko EiTB Gala irailaren 26an izango da, Victoria Eugenia antzokian, 21:30ean. Bertan, Víctor Cabacoren (Santander, 1967) Vitoria, 3 de marzo proiektatuko da. Zuzendari horren lehen film luzean, 1976an poliziaren tiroek bost langile hil zituztenean euskal hiriburua astindu zuten gertakariak islatu ditu.

Amaia Aberasturi aktorea da protagonista nagusia: Begoña, erdi-mailako klaseko familia batean bizi den 18 urteko gaztea da. Bertatik bertara biziko ditu 'sekula ezer gertatzen ez den hiri bat' astindu zuten gertaera horiek. Geroz eta gehiago gogortuz doan gatazka baten erdian, bai bera, bai haren familia, zeinen alde jarri aukeratu beharrean aurkituko dira. Azkenean, sarraskiaren ondoren, Begoña, hiria, eta herrialde osoa ez dira gehiago berberak izango.

Drama historiko honetako aktore zerrenda nagusia Mikel Iglesiasek, Ruth Diazek, Alberto Berzalek, Jose Manuel Sedak eta Oti Manzanok osatzen dute.

ETBk babestutako hainbat ekoizpen Zinemaldian

Urtero bezala, Donostia Zinemaldian ikusgai izango diren hainbat ekoizpenek ETBren parte hartzea izan dute.

Dantza, Telmo Esnalen azken lana, dugu horietako bat. Sail Ofizialeko emanaldi berezien atalean aurkeztuko da. Zinemaldiaren historian sail honetan parte hartuko duen euskarazko zazpigarren ekoizpena izango da, Amalur (1978), Ke arteko egunak (1989), Bertsolari (2011), Loreak (2014), Amama (2015) eta Handia (2017) filmen ostean.

Tartean daude, baita ere, New Directors sailean lehiatuko den Oreina, Koldo Almandozen bigarren film luzea; Perlak atalean Donostia Hiria saria lortzeko lehiatuko den Raul de la Fuenteren eta Damian Nenowren Un día más con vida / Another day of life, eta Culinary Zineman aurkeztuko den Bihar dok 13, Ander Iriartek eta Aitor Bereziartuak zuzendutako lana.

Vitoria, 3 de marzo filmaz gain, Zinemira sailean aurkeztuko diren beste sei lanek izan dute ETBren parte hartzea: Mudar la piel (Ana Schultz eta Cristobal Frenández), Black is beltza (Fermin Muguruza), Jainkoak ez dit barkatzen (Josu Martinez), Gallo (Antonio Diaz Huerta), Gure oroitzapenak (film laburrez osatutako lan kolektiboa), Margolaria (Oier Aranzabal) eta Errementari (Paul Urkijo).

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea