Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Kino_greento taldeak ekipo ekintzaile onenaren saria beretu du
Motmo.prok irabazi du Espainiako proiektu onenaren saria Zinemaldia Startup Challenge ekimenean. Aurten, Espainiako ekintzaile eta startupetarako lehiaketa espezifiko bat sortu da, Spanish Screenings: Financing & Tech. delakoaren parte dena. Motmo.pro, Bruno de Zabala eta Janire Vázquez direla ordezkariak, erreproduzitzaile bat da, erabiltzaileei ahalbidetzen diena abestiak erreproduzitzea, tablaturarekin elkarreraginean aritzea eta artistarengandik ikusi nahi duten planoa hautatzea.
Bestalde, Mine S proiektuak bereganatu du Europako proiektu onenaren saria. Italian sortutako Mine S artistei eta ikus-entzunezko teknikariei beren kontrolagailu pertsonalizagarria eratzeko aukera ematen dien proiektua da. Riccardo Belingheri eta Massimiliano Moioli dira proiektuaren ordezkariak.
Bi sariak 10.000 eurokoak dira, Euskadiko Teknologia Parkeen Sareko BIC batean inkubaziogune batean lehen urtean dohainik aritzeaz eta 500.000 eurorainoko finantzaketa lortzeaz gain.
Gainera, kino_greentoken izan da pertsona edo ekipo ekintzaile batek aurkeztutako proiektu onenaren sariaren irabazlea, 3.000 eurokoa. Teresa Benítez Martínezek eta Francisco Benítez Martínezek (Espainia) sortua, kino_greentoken proiektuak trazagarritasun digitala ezartzen du ikus-entzunezko industriaren ingurumen-prozesuen kudeaketan, ikus-entzunezko horiek ekoizten direneko lurraldearekin lotutako konpentsazio gisako kontserbazio-ekintzekin.
Proiektuaren deskribapena: Irakurgailu bat diseinatu dugu, erabiltzaileei abestiak erreproduzitzeko, tablaturarekin elkarreraginean aritzeko eta artistak ikusi nahi duen plano mota hautatzeko aukera ematen diena. Esperientzia % 100 pertsonalizatu daiteke orain 1.000 abesti baino gehiagorekin eta musika-ikaskuntzaren Netflix bihurtuz joango da horrela.
Proiektuaren deskribapena: Mine S tresnari esker, artistek eta ikus-entzunezko teknikariek euren kontrolatzaile pertsonalizagarria eraiki dezakete, nahi dutenean. Horrela, beren lanerako eta sorkuntzarako tresna ezin hobea izango dute beti.
Proiektuaren deskribapena: Ikus-entzunezkoen industriako ingurumen-prozesuen kudeaketan trazabilitate digitala txertatzea, kontserbazio-ekintzekin, sortzen diren lurraldeari lotutako konpentsazio gisa.
Bosgarren belaunaldiko DLT batekin egindako e-partaidetzako ereduan oinarritua.
ZINEMALDIA STARTUP CHALLENGE SUSTATZAILEA
ZINEMALDIA & TECHNOLOGY
Industria Saila ondorengoen babesarekin
Astelehenetik ostegunera: 09:00 - 15:00.
Ostiraletan: 10:00 - 14:00