Egunero iristen zaizkigu Pa­lestina eta Israelen arteko ga­tazkari buruzko albiste eta iru­di ugari, gehienetan hildako­en eta zaurituen berri ematen dutenak. Film hau gatazka ho­rretan kokatzen da, baina he­men ez da borrokatzen ideia edo kontzeptu sakratuen alde, limoiondo xume batzuk salbatzeko baizik, eta honekin oso modu argian adierazten da gauza txikiak zeinen garrantzi­tsuak izan daitezkeen. Horre­kin batera, batzuetan behar adinako garrantzirik Salmak suerte txarra izan du. Lurralde Okupatuen mugan bizi da, bere ondasun ia bakarra limoion­do batzuk direlarik. Senarra aspaldian hil zen eta seme-ala­bak beren aldetik joan dira. Etxean laguntzen dion agure bat da egunean zehar ondoan duen ia pertsona bakarra. Egun batean auzoko berria azaldu­ko zaio mugaren bestaldean, Israeleko lurrean, bertako De­fentsa ministroa, eta bere sol­daduek erabakiko dute limoiondoek ez dietela Palesti­nako lurraldea behar bezala kontrolatzen uzten eta, beraz, zuhaitzak erauzi behar direla. Oso bitarteko gutxi ditu Sal­mak, baina ez du inolaz ere onartuko bere ondasunak ken­tzea eta borroka luze bati ekin­go dio justizia bila. Horretara­ko abokatu gazte baten

Ezagunak zaizkigu deusen aurrean amore ematen ez du­ten emakumeei buruzko peli­kulak; hor dugu, esate batera­ko, Zhang Yimou-ren Qiu Ju txi­natarra eta bere erromesaldia auzitegitik auzitegira. Salma ere kasta horretakoa, eta ez du etsiko nahiz eta laster ulertu sistema oso bat duela kontra. Alabaina, gauzak ez dira beti zuri edo beltz izaten, ezta hau bezalako gatazka gordin bate­an ere, eta ustekabeko aliatuak agertuko zaizkio teorian etsaiak izan beharko lituzkee­nen artean, eta alderantziz ere gertatuko da nolabait.

Gatazka politikoaren isla behin eta berriro azaltzen da filmean zehar: israeldarrek eza­rritako kontrolak, harresiaren eraikuntza lanak, segurtasun neurri zorrotzak, hiritar israel­darren aurreiritziak, baina bai­ta palestinar batzuek egoki ikusten ez dituzten bizimoduen kontrako jarrerak, burokrazia, eraginkortasun eza… Pelikula ez da inondik ere manikeoa. Egia da gertaera txiki bat au­keratu duela abiapuntutzat, baina bere ustezko txikitasun horretan ekoizpen handinahi batzuek baino askoz ere gehia­go kontatzen du, eta hobeki. Li­moiondo batzuk seguru aski ez dira ezer hain erro sakonak di­tuen gatazka baten erdian, bai­na hauen defentsak herrialde oso baten askapenean lagun dezake, batez ere jende guztiak eguneroko gauza txikien alde egin behar duela ulertzen badu.

Salmak ez du azkenean nahi duena lortuko, baina ha­rresiaren bestaldean salbu gel­ditu da bere harrotasuna, eta hori, Lurralde Okupatuetan, ez da gutxi.
M.B.