Sinopsirik irakurri ez bada, kos­tatzen da Derrière moi filmaren istorioan sartzea; hasieran ez du­gu ulertzen bakar-bakarrik bi­daiatzen ari den emakumea zer­tan ari den, zer bilatzen duen, baina piskanaka-piskanaka kon­turatzen joanen gara zein ikara­garria den bere helburua: adin txikiko bat galbidera eramatea, prostituzioaren munduan sarra­raztea. Prozesu hau guztia, gai­nera, oso modu hotzean konta­tzen zaigu denbora guztian. Kon­tatzeko modu honek areagotu egiten du ikuslearen amorrua. Pelikula bat besterik ez da, jaki­na, baina zine mota honek gehie­netan munduan gertatzen dena isladatzen du, eta zenbat neska­to ez ote diren antzeko egoera batean egonen, “glamour”-ez beteriko mundu bat aurkituko dutela sinetsita errealitatean pu­tetxe batera daramatzatenean.

Honengatik guztiarekin, itxu­ra batean egoera gogorrik ez ba­dago ere, oso errealitate gordina erakusten du Rafaël Ouellet zuzendariak. Joku bat ematen du denak, ehiztariak –prostituzioa utzi nahi duen emakumeak- be-re biktimaren konfidantza bere­ganatu behar du, adiskidetu, eta ondoren neskatoa bere inguru­tik aterarazi. Prozesu hau oso modu zehatzean erakusten zai­gu, eta ikuslearengan sortzen den artegatasuna ikaragarria da, berehala ulertzen baita amua irentsiz gero –eta irentsiko du, seguro-, neskatoarenak egin duela.

Debate sutsuak sortzen di-tu gizartean prostituzioak. Ba­tzuk uste dute besterik gabe de­bekatu beharko litzatekeela eta bezeroen kontra jo; beste ba­tzuk, ordea, legeztatzearen alde azaltzen dira zalantzarik gabe emakumeek beren gorputzekin nahi dutena egiteko duten esku­bidea aldarrikatuz, nahiz eta egunkarietan oso maiz agertzen diren beren burua prostituitzera behartzen dituzten emakumeen kasuak. Eztabaida horien guztien gainetik, nolabaiteko adostasuna dago gizartean adin txikikoen inguruan; hala ere, umeak eta gazteak egunero behartzen di­tuzte nahi ez dituzten sexu harremanak izatera, eta ez baka­rrik Tailandian edo herrialde txi­roetan, pelikula kanadiar honek modu ezin argiagoan erakusten duenez.

Ez dago salaketa ozenik filme honetan, eta ez du behar. Sala­ketarik gabe ere hotzikarak sen­tiarazten ditu nerabea seduzitu nahian erabilitako estrategia maltzurrak. Alde horretatik, pe­likula eraginkorra da Derrière moi, pentsatzekoa baita horixe lortu nahi duela, ikuslearen izua egoera ikaragarri baten aurrean, eta horreterako ez du izugarrike­ria handirik behar izan.

Bi emakumeren arteko ha­rremanaren eta gezur baten in­guruko istorioa baino askoz gehiago da Derrière moi, eta horregatik uzten gaitu pentsati bu­katu eta gero ere. Horrek asko adierazten du pelikula honen alde.
M.B.