tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Dena duela 60 urte hasi zen
Zinemaldiaren Egunkaria » INAUGURAZIO EKITALDIA
Dena duela 60 urte hasi zen
Larunbata, 2012(e)ko irailak 22

Kursaaleko agertokiko oihala altxa eta hasi da 60. Zinemaldiaren zabaltze ekitaldia. José Coronado, Barbara Goenaga eta Cayetana Guillén Cuervo arduratu dira zeremonia gidatzeaz, eta egia esateko, 60 urteko bidaia zirraragarria izan da Zinemaldiaren historiako bizipenetan barrena. Hala, Sail Ofizialean lehiatuko diren filmeak aurkeztu ondoren, epaimahaiko kideak taularatu dira, tartean Ricardo Darín aktorea edo Agustí Villaronga zuzendaria zirela, eta hauen guztien buru Christine Vachon ekoizlea, ‘indie zinemaren dama’ ezizenez ezagunagoa.

Michael Hanekeren Maitasuna filmari dagokion Fipresci saria jaso du Ramon Agirre aktore euskaldunak, eta segidan, aspaldi gabe zendutako Antxon Ezeiza zuzendaria ekarri dute gogora. Jorge Drexler abeslari uruguaitarrak, berriz, urterik urte garrantzi handiagoa duen zinema latinoamerikarrari eskainitako Horizontes saila aurkeztu du.

Ekitaldia ohi baino luzexeagoa izan da agian, Kursaaleko eserlekuetan bildutako jende andanak irrikaz espero baitzuen Richard Gere eta Susan Sarandon gaueko izarren presentzia.
Aktoresa, soineko luze morez jantzia, Iruzurra filmeko bere antzezkidearen eskutik helduta agertu denean txalo zaparrada itzela entzun da aretoan. Gerek hunkituta gogoratu du duela bost urte jasotako Donostia saria eta donostiarren harrera beroa. Sarandonek, bestalde, 60 urte betetzea zer den ongi badakiela esan du, bertaratutakoen algarak eraginez.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea