tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Zinemaldiaren Egunkaria > Errealitatea eta ametsa
Errealitatea eta ametsa
ANIMALS
Ostirala, 2012(e)ko irailaren 28

Zuzendari batzuei errealitatearekin jolastea gustatzen zaie. Beste batzuei, fantasia interesatzen zaie. Hainbatek bien arteko nahasketa erabiltzen dute, eta beharbada hori da zinema, errealitatea fikzioa balitz bezala erakustea, edo alderantziz: irudimen hutsak sortutako munduak gaur egunean txertatzea.

Badira beste batzuk surrealistak direnak. Surrealista hutsak. Muineraino surrealistak.

Marçal Foresi onanismoarekin jolastea gustatzen zaio. Errealitatearen eta fantasiaren arteko mugak hautsi eta desberdintasunak ezabatzea. Eta ametsetan dagoen errealitatea benetako errealitate bakarra zela aldarrikatzen zuten surrealisten oinarritik bada zerbait errealitatea ulertu eta interpretatzeko zailtasunak dituen gazte baten istorio korapilatsu eta dramatikoa kontatzen duen Foresen lehen film luze honetan.

Psikodelikoa ere bada Animals hau, Pol gaztearen barne esperientziaren kontakizuna delako filmaren hari nagusia. Lisergikoa deitzea ere ez liteke gehiegizkoa: berez zentzuzkoak ez diren gauzak egiten amaitzen du protagonistak, errealitatetik deika ari bazaizkio ere. Ez baitu entzuten, ez baitu entzun nahi.

Bere munduan bizi eta horretan jarraitu nahi duen gaztea da Pol, Deerhof pelutxezko hartzatxoarekin bateria jotzen eta hitz egiten duena, ikastetxe ingeles batean lan egiten duena, eta urarekin obsesio txiki bat daukana. Ura gauza guztien sorrera eta amaiera balitz bezala, jaiotza eta heriotza. Hori ulertzeko, homosexualitatea deskubritu behar du, eta odolaren mina. Eta maite duen guztia abandonatu behar du. Bat izan ezik: errealitatetik alde egiteko laguntzen dion hartz txikia. Film poliedrikoa, dadaista, bitxia, berezia.

ALBERTO.BARANDIARAN

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea