tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 60. Edizioa 2012  > Sariak eta Epaimahaiak > Epaimahaia Ofiziala > Ricardo Darín
Ricardo Darín
 

Ricardo Darín 1957an jaio zen, Buenos Airesen. Gazte-gaztetatik arrakasta handiko lanak egin ditu telebistan, besteak beste, Nosotros y los miedos, Compromiso eta Mi cuñado, baita antzerkian ere: Extraña pareja, Taxi, Sugar, Necesito un tenor eta ART, Argentinan nahiz Espainian arrakasta izugarria izan zuena.

Hona hemen bere filmografia osatzen duten lan arrakastatsuetako batzuk: Perdido por perdido (1993), Alberto Lecchi zuzendariarena; Nueve reinas (2000) eta El aura (2005), Fabián Bielinsky zuzendariarenak; El mismo amor, la misma lluvia (1999), El hijo de la novia (2001, atzerriko film onenaren Oscar sarietarako izendatua), Luna de Avellaneda (2004) eta El secreto de sus ojos (2009, atzerriko film onenaren Oscar sariaren irabazle), guztiak ere Juan José Campanellak zuzenduak; Un cuento chino (2011), Sebastián Borenstein zinemagilearena; Carancho (2010) eta Elefante Blanco (2012), biak Pablo Traperorenak; eta Tesis sobre un homicidio (2012), Hernán Goldfrid zuzendariarena.

Film horietako batzuek Donostia Zinemaldian parte hartu dute. El secreto de sus ojos 2009ko Sail Ofizialean izan zen eta Carancho 2010eko Perlak sailean eman zuten. Elefante Blanco aurtengo Made in Spain atalean proiektatuko dute.

Antzezle gisa ibilbide oparoa egiteaz gain, Ricardo Darín zuzendari ere aritu da. 2007an zuzendu zuen lehenengo filma, La señal, eta protagonista ere bera izan zen.

Bere herrialdean zein nazioartean hogei sari baino gehiago irabazi ditu; besteak beste, Zilarrezko Kondorra, bi Konex sari, Sant Jordi saria eta beste hainbat Valladolideko, Habanako eta Biarritzeko jaialdietan.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea