Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Berriak > Hamalau herrialdetako hamabost proiektuk parte hartuko dute III. Europa-Latinoamerika Koprodukzio Foroan
Hamalau herrialdetako hamabost proiektuk parte hartuko dute III. Europa-Latinoamerika Koprodukzio Foroan
Foroa irailaren 22an, 23an eta 24an izango da, 62. Donostia Zinemaldiaren barruan
Asteazkena, 2014(e)ko abuztuak 6

Foroan parte hartzeko izena eman zuten 181 proiektuetatik hamalau hautatu dira. Proposamenak, 22 herrialde ezberdinetatik iritsi dira, gehienak Latinoamerikakoak: Argentina, Belgika, Bolivia, Brasil, Txile, Kolonbia, Costa Rica, Kuba, Ekuador, El Salvador, Espainia, Frantzia, Guatemala, Mexiko, Panama, Peru, Puerto Rico, Dominikar Errepublika, Erresuma Batua, Suedia, Uruguai eta Venezuela.

Horrez gain, Donostia Zinemaldiaren eta Ibermedia programaren arteko elkarlanaren fruitu, Erdialdeko Amerika eta Karibeko proiektu zinematografikoak garatzeko tailerraren baitan hautatutako egitasmo batek ere hartuko du parte Koprodukzio Foroan.

Europa-Latinoamerika Koprodukzio Foroa Eusko Jaurlaritzako Ekonomiaren Garapen eta Lehiakortasun Sailak eta Industria, Energia eta Turismo Ministerioak sustatzen dute.

Aurreko edizioetan bezala, hautatutako proiektuen artean ibilbide oparoko zuzendari eta ekoizpen-etxeen egitasmoak zein zuzendari eta ekoizpen-enpresa berrienak daude. Kontuan izan behar da 2012an Koprodukzio Foroan izan ziren hamazazpi egitasmoetatik bederatzi ekoitzi direla jada. 2013an izandako hamaseietatik, berriz, hiru filmatu dira jada eta beste sei filmaketa lanak hasi zain daude.

Koprodukzio Foroa eta Zinema Eraikitzen ekimenak egun berberetan izango dira, Zinemaldiko hiru egun hartuz; hortaz, Donostia ikus-entzunezkoen industriaren ezinbesteko hitzordu bilakatuko da egun horietan.

Hala, proiektuen arduradunek euren egitasmoak nazioarteko industriako profesionalei aurkezteko aukera izango dute hiru egunez, eta elkarren arteko bilera ugari egingo dituzte. Foroan balizko koproduktore, finantza partner eta salmenta-agenteekin harremanetan jartzea izango dute helburu egitasmoon bultzatzaileek; hau da, proiektuak finantzatu, ekoitzi eta nazioartean banatzea ahalbidetuko dieten bazkideak bilatzen ahaleginduko dira. 2013ko edizioan, proiektuen arduradunen eta industriako profesionalen arteko 461 one to one bilera egin ziren, 2012an egindako 365 bilerak baino askoz gehiago beraz.

Aurtengoan, bigarren urtez, Europa-Latinoamerika Koprodukzio Foroko Proiektu Onenaren EGEDA saria emango da, 10.000 eurokoa. Hain zuzen ere, EGEDA-k Ikus-entzunezko Ekoizleen Eskubideak Kudeatzeko Erakundeak babesten du saria.

Koprodukzio Foroak Canneseko zinema-jaialdiko Marché du Film azokarekin eta Argentinako INCAA Zinema eta Ikus-entzunezko Arteen Institutu Nazionalarekin dituen akordioen harira, Donostian izango diren egitasmoetako batzuek euren nazioarteko ibilbidea jarraitu ahal izango dute finantzazio bila, hurrenez hurren Canneseko Producers Network egitasmoko hurrengo edizioan eta Argentinan, Ventana Sur merkatuan parte hartuz. Ibilbide horrek nabarmen lagunduko die egitasmooi nazioartean oihartzuna izaten.

Aurtengo berrikuntza gisa, Donostia Zinemaldiak arreta berezia eskainiko dio Kanadari, herrialde horretako Telefilm Canada korporazioarekin lortutako akordioari esker. Hala, Kanadako hamabi produktorek osatutako ordezkaritza bat Donostian izango da Zinemaldia ezagutzeko, kontaktu profesionalak egiteko eta Koprodukzio Foroan zein Industry Club sailak antolatutako gainontzeko jardueretan parte hartzeko.

Hautatutako proiektuak:
1. Agosto
Zuzendaria: Armando Capó Ramos
Ekoizlea: La Feria Producciones
Herrialdea: Costa Rica-Kuba
2. Animales domésticos
Zuzendaria: Andi Baiz
Ekoizlea: Dynamo
Herrialdea: Kolonbia
3. Até o caminho
Zuzendaria: Davi Pretto
Ekoizlea: Tokyo Filmes
Herrialdea: Brasil
4. Chau Buenos Aires
Zuzendaria: Germán Kral
Ekoizlea: Historias Cinematográficas
Herrialdea: Argentina-Alemania
5. Hombre entre perro y lobo
Zuzendaria: Irene Gutiérrez
Ekoizlea: El Viaje Films
Herrialdea: Espainia-Kuba
6. Fantasía
Zuzendaria: Juan Pablo Richter
Ekoizlea: Pucara Films
Herrialdea: Bolivia
7. La noche de Franco
Zuzendaria: Bernardo Arellano
Ekoizlea: Agrupación Caramelo Cinematográfica
Herrialdea: Mexiko-Espainia
8. Las elegidas
Zuzendaria: David Pablos
Ekoizlea: Canana
Herrialdea: Mexiko
9. Marilyn
Zuzendaria: Martín Rodríguez
Ekoizlea: Maravillacine
Herrialdea: Argentina-Txile
10. Sal
Zuzendaria: William Vega
Ekoizlea: Contravía Films
Herrialdea: Kolonbia-Alemania-Frantzia
11. Siete horas
Zuzendaria: Chema Rodríguez
Ekoizlea: Icónica Producciones
Herrialdea: Espainia-Mexiko
12. The return
Zuzendaria: Gorki Glaser-Müller
Ekoizlea: Zentropa International Sweden
Herrialdea: Suedia
13. Walls
Zuzendariak: Pablo Iraburu, Migueltxo Molina
Ekoizlea: Arena Comunicación
Herrialdea: Espainia
14. X Quinientos
Zuzendaria: Juan Andrés Arango
Ekoizlea: Séptima Films
Herrialdea: Kolonbia-Kanada-Mexiko
Ibermedia Proiektua (Ez da sarirako lehiatzen)
15. Noli
Zuzendaria: Álvaro Aponte-Centeno
Ekoizlea: Quenepa Producciones
Herrialdea: Puerto Rico

Informazio gehiago lortzeko:
industryclub@sansebastianfestival.com
sansebastianfestival.com



Sustatzaileak:

Laguntzaileak:



Babesleak:
 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea