Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Sentimenduak nahasten direnean
Zinemaldiaren Egunkaria » ZUZENDARI BERRIAK
Sentimenduak nahasten direnean
LIMBO
Asteartea, 2014(e)ko irailak 23

Danimarkako Nakskov hiri hotz eta baketsurantz garamatzan alemaniar drama intimista honek institutuko azken urtea amaitzear duten ikasle talde baten egunerokotasun arrunta erakusten du. Etorkizunean zer egingo, nora joango, kezkati dabiltza gazteok.

Guztien artean, Nakskoven bertan jaioa den Anna Sofie Hartmann zuzendariak arreta Sararengan jartzen du. Kameraren objektiboaz hurbiletik jarraituz, haren egunerokotasun grisa erakutsiko digu. Hartarako, iparraldeko argi erdi urdin erdi zuriak lagunduta tonu malenkoniatsuaz azalduko dizkigu neskak noraezean biziko dituen joan-etorriok.

Sara bakarrik bizi da eta bakarrik dago. Ikaskideen artean lagun onik badu ere, Karen irakasle berriarenganako mirespenak lagunengandik aldentzea eragingo du. Izan ere, harekin liluratuta igaroko baititu datozen egunak. Gainontzekoentzat irakaslearen izaera feminista “gehiegizkoa” omen den bitartean, Sararentzat ideala da, perfektua. Bestalde, irakaslearenganako mirespen hori oso bestelako sentimenduekin nahasten dituenean bien arteko harremanak bide berri bat hartuko du.

Sara bakartia bizikletan ibiltzen da, autoan eta motozikletan. Hartmann gazteak Sararen bidea presarik gabe jarraitzen duen bitartean. Inguruak erakusten ditu, hain juxtu pertsonaien egunerokotasunaren gertakari garrantzitsuenei baino inguruko gaiei garrantzia ematen dien bezala.

Hausnarketarako filma, beraz, non begiradak garrantzitsuagoak diren hitzak baino, eta gertakarien eragile eta ondorioak gertakariak berak baino. Amaierako eszenak zer adierazten duen ezin asmatu, ordea. A.M.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea