Mundu zabaleko zinema eskoletatik etorritako ikasleen topaketa bat da. Ikasle hauen lanak aurrez aukeratuak izan dira, euren laburmetraiekin proiekziotan parte hartzeko baita hitzaldi eta industriako profesionalek prestatzen dituzten master classetan jarduteko ere. Aurkeztutako laburmetraien lehiaketa bat ere antolatzen da eta ikasleak izen handiko zinemagile batek zuzenduta, Panavision Sariaren eta Freak Agentzia Sariaren film irabazlea hautatuko dute. Epaimahaikideek gainera, Canneseko Zinemaldiko Short Film Cornerrean parte hartzerik izango duten hiru zuzendarien izenak aukeratuko dituzte.

Aurten, lehen aldiz, hiru sari berri banatuko dira Topaketan. Torino Award-a, Topaketan parte hartzen duen zuzendari batentzako eta epaimahai espezifiko batek esleitua, BioBio Saria, Panavision Saria irabazi duen laburmetraiarentzako eta azkenik Orona Saria, Topaketaren laburmetrai berritzaileenari.

Zinema Ikasleen Nazioarteko Topaketa, Tabakalera - Kultura Garaikidearen Nazioarteko Zentroaren laguntzarekin antolatzen da. Gainera, Donostia 2016 Europako Kultur Hiriburuaren babesa du eta Panavision, Freak Agentzia, Short Film Corner, TorinoFilmLab, BioBio Cine, Festival Internacional de Concepción eta Orona Fundazioa ditu laguntzailetzat.

• Araudia (pdf)

---

NOTICIAS RELACIONADAS

• 2014 / 09 / 03
  Orona Fundazioa Donostia Zinemaldiarekin elkarlanean arituko da
• 2014 / 08 / 26
  Zinema Ikasleen Nazioarteko XIII. Topaketa irailaren 23tik 26ra izango da, Donostia Zinemaldiaren 62. edizioaren barruan
• 2014 / 05 / 14
  Ekainaren 2an irekiko da Donostia Zinemaldiaren Zinema Ikasleen Nazioarteko XIII. Topaketako izen-emate epea.
  Topaketa 2014ko irailaren 23tik, asteartea, 26ra, ostirala, ospatuko da 62. Donostia Zinemaldiaren barruan.