Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Bizio eta zaletasunen tenploan
Zinemaldiaren Egunkaria » ZABALTEGI
Bizio eta zaletasunen tenploan
IM KELLER
Igandea, 2014(e)ko irailak 21

Zer egiten dugu inork ikusten ez gaituela ziur gauden toki batean?

Ulrich Seidl (Paradise trilogia sarituaren egilea) austriarraren dokumental bitxi honetan ezin pertsonaia bereziagoak topatuko ditugu. Itxuran jende arrunta da, kaleko jendea, baina sotora jeitsiz gero, ene, horiek dira bitxikeriak! Seidlek, hain zuzen, haien “beste” aldea erakutsi nahi izan du. Hartarako, euren izkutuko munduan, aske sentiarazten dituen azpi-mundu horretan egiten dutenaz beldurrik gabe hitz egin diezaguten eskatuko die pertsonaia anonimo horiei. Horiek berriz, lotsarik gabe erakutsiko dizkigute euren habi kuttunetan daudenean egiten dituztenak. Habi horiek euren etxeko sotoak dira.

Emakume heldu batek kutxa ezberdinetan gordeta dauzkan ume jaio-berri itxurako panpinak besotan hartu eta umeak izango balira bezala tratatzen ditu; jolas sadomasokistak askatasun osoz egiten dituzten bikoteak; Hitlerren miresle sutsua den gizon batek musika bandako kideak biltzen ditu sotoan, askatasun osoz edan eta txiste zatarrak kontatzeko; ehiztari batek bere trofeo guztiak harro erakusten dizkigu. Emakume zorrotz eta dominante batek bere senar morroiari egiten dizkion basakeria eta perbertsioak harrotasun osoz erakusten dizkigu. Ludopatak, noraezean dauden gaztetxoak, pistolaz tiroak botatzen aritzen den opera kantaria…

Hori guztia giro itogarri batean kokatua eta argazki finkoak bailitzan bezala, kamera estatikoz erakutsiak.

A.M.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea