Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Egungo gazte suitzarrei begira
Zinemaldiaren Egunkaria » ZUZENDARI BERRIAK
Egungo gazte suitzarrei begira
CHRIEG
Igandea, 2014(e)ko irailak 21

Matteo zeharo galduta dago. Hamasei urte besterik ez dauzka eta atsegin ez duen familia batean hezi eta bizi da. Aita zakar eta batere maitakorra ez denak ez dio laguntzen. Amak ere ez daki nola lagundu, ez daki nola hurbildu bere seme nerabearengana. Izan ere, bere ume txikiaren zaintzaz besterik ez da arduratzen. Matteok homosexuala dela dioen arren, emakume bat eramango du etxera eta bere ohean sartuko du. Gurasoak nahasteko, agian. Edo probokatzeko. Auskalo zeintzuk diren mutilaren asmoak. Drogazalea izateaz gain droga saltzen aritzen da, eta tira, etxean ez daude pozik. Horregatik, Alpeetako mendi puntako etxadi zahar batera bidaliko dute, bertan “sendatuko” dutelakoan.

Hasieran Matteo zakur baten modura tratatuko dute –irudi bortitzagorik aurkitzea ez da erraza, ene!- baina pixkanaka, bera zaindu eta zuzentzez arduratzen diren hiru gazte zakar, baztertu eta ia beldurgarriek onartu egingo dute, eta elkarrekin izugarrizkoak egingo dituzte.

Matteok zentzua aurkitu dio bere bizitza galduari. Orain lagunokin bizitzea nahiagoko du etxera itzuli baino. Ez du etxekoen berotasuna behar. Orain, lagun berriekin aske ibili, aurreiritzirik gabe jokatu, bortizkeria muturreraino eraman eta amorrua kolpeka askatu ahalko du. Nahi duena egingo du.

Egungo suitzar gaztediaz mintzo den drama ilun eta ausart samar honek sendi desegituratuak eta horien lotura ezak belaunaldi berriengan duen eraginaz hausnartzen du. Bideo-jokoak eredutzat dituzten gazteok arerioak bilatzen baitituzte laguntasunaren gainetik, gurasoen maitasunaren gainetik.

A.M.

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea