tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Artista baten azken ordu irudikatuak
Artista baten azken ordu irudikatuak
Pasolini
Astelehena, 2014(e)ko irailaren 22

Abel Ferrara eta Willem Dafoe zuzendari eta aktore handiek elkarlanean egindako pieza berri honek errealitatea eta irudimena nahasten ditu, Pasolini maisuaren bizitzako azken eguna bere modura erakusteko. Irudimena galanta, amesgiroko eszena surrealista ugari, eta azpi- azpian, gertakari erreal bat: Pasoliniren amaiera.

Ferrararen nortasun berezia agerian uzten duen bertsio ausart eta oso subjektibo honek Pasoliniren film, liburu eta olerki sortatik ateratako sekuentzia iradokitzaile ugari nahasten ditu, eta horiek kaleidoskopio baten antzera mugitzen ditu, protagonistaren amaiera tristerantz bideratzen gaituen bitartean.

Berez askatasun osoz eraikitako bertsioa bada ere, 70eko hamarkadaren erdialdeko Erroman kokatua dago. Horretan bai, historiarekiko leialki jokatu du Ferrarak, eta bereziki zaindu ditu istorioaren kokapen eta girotzeak. Halaz eta guztiz ere, berezko gertakari errealari berari baino garrantzi gehiago ematen dio Pasoliniren azken eguneko egutegiari, huraxe izanik gidoiaren ardatza. Berton idatzitakoak hartuta, oso puzzle bitxia egiten du.

Aktoreen lana atsegingarria da. Dafoe bera, adibidez, miresgarri dago Pasolini intelektual, sexuzale azkar eta erakargarriaren rolean. Nabarmentzekoa da, halaber, azken aldian ahaztuxea izan dugun Maria de Medeiros finaren partaidetza. Laura Betti hilehoriarena egiten du, nahikoa agerpen labur baina dibertigarria eskainiz. ane muñoz

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea