tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 62. Edizioa 2014  > Zinemaldiaren Egunkaria > Beste amets zapuztu bat
Beste amets zapuztu bat
ČESKÝ SEN / CZECH DREAM
Astelehena, 2014(e)ko irailaren 22

Nola laburbildu zure ametsa Europako ekialdeko herrialde komunista batean jaiotakoa bazara eta bat-batean munduko aberastasun eta gutizi guztiak zure eskura prezio onean eta etxetik gertu agintzen dizkizutenean? Nola laburbildu une horretan bertan zein den zure iparra?

Prahako zine eskolako bi ikaslek esperimentu bat egin nahi izan zuten 2003an, ametsaren kontzeptuarekin. Txekia osoa zipriztintzen ari zen hipermerkatuen sukarrak asaldatuta —denda handiak nonahi, kontsumo ohiturak ere aldatuta—, frogatu nahi izan zuten noraino irits daitekeen modek eta kontsumoko gizarteak agintzen duten morrontza, eta publizitate agentzia handiek nahiko luketen efikaziarekin, produktu bat sortu zuten, txekiar guztiek amestuko zuten hipermerkatua: Amets Txekiarra.

Ez da broma, eta ez da gutxiestekoa. Dokumentala prestatzeko egin zituzten elkarrizketetan, kide batek onartu zien ezin zuela lorik bildu hipermerkatura joan behar zuen egunaren bezperan, eta gazte bati galdetu ziotenean zer zen berarentzat hipermerkatu batera joatea, erantzun zuen: mendira joatea bezala, egunsentian.

Lortu zuten beraz jakinmina piztea, eta lortu zuten engainua perfektua izatea. Eta jendetza biltzea lortu zutenean denda sare fiktizioaren lehena nolakoa izango zen erakusteko eta jendea amarruaz ohartu zenean, halako naturaltasunez onartu zuen dena. Amets zapuztu gehiegi balitu bezala, bizkarrean pisu. Alberto Barandiaran

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea