Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Donostia Zinemaldiak antolatzen du Glocal in Progress.
Donostia Zinemaldiaren egoitza nagusia honako helbide honetan dago:
DONOSTIA ZINEMALDIA
TABAKALERA - Nazioarteko Kultura Garaikidearen Zentroa
Emakume Zigarrogileen Plaza, 1, 2. solairua
20012 Donostia (Espainia)
Tel.: +34 943 481212
ssiff@sansebastianfestival.com
Zinemaldiaren Webgune ofizialak: www.sansebastianfestival.com informazio xehatua eskaintzen du, eta Zinemaldiarekin eta bertako sailekin harremanetan jartzeko datuak ere biltzen ditu.
DONOSTIAKO NAZIOARTEKO ZINEMALDIA Sozietate Anonimoa Donostiako Udalak, Eusko Jaurlaritzak, Gipuzkoako Foru Aldundiak eta Espainiako Gobernuko Kultura, Hezkuntza eta Kirol Ministerioak osatzen dute zati berdinetan, eta Donostiako alkate Eneko Goia du presidente. Donostia Zinemaldiko antolakuntzaren burua jaialdiaren zuzendaria José Luis Rebordinos da.
Donostia Zinemaldia Film Ekoizleen Elkarteen Nazioarteko Federazioan (F.I.A.P.F. www.fiapf.org) onartuta dago, «Lehiatzeko zinema-jaialdiak» kategorian.
1. ARTIKULUA
Donostia Zinemaldiak ekarpen positiboa egin nahi dio kulturari eta zinema-industriari.
2. ARTIKULUA
Donostia Zinemaldiaren 65. edizioa Donostian egingo da, 2017ko irailaren 22tik 30era bitartean. Glocal in Progress, berriz, 2017ko irailaren 25etik 27ra artean bilduko da.
3. ARTIKULUA
Glocal in Progress lehenengo ediziora aurkezten diren filmak Donostiako Zinemaldiko hautespen – batzordeak aukeratuko ditu.
4. ARTIKULUA
Glocal in Progress Saria, 10.000 euro gordinekoa, Glocal in Progress Industriaren Sariaren irabazle den film beraren ekoizle nagusiari emango zaio, banku-txeke bidez edo nazioarteko txeke bidez; edozein kasutan, eurotan.
5. ARTIKULUA
Glocal in Progress Saria ezingo da eman gabe utzi, ez eta proiektu bati baino gehiagori eman ere.
6. ARTIKULUA
Glocal in Progress Saria 2017ko irailaren 27an –asteazkena– jakinaraziko da.
7. ARTIKULUA
Proiektuak ekoizten amaitutakoan, horien arduradunek Glocal in Progress Saria-ren logoa agerrarazi beharko dute behin betiko kopiako kredituetan. Logotipoa hainbat hizkuntzatan egongo da eskuragarri Zinemaldiaren Webgune ofizialean
8. ARTIKULUA
Araudi honen interpretazioan sor daitekeen edozer zalantza Donostia Zinemaldiaren zuzendaritzak ebatziko du.
9. ARTIKULUA
Araudi honen interpretazioari buruzko desadostasunik balego, gaztelaniazko testua aplikatuko da.
Astelehenetik ostegunera: 09:00 - 15:00.
Ostiraletan: 10:00 - 14:00